Спорт
Рангник ги „спушти“ фановите на Јунајтед на земја: Не сме ниту блиску до најдобрите тимови
Ралф Рангник ги предупреди навивачите на Манчестер јунајтед да не очекуваат чуда, откако стана петтиот човек кој го наследил Сер Алекс Фергусон со очекувања за „препород“ и нова „златна ера“, по Дејвид Мојс, Луис ван Гал, Жозе Мурињо и Оле Гунар Солскјер.
63-годишниот Германец признава дека клубот мора да се адаптира за да го заддржи темпото со два клуба предводени од негови сонародици, Ливерпул (Јирген Клоп) и Челси (Томас Тухел), но посочи дека тоа нема да биде на штета на филозофијата на клубот со фокус на млади фудбалери и напаѓачки фудбал.
„Се работи за вистински засилувања, но и за тоа секоја година да имаме фудбалери од академијата доволно добри да бидат во првиот клуб. Едната работа не ја поништува втората. Се надевам дека ќе најдам стан во следните три-четири дена, за мојата партнерка да може да се пресели. Се надевав дека ќе се сретнам со Сер Алекс, но тој само што се врати од Њујорк во четвртокот и мора да остане во карантин. Јас секогаш сум голем оптимист, но морам да бидам и реален. Пред пет недели, нашиот тим загуби со 5:0 од Ливерпул, и да бидеме искрени можеше да има повеќе голови. Против Сити беше 2:0, исто така можеше да биде и полошо. Беше важно да освоиме поен кај Челси, но перформансите? Тие имаа 24 удари на голот, ние имавме 3. Во моментов не е реално да ги предизвикаме врвните премиерлигашки клубови во следните недели или месеци. Не можам да ги направам нашите играчи чудовишта за две, три, четири недели“, објаснува Рангник.
Тој се спореди со Клоп и со Тухел.
„Со Јирген се знам од 1997 и секогаш имавме добри односи. Тој ми се јави пред својата прва тренерска работа во Мајнц и ме праша колку плата да побара, бидејќи немаше агент. Кога му кажав ми одговори: ‘Ах, тоа не премногу?’. Со Томас е поинаку. Тој ми беше фудбалер во Улм, но само шест месеци бидејќи мораше да ја заврши кариерата поради повреда. Две години подоцна во Штутгарт, го прашав дали сака да стане тренер на У-15 тимот и тоа беше неговиот почеток. Тоа што го направи за четири месеци со Челси со освојувањето на титулата во Лигата на шампионите беше неверојатно. Не можам да кажам дека очекувам такво нешто да се случи со мене“, додава Рангник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола има план како да му го украде Гуеи на Ливерпул

Пеп Гвардиола наредил, а Манчестер сити ќе се обид ви финишот на преодниот рок да го реализира трансферот на Марк Гуеи. Капитенот на Кристал Палас, чии договор истекува на крајот од сезоната, цело лето се поврзува со Ливерпул.
Гвардиола сака да ги има Гуеи во составот, откако е извесни дека ќе остане без двајца централни дефанзивци. Нејтан Аке има понуда од Евертон, а за Мануел Аканџи Галатасарај истпари понуда.
Токму Аканџи треба да биде клучот за преселбата на Гуеи во Сити. „Граѓаните“ се подготовени да понудат одредена сума на пари и да го испратат Аканџи во Кристал Палас во замена за нивниот капитен и стандарден репрезентативец на Англија.
Фото/ Принтскрин
Спорт
Мијатовиќ: Винисиус не заслужува да го носи дресот на Реал

Предраг Мијатовиќ, стрелецот на голот во 1995 година со кој Реал по 30 години пауза стана европски првак, жестоко го критикуваше Винисиус Жуниор. Актуелниот потпретседател на фудбалскиот клуб Партизан, рече дека Бразиелцот не заслужува да го носи дресот на Реал.
Реал во неделата, победи во Овиедо со 3:0. Два од трите гола Реал постигна во самиот финиш на мечот. Еден постигна Винисиус, но медиумите во Шпанија по мечот повеќе пишуваа за однесувањето на Бразилецот, отколку за она што го покажа на теренот.
„Некои работи не се менуваат. Сметам дека со однесувањето не заслужува да го носи дресот на Реал Мадрид. Се мотивира така што се расправа со сите. Тој е исклучителен фудбалер, но мора внимателно да процените дали вреди да се биде во клубот“, рече Мијатовиќ.
Фото/ Принтскрин
Спорт
Ништо од Димитриевски, Леванте го потпиша Мет Рајан

Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez