Спорт
Судири, казни, контроверзи и обвинувања – Хамилтон победи, Ферстапен казнет, следниот викенд финалето

Првото Саудиско ГП на патеката Џеда ќе биде запаметено како едно од најконтроверзните, најбизарните и најчудните во историјата на Формула 1, откако Луис Хамилтон забележа нова победа, Макс Ферстапен доби казна од 5 секунди, за пред последната трка од сезоната, двајцата возачи да патуваат во Абу Даби израмнети со по 369.5 поени.
Борбата која трае цела сезона, во Саудиска Арабија стана и „грда“ со јавно барање на казна од страна на двата тима, судири на патеката, и на крајот казна за Ферстапен, за израмнување на ситуацијата во генерален пласман.
По драматичните вчерашни квалификации, во кои Ферстапен имаше супер-брз последен круг, пред да се удри во ѕидот на тесната патека, Хамилтон и Ботас стартуваа од првиот ред, а зад нив беше Холанѓанецот.
Тој не успеа да направи некој потег за да ги помине, но по само десетина круга, Мик Шумахер во Хас излета од патеката и предизвика излегување на безбедносното возило. Од Мерцедес веднаш одлучија дека е вистинско време за промена на гумите, и влегоа во боксот, додека Ферстапен и Ред бул решија да останат на патеката. Но, наместо рестарт, трката беше прекината бидејќи не можеше да се поправи на време бариерата во која се удри Шуми Јуниор, со што Ферстапен доби предност да може „бесплатно“ да ги смени гумите и да стартува како прв.
Рестартот повторно донесе контроверзи. Од Ред бул се пожалија дека Хамилтон намерно стои далеку од Ферстапен да ги загрее гумите, и при рестартот, возачот на Мерцедес успеа да го помине Ферстапен, кој ја врати позицијата така што излезе надвор од патеката, а Естебан Окон се протна на второто место.
Но, тогаш повторно се случи хаос, кога Никита Мазепин се удри во Џорџ Расел, предизвикувајќи ново излегување на безбедносното возило и втор прекин на трката. Од ФИА, во обид да ја решат можната казна на Ферстапен за излегување од патеката, се договорија со Мерцедес и Ред бул, во рестартот Окон да биде прв, Хамилтон втор, а Ферстапен трет.
Вториот рестарт дефинитивно му припадна на Ферстапен, кој успеа фантастично да го помине Хамилтон и Окон, и да излезе како прв на патеката. Меѓутоа, Хамилтон не беше далеку и остануваше во една-две секунди до ривалот. Кога успеа да го стигне, Ферстапен одби да се предаде, и ја пресече патеката за да остане пред него.
LAP 38/50
MAX AND LEWIS COLLIDE!
Verstappen is instructed to give the place to Hamilton, but they make contact ?#SaudiArabianGP ?? #F1 pic.twitter.com/QnRaWoaYzP
— Formula 1 (@F1) December 5, 2021
Се веруваше дека Холанѓанецот ќе добие наредба да го пропушти Хамилтон, но кога тој се обиде да го направи тоа и подзастана на патеката, Хамилтон се удри во него. Потоа од ФИА одлучија дека Ферстапен ќе добие казна од 5 секунди на конечното време, по што возачот на Ред бул едноставно го пропушти Хамилтон, задоволувајќи се со второто место.
Валтери Ботас буквално во последните метри од трката успеа да го победи Естебан Окон во Алпине за третото место, за совршен ден за Мерцедес во Саудиска Арабија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола има план како да му го украде Гуеи на Ливерпул

Пеп Гвардиола наредил, а Манчестер сити ќе се обид ви финишот на преодниот рок да го реализира трансферот на Марк Гуеи. Капитенот на Кристал Палас, чии договор истекува на крајот од сезоната, цело лето се поврзува со Ливерпул.
Гвардиола сака да ги има Гуеи во составот, откако е извесни дека ќе остане без двајца централни дефанзивци. Нејтан Аке има понуда од Евертон, а за Мануел Аканџи Галатасарај истпари понуда.
Токму Аканџи треба да биде клучот за преселбата на Гуеи во Сити. „Граѓаните“ се подготовени да понудат одредена сума на пари и да го испратат Аканџи во Кристал Палас во замена за нивниот капитен и стандарден репрезентативец на Англија.
Фото/ Принтскрин
Спорт
Мијатовиќ: Винисиус не заслужува да го носи дресот на Реал

Предраг Мијатовиќ, стрелецот на голот во 1995 година со кој Реал по 30 години пауза стана европски првак, жестоко го критикуваше Винисиус Жуниор. Актуелниот потпретседател на фудбалскиот клуб Партизан, рече дека Бразиелцот не заслужува да го носи дресот на Реал.
Реал во неделата, победи во Овиедо со 3:0. Два од трите гола Реал постигна во самиот финиш на мечот. Еден постигна Винисиус, но медиумите во Шпанија по мечот повеќе пишуваа за однесувањето на Бразилецот, отколку за она што го покажа на теренот.
„Некои работи не се менуваат. Сметам дека со однесувањето не заслужува да го носи дресот на Реал Мадрид. Се мотивира така што се расправа со сите. Тој е исклучителен фудбалер, но мора внимателно да процените дали вреди да се биде во клубот“, рече Мијатовиќ.
Фото/ Принтскрин
Спорт
Ништо од Димитриевски, Леванте го потпиша Мет Рајан

Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez