Спорт
Порто, Атлетико и Милан во трка за второто место во Б-групата
Вечерва и утре, ќе се одиграат натпреварите од последното коло во Лигата на шампионите. Клубовите ќе се борат за преостанатите пет места во нокаут-фазата. Место во осмина-финалето обезбедија Ајакс, Баерн, Челси, Интер, Јувентус, Ливерпул, Манчестер сити, Манчестер јунајтед, ПСЖ, Реал и Спортинг.
Најинтересно во овие два дена ќе биде во групите Б, Е и Г.
Ливерпул ја освои Б-групата, а за второто место конкурираат Порто, Атлетико и Милан. Вечерва, Порто ќе го пречека Атлетико, а Ливерпл ќе гостува кај Милан.
Барселона во Е-групата гостува во Минхен, само со победа ќе избори место во нокаут-фазата, во спротивно ќе зависи од резултатот што ќе го постигне Бенфика против Динамо Киев.
Вистинска лудница се случува во Г-групата. Сите тима имаат можност да изборат осмина-финале.
По пет кола, Лил има осум, Салцбург седум, Севилја шест, а Волфсбург пет бода. Во последното коло Салцбург ќе ја пречека Севилја, а Лил гостува во Волфсбург.
Група А:
ПСЖ – Клуб Бриж
Лајпциг – Манчестер сити
Група Б:
Милан – Ливерпул
Порто – Атлетико Мадрид
Група Ц:
Ајакс – Спортинг
Борусија Дортмунд – Бешикташ
Група Д:
Реал – Интер
Шахтјор – Шериф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.