Европа
Бајден по разговорот со Путин се консултира со европските сојузници
Американскиот претседател Џозеф Бајден ќе разговара за исходот од денешниот руско-американски видео-самит со францускиот претседател Емануел Макрон, германската канцеларка Ангела Меркел, италијанскиот премиер Марио Драги и британскиот премиер Борис Џонсон, соопшти Белата куќа.
Лидерите на Велика Британија, Италија, САД, Франција и Германија изразија загриженост на состанокот во понеделникот поради наводната поостра руска реторика кон Украина и ја повикаа Русија да ги деескалира тензиите и се согласија дека дипломатијата, особено во рамките на „Нормандискиот формат“ (Германија, Русија, Украина и Франција), е единствен начин за решавање на конфликтот во Донбас со спроведување на договорот од Минск.
„На вчерашната средба лидерите се согласија да останат во близок контакт во однос на координиран и сеопфатен пристап како одговор на зајакнувањето на руските трупи на границите на Украина“ се наведува во соопштението, кое го пренесе агенцијата „Тасс“.
Американскиот и рускиот претседател Џозеф Бајден и Владимир Путин денеска одржаа видеоконференција која траеше нешто повеќе од два часа, а на која разговараа за Украина и за други спорови во американско-руските односи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Полицијата го растури пропалестинскиот протест на Универзитетот во Амстердам
Полицијата го растури пропалестинскиот протест на Универзитетот во Амстердам, откако демонстрантите кои ја осудуваа израелската војна во Газа ги окупираа универзитетските згради во неколку холандски градови, објави новинската агенција АНП.
Hundreds of riot police were dispatched to quell a peaceful pro-Palestine protest in Amsterdam, where thousands of university students and staff staged a walkout in solidarity with Gaza and to denounce the Israeli genocide there.
The protesters also demanded that the country's… pic.twitter.com/crPrW9Uhls— Quds News Network (@QudsNen) May 13, 2024
Претходно денеска, холандска протестна група соопшти дека ги окупирала универзитетските згради во холандските градови Амстердам, Гронинген и Ајндховен.
Во објава на социјалната мрежа „Икс“, полицијата во Амстердам соопшти дека универзитетот поднел полициска пријава против демонстрантите за вандализам.
Students and or rioters throwing papers outside of the windows of the UvA university Amsterdam. #UvA #protest #Amsterdam #Gaza #Israel ©️iAnnet pic.twitter.com/wSrGuWWI9m
— iAnnet 🦋 (@iAnnetnl) May 13, 2024
Полицијата се грижи никој да не може да влезе во универзитетските згради и ќе побара од демонстрантите доброволно да ги напуштат просториите, се додава во соопштението.
The university staff walkout has started in Amsterdam ✊🏻🚩🇵🇸
Huge amount of support here. We will not stop till the university listens. https://t.co/C8V9bskZ55 pic.twitter.com/cLF2pH7qGw
— chugging pilk at 2am and getting a tummy ache (@GASLIGHTER_) May 13, 2024
Портпаролот на Универзитетот во Амстердам ја потврди окупацијата и рече дека ги советувал луѓето кои не се поврзани со протестот да ја напуштат зградата.
Европа
Украинците убиле и раниле 20-тина Руси со дрон камиказа
Околу дваесет руски војници се убиени или ранети во напад со дрон камиказа врз логистички центар и складиште за оружје во окупираниот град Соловјов во Доњецк, објави германскиот новинар Јулијан Ропке.
#NewsMap
Around 20 Russian troops were either killed or wounded in a Ukrainian kamikaze drone attack on a logistics center (local HQ / weapons depot / field hospital) in occupied #Solovyove, Donetsk oblast. pic.twitter.com/4gSwWeHAEF— Julian Röpcke🇺🇦 (@JulianRoepcke) May 13, 2024
На северот на Украина се водат жестоки битки по ненадејниот руски упад кој започна во петокот. Оттогаш, повеќе од 6.000 луѓе се евакуирани од регионот на Харков. Украина веќе некое време ја очекува руската летна офанзива. Едно од сценаријата е можен обид за заземање на Харков, вториот по големина град во Украина.
Според Москва, руските сили досега зазеле девет села во близина на границата. Повеќето од нападите се насочени кон градот Вовчанск, чиј пад значително ќе го олесни натамошното продирање на руските сили во североисточниот дел на Украина.
Украина го разреши командантот одговорен за Харков. Донесена е одлука на таа функција да биде именуван бригадниот генерал Михајло Драпати.
Европа
Српскиот премиер: Отворени сме за пријателски разговори со Украина за сите прашања
Србија останува посветена на почитувањето на меѓународното право и територијалниот интегритет на секоја членка на ОН, вклучително и Украина, и е отворена за пријателски разговори за сите прашања и на сите нивоа, изјавија денеска српските власти на шефот на украинската дипломатија Дмитро Кулеба.
Украинскиот министер е во посета на Србија со Олена Зеленска, сопругата на претседателот на Украина, која учествува на меѓународна средба за ментално здравје.
I met with Serbia's Prime Minister @Milos_Vucevic and expressed gratitude for Serbia's humanitarian assistance to Ukraine.
We discussed ways to expand bilateral trade and return it to pre-war levels.
In this context, we agreed to hold the first meeting of the Intergovernmental… pic.twitter.com/OHhL2r7KHV
— Dmytro Kuleba (@DmytroKuleba) May 13, 2024
Агенцијата АП објави дека за време на неговата прва посета на Србија од почетокот на руската агресија во Украина во 2022 година, Кулеба се сретнал со претседателот Александар Вучиќ и со новиот српски премиер Милош Вучевиќ, во чија влада има неколку проруски министри, вклучително и двајца кои се под американски санкции.
Вучиќ на Инстаграм објави дека српскиот амбасадор за краток период ќе се врати на својата должност во Киев. Тој изјави дека со Кулеба е „разговарано и договорено“ за подобрување на билатералните односи, особено со желба наскоро да се организира економски форум на бизнисмени од двете земји.
„Разговаравме и за европскиот пат на двете земји и за итната потреба од воспоставување мир“, најави Вучиќ, додавајќи дека на Кулеба „исто така му укажал на проблемите со кои се соочува Србија, пред се на меѓународен план“.
По разговорот меѓу новиот српски премиер Вучевиќ со украинскиот министер за надворешни работи, владата соопшти дека тој на гостинот од Киев му рекол дека „Србија е посветена на почитување на меѓународното право и територијалниот интегритет на секоја земја-членка на ОН, вклучително и Украина“.
„Отворени сме за пријателски разговори за сите прашања и на сите нивоа“, рече Вучевиќ и, според владиното соопштение, му се заблагодарил на соговорникот за укажувањето на хуманитарната помош што Србија му ја испрати на украинскиот народ.
Посетата на Кулеба и Зеленска, кои денеска ја обиколија српската престолнина со сопругата на Вучиќ, Тамара, наиде на критики од Москва, јави АП, повикувајќи се на оценката на руската агенција РИА Новости, која објави коментари како „срамно“, наводно испратени од читателите на руските државни медиуми.
Американската агенција наведува дека, „очигледно, во обид да се поправи штетата“, набргу по разговорот со Кулеба, српскиот премиер Вучевиќ треба да се сретне и со рускиот амбасадор во Белград за време на планираната посета на складиште со руски гас увезен од Србија.
Претседателката на српскиот парламент, Ана Брнабиќ, претходно денеска се сретна со рускиот амбасадор Александар Боцан-Харченко, при што разговарале, како што соопштија од нејзиниот кабинет, „за можните форми на парламентарна соработка меѓу двете земји“, пред се „за воспоставување на парламентарна група за пријателство со Русија“.