Економија
НЛБ банка во соработка со „Генерали инвестментс“ воведува нов производ – продажба на удели од инвестициски фондови
НЛБ Банка Скопје, во соработка со друштвото за управување со инвестициски фондови Генерали Инвестментс АД Скопје, го проширува своето портфолио на небанкарски финансиски производи и услуги и започнува со продажба на удели од инвестициски фондови со кои управува друштвото. Со воведувањето на новиот производ, НЛБ Банка го надополнува концептот на „one stop shop“, односно финанансиски супермаркет кој нуди сеопфатно финансиско советување и богата понуда на финансиски производи и услуги на своите клиенти.
Соработката помеѓу двете компании беше одбележана со донација за младиот математички гениј Дамјан Давков од Штип, кому неодамна Советот на Општина Штип му го додели највисокото општинско одличје, наградата 8-ми Ноември. Претседателот на УО на НЛБ Банка Скопје, Антонио Аргир, Претседателот на УО на Generali Investments, Лука Подлогар и Главниот извршен директор на Генерали Инвестментс АД Скопје, Лазе Камчев, на Дамјан симболично му врачија вредносен ваучер од 3.000 евра, средства кои ќе се вложат во удели во Генерали Топ Брендови, со цел остварување дополнителен принос, кој во иднина тој ќе може да го искористи за свое школување и доусовршување.
„НЛБ Банка во континуитет воведува нови и иновативни производи, истовремено овозможувајќи софистициран и напреден консалтинг и оптимално управување со средствата на клиентите преку производи кои соодветствуваат со нивните моментални потреби и обезбедуваат идна финансиска стабилност. Тргувањето со удели од инвестициски фондови е една од најбрзо растечките финансиски активности во нашата земја, а дополнително, по стабилизирање на состојбата со пандемијата и последователно на домашната и светската економија, се очекува уште поголем и позабрзан раст на оваа индустрија во иднина. Со овој производ НЛБ Банка Скопје ја заокружува понудата на небанкарски финансиски производи и со тоа се изедначува со понудата на западноевропските банки, нудејќи широки можности за клиентите, сеопфатно финансиско советување и пристап до низа инструменти кои можат да одговорат и на покомплексните потреби на клиентите и остварување на нивните очекувани финансиски цели“ – истакна Антонио Аргир, Претседател на УО на НЛБ Банка Скопје, кој во оваа прилика упати честитки до Дамјан и неговото семејство и изрази уверување дека уделите од инвестицискиот фонд ќе му донесат на Дамјан принос кој ќе му овозможи достојна едукација во иднина.
Претседателот на УО на Generali Investments, Лука Подлогар ја поздрави соработката помеѓу двете компании и во оваа прилика изјави: „Ја негуваме соработката со НЛБ Банка Скопје и ја препознаваме Банката како важен деловен партнер. Силно веруваме во синергија и јас сум уверен дека ова е само почеток за понатамошен заеднички локален и меѓународен раст и проширување на производите што ги нудиме. Ќе се осмелам да кажам дека сме најдобри во она што го работиме“.
“Најнапред би сакал да се заблагодарам на НЛБ Банка Скопје за соработката, визионерскиот поглед на менаџментот за иднината на финансиските производи и сеопфатниот пристап кон потребите на клиентите. Заедно со НЛБ Банка Скопје градиме силно партнерство и уверени сме дека оваа соработка ќе обезбеди посебен пристап и понуда од која корист ќе имаат постојните и идните клиенти. Уверен сум дека нашите производи, отсега достапни во сите експозитури на НЛБ Банка Скопје, се додадена вредност на понудата на Банката, бидејќи инвестициските фондови стануваат сè поважен штеден и инвестициски производ“ – истакна Лазе Камчев, Главен извршен директор на Генерали Инвестментс АД Скопје.
Дел од производите кои се предмет на оваа соработка се: продажба на удели во акциски фондови со еднократна уплата, продажба на удели во акциски фондови со програмирана уплата, продажба на удели во парични фондови – наменето за правни лица, како и продажба на удели во инвестициски депозит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Мицкоски: Претходната власт трошела расипнички, но во првите 100 дена ние покажавме домаќинско работење и ги враќаме долговите
„Со реорганизација на Буџетот во овие први 100 дена, ако ја споредиме фактичката состојба којашто ја наследивме како Влада, од минус 200 милиони евра или отприлика минус 12 милијарди денари, можам да кажам дека веќе овој месец очекуваме да бидеме на позитивна нула.
А, што се однесува до институциите, надвор од Владините институции, министерствата, останатите претпријатија, можам да кажам дека во моментот АД ЕСМ има евидентирани долгови отприлика нешто повеќе од 5 милијарди денари, тоа е нешто над 80 милиони евра и се работи на санирање и намалување на истите. Фондот за здравство е исто така околу 5 милијарди денари, веќе 2 милијарди денари ќе бидат вратени овој месец, ќе бидат вратени оваа година. Ќе се обидеме во следната година целосно да дојдеме до состојба нула, затоа што кога сме во состојба нула и кога не барате одложено плаќање, тогаш и оние коишто ги испорачуваат оние лекарства коишто се потребни за пациентите, ќе бидат поевтини и поквалитетни.
Но тоа не е сѐ, тука се оние јавни претпријатија коишто е Национални шуми, Водостопанство, каде што долговите беа речи си милијарда денари, само по основ на плати беа близу половина милијарда. Или ако сѐ се собере можам да кажам дека, не само што го беа потрошиле Буџетот за помалку од половина година, туку и долговите кои што беа големи се бројат во, она коешто го затекнавме се брои отприлика околу една милијарда евра, нешто коешто претставува историски највисоко ниво на долгови коешто една Влада го наследила.“, изјави премиерот Христијан Мицкоски одговарајќи на новинарско прашање за состојбата со долговите на институциите и колку истите во првите 100 дена Владата успеала да ги врати и додаде:
„Но нема очајување, тоа е што е, сега сме се нафатиле за оваа работа, сме ја добиле довербата од граѓаните, работиме многу и ќе продолжиме да работиме. Сите го знаат тоа, не е некоја тајна коешто ова го зборувам јас денеска, ако беа добри немаше сигурно да бидеме ние тука, така што ќе продолжиме да работиме и да ги потсетуваме граѓаните каква лоша и очајна состојба оставија, но истовремено мора да дадеме сѐ од себе за да, или вака да го кажам тоа спортски, да го ставиме срцето на терен за да излеземе од оваа ситуација и мислам дека до крајот на оваа година ќе можеме да кажеме дека сме излегле од оваа ситуација.“, изјави претседателот на Владата, Мицкоски.
Економија
УСЈЕ го претстави својот напреден пристап во примената на вештачката интелигенција на AI Tech Summit 2024
ТИТАН УСЈЕ го презентираше иновативните решенија во примената на вештачката интелигенција на годинешниот AI Tech Summit, кој на едно место собра водечки светски компании и експерти од областа на напредни технологии и вештачка интелигенција. Самитот кој се одржа во Скопје е еден од најзначајните настани на оваа тема во Југоисточна Европа, а ги обединува технолошките иноватори, истражувачи и деловни лидери кои ги презентираат најновите достигнувања во примената на вештачката интелигенција во различни индустрии.
Панагиотис Маргарис, директорот за дигитални решенија на групацијата ТИТАН, која раководи со 14 цементарници во Северна и Јужна Америка, Африка и во Југоисточна Европа, ја претстави стратегијата на ТИТАН за имплементација на оперативен модел од следната генерација преку дигитална трансформација кој групацијата го имплементира постапно во сите свои цементарници. „Покрај другите бенефити, иновативните технолошки решенија и вештачката интелигенција ни овозможуваат високо ефикасен модел за користење на обновливата енергија, зелената инфраструктура, практиките од циркуларната економија и дигитална оптимизација, со крајна цел за декарбонизација на производството на цемент. Овој процес е управуван од централизирана експертиза од светска класа, а егзекуцијата успешно ја спроведуваат локалните експертски тимови. Горди сме што прераснуваме во еден од предводниците во секторот во однос на спроведувањето на иновативни дигитални решенија со примена на ВИ во секојдневното работење“, објасни Маргарис.
Во рамки на оваа стратегија на групацијата тимот на Цементарницата УСЈЕ во соработка со тимот за дигитализација на групацијата имплементираше автономен систем за оптимизација на производството во реално време – пионерско решение во цементната индустрија, кое понатаму се воведува во сите цементарници на групацијата. „Со користење на иновативните технологии и вештачката интелигенција успеавме да ја максимизираме пропусната моќ во производството, во исто време намалувајќи ја потрошувачката на енергија и подобрувајќи го квалитетот на конечниот производ. Конечно, постигнавме значајно намалување на емисиите на CO2, што е стратешка определба на нашата групација“, истакна Дејан Величковски, менаџер за дигитализација, ИТ инфраструктура и безбедност во Цементарница УСЈЕ.
Со учеството на овој значаен настан, ТИТАН УСЈЕ уште еднаш ја потврди својата посветеност на иновациите, ефикасноста и одржливоста, користејќи ги најсовремените технологии за подобрување на производните процеси и за намалување на влијанието врз животната средина.
На самитот учествуваа претставници на гиганти како Google, Microsoft, Amazon, NVIDIA, Netflix, како и голем број регионални и глобални технолошки компании. Нивните претставувања го истакнаа огромниот потенцијал на вештачката интелигенција за трансформација на различни сектори како ИТ, финансии, здравство, производство, забава и многу други. AI Tech Summit претставува важна платформа за регионално вмрежување и соработка меѓу професионалци од индустриите, истовремено овозможувајќи дискусии за иднината на вештачката интелигенција и нејзиното влијание врз глобалната економија.
ПР
Економија
Николоски-Варади: отворено прашањето за новиот јавен повик за финансиска поддршка за нови дестинации до и од Меѓународниот аеродром Скопје и аеродромот во Охрид
Заменик претседателот на Владата и министер за транспорт Александар Николоски денеска оствари работна средба со извршниот директор на Визер, Јозеф Варади.
На средбата се разговараше за досегашната соработка меѓу Визер како корисник на финансиската поддршка за воведување на авиолини и Владата на Република Северна Македонија која ја реализира оваа мерка со цел поттикнување и унапредување на авиосообраќајот во земјата.
Исто така на средбата министерот Николоски го отвори и прашањето за новиот јавен повик за финансиска поддршка за нови дестинации до/од Меѓународниот аеродром Скопје и Св. Апостол Павле во Охрид за период 2025-2027 година.
Министерот детално информираше за условите и критериумите од јавниот повик, потенцирајќи го придонесот на авиокомпанијата Визер за развој на патничкиот ависообраќај во изминатиот период.
На средбата тој истакна дека јавниот повик е отворен за сите авиокомпании кои се заинтересриани да работат на македонскиот пазар под услови пропишани од јавниот повик.
Јавниот повик трае до 7 октомври и во рамките на тригодишната програма предвидено е финансиска поддршка во висина од 360 милиони денари. Покрај другите услови, предвидено е износот на финансиската поддршка да изнесува 9 евра по патник во доаѓање превезен од Меѓународен аеродром Скопје и 12 евра по патник во доаѓање превезен од аеродромот Св. Апостол Павле – Охрид.