Забава
Канје не успеа да ја придобие, Ким поднесе документ за промена на брачниот статус
Таа веќе не сака да биде г-ѓа Вест.
Ким Кардашијан Вест сака да продолжи со својот живот како слободна жена и поднела документи за да го стори тоа додека трае разводот од Канје (Је), дознава „ТМЗ“.
Ким во петокот поднела правни документи, кои ако ги потпише судијата, ќе ја направат официјално сингл. Таа во суштина бара од судијата прашањата поврзани со старателството над децата и со имотот да бидат одвоени од брачниот статус.
Ким исто така бара да ѝ се врати моминското презиме, односно да се отфрли неговото, Вест.
Интересно е што адвокатот на Ким е Лаура Васер, која често правела слични потези со други славни клиенти, вклучувајќи ги и др. Дре и Кели Кларксон – одвојување на брачниот статус од други прашања. Тоа им овозможува на луѓето да продолжат со своите животи, а во меѓувреме да се решаваат другите работи околу имотот или старателство над деца.
Она што е особено интересно… само неколку часа пред Ким да поднесе барање за промена на својот брачен статус, Је излезе на сцената во „Мемориал колосеум“ во Лос Анџелес и додека ја пееше Runaway на крајот од песната рече: „Трчај назад кај мене, Кимберли“.
Ким присуствуваше на настапот заедно со децата Норт и Сент, како знак на поддршка од семејството.
Едно е сигурно, развод или не… Ким и Канје, во најголем дел, останаа единствен фронт кога станува збор за нивните деца и емоционалната поддршка.
Не е првпат да се види Је како јавно изразува чувства за отуѓената сопруга. На Денот на благодарноста, тој објави 5-минутно видео во кое се исповеда за неговите проблеми со алкохолот и моментите кога ја посрамотил Ким.
Канје тврдеше дека Ким сè уште е негова сопруга во неодамнешните интервјуа, но овој документ ќе го промени тоа … и ќе ги направи правно одвоени ентитети.
Таа започна врска со комичарот Пит Дејвидсон од Saturday Night Livе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.