Спорт
Да се знае кој е „крал“ во Мадрид – Атлетико немоќен на „Бернабеу“
Мадридското дерби му припадна на Реал. „Кралевите“ предмалку на „Сантијаго Бернабеу“ со 2-0 го победија составот на Диего Симеоне и се зацврстија на лидерската позиција во Ла Лига по 17 одиграни кола.
Повратникот во екипата, Карим Бензема уште во 16 минута ја стресе мрежата на Облак, на додавање на Винисиус Жуниор.
Анчелоти на полувреме го смени Французинот и на негово место во игра го внесе Лука Јовиќ.
Сепак, наместо Србинот, вторпат патот до мрежата на „јорганџиите“ го најде Асенсио, повторно по асистенција на Винисиус.
Иако Атлетико имаа повеќе упатени кон голот на Куртоа, Белгиецот запиша 5 успешни асистенции и ја зачува мрежата чиста.
По 17 одиграни кола, Реал е лидер со 42 бода, дури 13 повеќе од денешниот ривал кој е на четвртата позиција на табелата.
Севилја е второпласирана со 34 поени, само еден повеќе од екипата на Бетис која попладнево со убедливи 4-0 ја реши екипата на Реал Сосиедад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.