Забава
Одличните критики за новиот„Спајдермен“ навестуваат празничен подарок за кината
Најновата филмска авантура за Спајдермен, под наслов „Човек-пајак: Далеку од дома“, доби блескави рецензии од филмските критичари во вторникот (14 декември), а аналитичари на боксофисот предвидуваат дека суперхеројскиот спектакл претстојниот викенд ќе постави рекорд на продадени билети во ерата на пандемијата.
Том Холанд третпат се појавува како суперхерој во новиот дел од Марвеловата сага за човекот-пајак Spider-Man: No Way Home, филм во продукција на филмското студио„Сони корп.“ и „Волт Дизни ко.“ А Зендаја ја глуми неговата девојка, Емџеј.
Филмот ќе почне да се прикажува исклучиво во киносали в петок.
Од вторникот попладне, „Далеку од дома“ доби високи 98 проценти позитивна оценка од 65 рецензии што ги собира веб-страницата „Ротен томатос“. Оваа веб-страница, позната како агрегат на рецензии, ја мери пропорцијата на позитивни критики за сите филмови. За многумина е првото место каде што проверуваат дали вреди да се гледа некој филм.
Поддржувачите велат дека приказната ќе ги задоволи и старите и новите фанови.
„Spider-Man: No Way Home е голијат кој се чувствува предодреден да го освои светот, моќна комбинација на сегашниот филмски универзум на Марвел и носталгија за она што беше претходно“, напиша Естер Закермен од „Трил-лист“ во неговата рецензија за филмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Црвен отпечаток од дланка на устата: што се крие зад потегот на актерот
Вун-А-Таи позира во црн костум, со црвен отпечаток на дланка преку устата, симбол на солидарност за исчезнатите и убиените домородни жени.
Актерот Д’Фараон Вун-А-Таи (22) привлече внимание на доделувањето на наградите „Еми“. Ѕвездата на Reservation Dogs, која беше номинирана во категоријата за најдобар актер, го искористи своето појавување на црвениот тепих за да испрати силна порака.
Вун-А-Таи позира во црн костум, со црвен отпечаток од дланка на устата, со што испрати порака на солидарност за исчезнатите и убиени домородни жени, односно ги „означува сите исчезнати сестри, чии гласови не се слушаат, молкот на медиумите и законот“.
На годинешната церемонија Вун-А-Таи беше номиниран за својата прва награда „Еми“ за улогата во Reservation Dogs, но наградата му припадна на Џереми Ален Вајт за неговата улога во „Мечката“.
Сепак, Вун-А-Таи влезе во историјата како првиот домороден актер што бил номиниран во која било категорија за главна улога.
Reservation Dogs ја следи приказната за домородните американски тинејџери во Оклахома, кои сакаат да се пробијат до Калифорнија. Попатно, тие се подготвени на сè за да добијат пари, па дури и да ги украдат. Серијата е достапна за гледање на платформата „Хулу“.
Вун-А-Таи изјави за списанието „Варајати“ во април дека шоуто го научило на важноста да ја раскаже сопствената приказна.
„Никој не треба да ги кажува нашите приказни во наше име. Тоа трае предолго. Имавме доволно лажни претставувања“, рече Вун-А-Таи.
Забава
Хит фризура на доделувањето на наградите „Еми“
Доделувањето на наградите „Еми“, кога станува збор за фризурите, го одбележа косата со должина до брадата и патец на страната. Идеална фризура за оваа есен.
Во продолжение фотографии од познатите личности, кои на свеченоста стигнаа со оваа хит фризура.
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
Забава
Најблескавите ѕвезди на црвениот тепих: интересни модни избори од церемонијата на доделувањето на наградите „Еми“
Сезоната на црвениот килим се вжештува, па на еден од најважните настани во забавната индустрија – доделувањето на наградите „Еми“, блеснаа многу ѕвезди. Тие навестија и за новите трендови што ќе владеат со Холивуд во следните неколку месеци.
Додека повеќето од гостите помалку ризикуваа и избираа повоздржани, потемни бои во класичните кроеви, некои се осмелија и пробаа поекстравагантни комбинации.
Еве некои од нив:
Лора Дерн
Џенел Џејмс
Кали Реис
Виола Дејвис и Џулиус Тенон
Кристен Виг
Софија Вергара
Рис Витерспун
Рита Ора
Сали Ричардсон
Јука Кури
Елизабет Дебицки
Никола Коклан
Моека Хоши
Дион Хармон
Џејн Розеан Клеј
Мирјам Леоне
Џенифер Анистон
Ана Саваи
Дејвин Џој Рендолф
Алисон Џејни