Спорт
Со солзи во очите Агуеро замина во пензија
Аргентинскиот фудбалер, Серхио Агуеро, поради здравствени проблеми ја заврши професионалната кариера. Агуеро ова го објави на прес конференција организирана од страна на неговиот клуб, Барселона.
Агуеро, се пожали на проблеми со дишењето, на 30.октомври, во текот на натпреварот со Алавес. Деталните прегледи открија дека тој има срцева аритмија. По препорака на лекарите ја заврши кариерата.
„Здравјето секогаш е на првото место. Медицинскиот тим ми препорача да ја завршам кариерата. Ова е тежок момент за мене, но среќен сум што ја донесов оваа одлука. Ја напуштам Барселона, ставам крај на кариерата“, рече Агуеро.
„Горд сум на мојата кариера. Од петгодишна возраст сонував дека ќе играм фудбал. Сакам да им се заблагодарам на Индепендиенте, на Атлетико Мадрид кој ме доенсе на 18-годишна возраст, на луѓето од Сити кои знаат како се чувствувам и секако на Барселона. Знаев дека доаѓам во еден од најдобрите клубови во светот. Им благодарам на сите во репрезентацијата на Аргентина, која ја сакав најмногу. Им благодарам на соиграчите кои ми помогнаа да напредувам. Им благодарам на навивачите. Заминувам со крената глава, среќен. Не знам што ме чека во животот, но знам дека околу мене се луѓе кои ме сакаат“.
Агуеро во кариерата настапувал за Индепендиенте, Атлетико Мадрид, Манчестер сити и Барселона. Во кариерата одиграл 663 натпревари, постигнал 379 голови и забележал 118 асистенции. Со 260 голови тој е најдобриот стрелец во историјата на Манчестер сити.
Кариерата му е облежена со торофеи. Лига Европа и Суперкупот на УЕФА ги освои со Атлетико. Како играч на Сити, пет пати ја освил Премиер лигата, шест пати Лига купот, еднаш ФА купот и три пати Супер купот на Англија (Комјунити шилд).
Минатото лето со Аргентина ја освои Копа Америка, а во 2008 година бил олимписки шампион. Дресот на Аргентина го носел на 101 натпревар, постигнал 41 гол.
"I have decided to stop playing football."
— @aguerosergiokun pic.twitter.com/kVpislPA9K
— FC Barcelona (@FCBarcelona) December 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вест Хем (дефинитивно) го исфрли Ливерпул од шампионската трка
Вест Хем попладнево го исфрли Ливерпул од шампионската трка. Во рамките на 35.коло, Вест Хем и Ливерпул одиграа 2:2. Ливерпул остана на третата позиција со 75 бода, два помалку и натпревар повеќе од лидерот Арсенал. На третото место е Манчестер сити со 76 бода и два натпревар помалку од лидерот на на табелата.
Вест Хем поведе во 43. минута благодарение на Џерод Бовен, кој погоди по кронерот на Кудуз.
Бовен со овој гол влезе во историјата на Вест Хем. Ниту еден играч пред него не постигнал 16 голови во една сезона во Премиер лигата.
Ливерпул израмни на самиот почеток на второто полувреме. Робертсон во 48.минута го совлада Ареола.
Ливерпул направи пресврт 17 минути подоцна. Карамбол ситуација пред голот на Вест Хем, заврши со комичен авто-гол на голманот Ареола.
Голманот на Вест Хем одлчно реагираше по ударот на Дијаз во 73.минута.
Казната Ливерпул го стигна четири минути подцна кога Антонио гои постави конечните 2:2.
Спорт
Газета дело Спорт: Милан избра нов тренер
Хулен Лопетеги би требало да биде тренер на Милан од следната сезона, пренесува „Газета дело Спорт“.
Шпанецот ќе дојде на местото на Сзтефано Пиоли, кој по пет сезони ќе го напушти „Сан Сиро“.
На Пиоли му пресудија променливите резултати оваа сезона. Милан на половина од сезоната отпадна од трката за шампионската титула, испадна во групната фаза во Лигата на шампионите, се пресели во Лига Европа и доживеа елиминација во четвртфиналето од Рома.
Лопетеги го напушти англискиот премиерлигаш Вулверхемптон претходно оваа сезона и оттогаш е без работа. Тој беше шпански селектор од 2016 до 2018 година, доби отказ неколку дена пред стартот на Светското првенство во Русија, бидејќи потпиша договор со Реал.
Мандатот во „кралскиот клуб“ му траеше само пет месеци, потоа се пресели во Севилја со која имаше успешни две сезони.
Спорт
Обрадовиќ потпиша нов договор со Партизан
Жељко Обрадовиќ ќе остане на клупата на кошаркарскиот клуб Партизан.
Српските медиуми објавија дека трофејниот тренер потпипал нов двегодишен договор. Клубот не ги објави финансиските детали.
Обрадовиќ, во Паризан се врати пред три години. Минатата сезона го освои првиот трофеј по враќањето, Партизан ја освои АБА лигата. Во Евролигата, во пет натпревари бее елиминиран во четвртфиналето од Реал Мадрид.