Свет
(Видео) Голем пожар во психијатриска болница во Јапонија, загинаа 27 лица
Најмалку 27 лица загинаа во пожар што зафати психијатриска болница во јапонскиот град Осака. Полицијата се сомнева дека пожарот е подметнат.
Официјалните лица соопштија дека уште едно лице е повредено.
Полицијата го истражува подметнувањето пожар и наводите дека маж ја запалил зградата, соопшти локална агенција, повикувајќи се на истражителите.
Други локални медиуми јавуваат дека постар маж донел кеса од која истекувала запалива течност и потоа избил пожар. Оттаму додаваат дека се верува оти се работи за пациент на оваа институција.
Пожарот избувнал веднаш по отворањето на клиниката во 10:00 часот по локално време и во најголем дел бил изгаснат по 30 минути, јавува јавниот сервис НХК.
Во зградата каде што избувна пожарот има и салон за убавина, продавница за облека и училиште за англиски јазик.
Веб-страницата на клиниката не е достапна, но онлајн архивата наведува дека лекува пациенти кои страдаат од депресија, проблеми со паника, нарушувања на спиењето и анемија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.