Македонија
(Видео) СДСМ: Арсовска само разрешува директори и поништува проекти
За жал и на штета на скопјани, Данела Арсовска од само за неа познати причини решава да ја запре изградбата на мостот „Михајло Апостолски“, капитален проект што го намалува сообраќајниот метеж во Скопје, во Аеродром и во Гази Баба, истакна во денешната изјава за медиуми, Стефан Васев од СДСМ.
„Нема никакво оправдување за неспособноста на Арсовска и ВМРО-ДПМНЕ. Тие ја добија одговорноста од граѓаните да ги решаваат проблемите, а гледаме дека, освен поништување и стопирање капитални и важни проекти, за друго не ги бидува. Да се биде градоначалник на Скопје, значи дека треба да се работи за граѓаните и за градот, а не само да се разрешуваат директори и да се поништуваат проекти“, посочи претставникот на СДСМ.
Васев воедно порача Арсовска и ВМРО-ДПМНЕ, ако не знаат и не може да работат за Скопје и граѓаните, да отстапат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.