Спорт
Клатенбург ги анализираше сите грешки на Тирни
Поранешниот фудбалски судија, Марк Клатенбург, жестоко го критикувал колегата Пол Тирни, за арбитражата во дербито Тотенхем-Ливерпул (2:2). Од критики, Клатенбург не го поштеди ниту главниот во ВАР собата, Крис Кавано.
Три моменти, го обележаа дербито во Лондон. Прекршокот на Хари Кејн врз Енди Робертсон, стартот на Емерсон врз Диого Жота пред голот на Иго Љорис и прекршокот поради кој Робертсон доби црвен картон.
„Ако стартот на Кејн врз Робертсон не е за црвен картон, тогаш повеќе не сум сигурен што е црвен на што не. Ногата на Кејн е високо крената, се гледа дека доцни со реакцијата. Со скокот Робертсон избегна повреда, а Кејн доби само жолт картон. Крис Кавано во ВАР собата одлучи дека стартот е во ред и направи голема грешка. Јас на Кејн ќе му покажев црвен картон“, рекол Клатенбург и дополнил.
„Двата тима играа жестоко, со многу силни контактни. Робертсон фаулот врз Емерсон го направи од бес. Заслужи црвен картон, но многу полошо беше она што го направи Кејн во првиот дел. Нема доследност во судењето. Како тоа од ВАР собата го повикаа Тирни да го гледа овој старт, а не го повикаа да го гледа стартот од 20.минута?“.
Според Клатенбург, Тирни пропуштил да досуди пенал за Ливерпул во првото полувреме.
„Емересон скокна на Диого Жота, воопшто не го интересираше топката. Покрај тоа требаше да биде казнет и со жолт картон, а тој веќе имаше еден, што значи дека Тотенхем ќе останеше со играч помалку“, заклучил еден од најдобрите англиски судии во последната деценија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тајсон по 19 години ќе боксува во профи меч
Бокс-мечот меѓу поранешниот светски шампион Мајк Тајсон и јутјуберот Џејк Пол доби статус на професионална борба. Мечот ќе се одржи на 20 јули на стадионот на Далас Каубојс, во Тексас.
Ова значи дека резултатот од борбата ќе влезе во официјалниот настап на двајцата боксери.
Што се однесува до другите детали од борбата, најважно за љубителите на боксот е тоа што се дозволени нокаути.
Исто така, боксерите ќе користат ракавици од 14 унци, кои се користат во категориите од 68 до 79 килограми.
Борбата ќе има најмногу осум рунди во времетраење од по две минути.
Овие правила фрлаат сомнеж за доделениот статус на професионална борба бидејќи не се елементи на традиционалниот професионален бокс.
Тајсон има 57 години и мораше да добие специјална медицинска дозвола за да се бори.
Во кариерата имаше 58 борби во кои забележа 50 победи, од кои 44 со нокаут.
Сепак, неговата последна професионална борба беше пред речиси 7.000 дена.
Од друга страна, Пол има 27 години и десет борби во кои забележа девет победи, шест со нокаут.
Последната професионална борба ја имаше пред 58 дена.
Спорт
Пресметка на великаните, Реал на гости кај Баерн Минхен
Баерн Минхен и Реал Мадрид вечерва од 21 часот ќе го започнат полуфиналниот двомеч во Лигата на шампионите.
Минатиот викенд Баварците дефинитивно се простија од шампионскиот пехар во Бундеслигата, претходно испаднаа и од Купот на Германија, што значи дека Лигата на шампионите им е шанса сезоната да ја завршат со трофеј. Последен пат без трофеј Баерн сезона заврши пред 12 години.
Баварците ќе имаа тешка задача, да го елиминираат Реал Мадрид, кој се наоѓа на чекор од освојувањето на титулата во Шпанија
Баерн Минхен и Реал Мадрид одиграа најмногу натпревари во историјата на европските натпреварувања, вкупно 26. Сите се одиграа во рамките на Купот или Лигата на шампионите и сите освен два беа одиграни во елиминациската фаза од елитното европско клупско натпреварување. Досегашниот учинок е 11 победи за Баерн, 12 за Реал Мадрид и три нерешени.
Интересно е што никогаш не се сретнале во финалето. Најмногу дуели имале во полуфиналето, дури 14. Реал, три пати успеал да го мине Баерн во полуфиналето и потоа ја освојувал титулата.
Баерн има скор 3:1, единствено во 1987 година не успеал да ја освои титулата, откако претходно во полуфиналето го победил Реал.
Последните два дуели на „Алијанц арена“ му припаднаа на Реал и двата со резултат 2:1, но и двата се одиграа пред почетокот на серијата без пораз на Баварците во Европа, која започна во април 2021 година.
Со неверојатна серија од десет меча без пораз во Лигата на шампионите на УЕФА, со рекордни осум победи и две нерешени средби, а по драматичната елиминација на актуелниот европски првак Манчестер Сити, Реал сега е фаворит на обложувалниците за освојување на ова натпреварување.
Ова не е изненадување, со оглед на нивната лидерска позиција во Ла Лига, како и импресивните пет последователни триумфи на гости во Лигата на шампионите.
Тренерот на Реал, Карло Анчелоти се враќа во еден од своите поранешни клубови со помалку проблеми со повреди во споредба со неговиот колега Томас Тухел. Повредени се Саша Бои, Тарек Бухман, Кингсли Коман, Габриел Марушиќ, Конрад Лејмер, Матијс де Лихт и Буна Сар, додека под знак прашалник за овој меч за домашните се Серж Гнабри, Џамал Мусиала, Лерој Сане и Дајот Упамекано, додека гостите пристигнаа во Минхен без Тибо Курту и Давид Алаба, кои долго време се повредени, додека Дани Карвахал е суспендиран.
Баерн е на пат до седмата европска титула (1974, 1975, 1976, 2001, 2013 и 2020 година), а Реал Мадрид до 15. титула (1956, 1957, 1958, 1959, 1960, 1969, 1969, 200 2014, 2016, 2017, 2018, 2022 година).
Победникот за титулата на 1 јуни, на „Вембли“ ќе игра против подобриот од двата натпревари меѓу Борусија Дортмунд – ПСЖ.
Спорт
Легендата на Нигерија го презеде националниот тим
Нигерискиот фудбалски сојуз го назначи поранешниот репрезентативец Финиди Џорџ за нов селектор на националниот тим. Џорџ на клупата на Нигерија ќе го замени Португалецот Хозе Песеиро.
53-годишниот тренер му беше асистент на Песеиро 20 месеци. Португалецот ја напушти функцијата откако Нигерија беше поразена од Брегот на Слоновата Коска во финалето на Африканскиот куп на нации.
Поранешниот играч на Ајакс и Бетис ќе има задача да избори пласман на Светското првенство во 2026 година.
Нигерија, во јуни мора да победи во наредните дба натпревари, против Јужна Африка и Бенин, бидејќи моментално е трета во групата Ц, зад Руанда и Јужна Африка.
Џорџ, кој одигра 62 натпревари за националниот тим, беше дел од „златната генерација“ на Нигерија која го освои Африканскиот куп на нации во Тунис во 1994 година.