Економија
OneID – прва македонска услуга за електронска идентификација: Ново поглавје во дигитализација
Денес КИБС, во партнерство со Некстсенс, ја лансираше првата македонска услуга за електронска идентификација – OneID, изработена и сертифицирана согласно европските стандарди и европската регулатива еIDAS и согласно македонскиот Закон за електронски документи, електронска идентификација и доверливи услуги. Со OneID во земјата се отвора ново поглавје во дигитализацијата на процесите за широка палета на услуги за граѓаните и правните лица.
Услугата за електронска идентификација – OneID станува дел од официјалните квалификувани шеми за електронска идентификација на Министерството за информатичко општество и администрација, со што се создадени услови за нејзина масовна примена.
Што е OneID
OneID е услуга за електронска идентификација на граѓаните на далечина при користење на онлајн услуги од правни лица, изработена согласно одредбите од Законот за електронски документи, електронска идентификација и доверливи услуги. Услугата овозможува онлајн идентификација на корисници преку мобилен уред со високо ниво на доверливост. OneID обезбедува потврден електронски идентитет со точни лични податоци добиени од Централниот регистар на население на Република Северна Македонија
Услугата е развиена од две реномирани домашни куќи на полето на дигиталната трансформација во државава и надвор од неа, КИБС АД Скопје и Nextsense ДОО Скопје.
Со објавувањето на OneID во регистарот на шеми за електронска идентификација, сите финансиски институции, телеком оператори и државни институции во Република Северна Македонија ќе имаат можност да ја интегрираат оваа услуга во своите дигитални процеси со цел да обезбедат електронска идентификација за своите клиенти.
Нов квалитет на дигиталното услужување
Придобивки од OneID
OneID обезбедува целосен пресврт во услужувањето на граѓаните од страна на давателите на електронски услуги, институциите и организациите коишто ќе ја имплементираат оваа нова македонска услуга. Користејќи OneID, организациите значајно ќе го подигнат нивото на дигитално услужување. Идентификацијата на корисниците ќе се одвива целосно дигитално, без потреба од физичко присуство. OneID го скратува времето за проверка на личната карта или друг документ за лична идентификација. Идентификацијата се одвива брзо и безбедно, целосно дигитално, во согласност со важечките закони.
Придобивките за граѓаните се огромни од користењето на OneID како дигитална лична карта со што сите услуги и трансaкции им се достапни 24 часа преку нивниот мобилен уред. Услугата OneID граѓаните можат да ја користат секаде каде што од нив се бара да го докажат својот идентитет. Со неа добиваат пристап до најразлични услуги коишто се строго регулирани, како на пример услуги од банки, осигурителни компании, брокерски друштва за хартии од вредност, телеком оператори, државни услуги давани онлајн и друго. Дополнително, услугата овозможува засилена автентикација при корисничка најава на интегрираните портали и дигитално потпишување документи. ОneID овозможува брзо и лесно креирање на правно валидни документи како договори, изјави, барања, согласности од корисниците, потпишани со валиден дигитален потпис креиран со квалификуван сертификат во облакот на КИБС.
„Денес е голем ден за македонската дигитална сцена. КИБС и Некстсенс, во партнерска соработка, ја обезбедија првата македонска услуга за дигитална идентификација. Значаен е фактот што една ваква комплексна услуга е дело на домашни стручни лица лоцирани во двете компании. Услугата нè позиционира во мал број држави коишто не се членки на Европската Унија, а имаат на располагање услуга од овој вид. Услугата е сертифицирана согласно европски стандарди и станува дел од официјалните квалификувани шеми за електронска идентификација.
Основата е поставена, сега следи полесниот дел – имплементација кај заинтересираните правни лица коишто нудат онлајн услуги. Очекуваме овој процес да тече релативно брзо, затоа што бенефитот е огромен и за организациите и за граѓаните. Неколкукратно побрзо време на услужување, целосно онлајн. OneID за граѓаните функционира како лична карта што може да се користи онлајн. Ќе добијат една дигитална идентификација којашто може да ја користат секаде, без да меморираат различни лозинки, а сепак на безбеден начин да ја добијат услугата. Нивниот идентитет ќе биде утврден со помош на OneID, преку нивниот мобилен телефон. Во многу скоро време чекањето на шалтери за голем дел од граѓаните ќе стане минато. Нема да има потреба од чекање за да се достави барање или да се добие услуга. Со OneID, граѓаните ќе можат во секое време, онлајн да иницираат барања“ – Горан Анастасовски, генерален директор на КИБС.
OneID гарантира највисоко ниво на безбедност на личните податоци
„Новото поглавје во дигиталното услужување е отворено. Денес заедно со КИБС ја лансираме првата македонска дигитална идентификација – OneID, сертифицирана и усогласена со Законот за електронски документи, електронска идентификација и доверливи услуги. Со OneID покажуваме висок степен на подготвеност на македонското општество за дигитализација, согласно највисоките европски стандарди.
Услугата е потврдена од европско тело за серификација и ги помина сите ригорозни процедури на ревизија, со што добивме потврда за квалитетот, безбедноста и доверливоста. OneID содржи дополнителни механизми за идентификација и заштита на податоците, со што се гарантира највисоко ниво на безбедност на услугата. Целосно е регулирано и заштитено правото на пристап до информациите. Единствено граѓанинот лично дава одобрување за секој поединечен трансфер на неговите лични податоци преку сопствениот мобилен телефон до мобилните и веб-апликации на организациите чиишто услуги ги користи и каде што е потребно да се идентификува“ – Васко Кроневски, главен извршен директор на „Некстсенс“.
OneID, освен што ги исполнува строгите одредби од Законот за електронски документи, електронска идентификација и доверливи услуги, исто така ги исполнува и одредбите од Законот за спречување перење пари и финансирање на тероризам. Обезбедувањето дигитална идентификација е целосно усогласено со Законот за заштита на лични податоци (односно GDPR) и стандардите ISO 27001 и ISO 20000.
Повеќе информации за услугата се достапни на https://www.oneid.mk/
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Апел од Стопанската комора по големиот пожар во Виница: Поддршката на Макпрогрес е поддршка за македонската економија
В петок, 12 септември 2025 година, претседателот на Стопанската комора Бранко Азески, ќе одржи состанок со ланците маркети, на кој ќе треба да се разговара каква форма на кампања ќе биде реализирана преку малопродажбата со цел засилена продажба на производите на Макпрогрес Виница, креатор на серија докажани и потврдено квалитетни брендови (Винчини, Сончева Долина, Натура, Дониа, Фантазиа) како и голем дел од производите кои се произведуваат под приватни трговски марки на водечките малопродажни ланци на маркети во Македонија.
Идејата на ваквата заедничка обединета бизнис активност во организација на Комората, е во насока на поддршка на Макпрогрес по пожарот кој сериозно уништи дел од имотот, опремата и капиталот на фабриката, а имајќи ја во предвид неговата извозна веќе докажана афирмација.
Стимулирањето на зголемената домашна потрошувачка на производите на Макпрогрес според проекциите на менџаментот на Макпрогрес, а во координација со активностите во Комората може да биде сериозна поддршка за обезбедување опстанок на фабриката, но најбитно и единствен начин за задржување на сите работници на работа во компанијата со што нема да се предизвика негативен ефект врз вработените и нивниот животен стандард.
Концептот за идното работење на Макпрогрес, но и случувањата во саботата во фабриката, првиот човек на Макпрогрес, Глигор Цветанов лично ќе им го соопшти на присутните на состанокот во Комората во петок.
„Паралелно ако се следат масовните објави и повиците на социјалните мрежи за поддршка на Макпрогрес и иницијативите за акции на купување на нивните производи од различни индивидуалци, инфлуенсери, истакнати личности, за само два дена од случувањето на немилиот настан (пожарот што се случи во фабриката), може да се констатира дека станува збор за исклучително невообичаен настан, односно креирање таков позитивен амбиент во јавноста, што само ја потврдува големината и квалитетот на Макпрогрес како домашен македонски бренд за што менаџментот на компанијата изразува голема благодарност до сите оние кои деновиве несебично иницираат и даваат идеи за поддршка“, велат од Стопанската комора.
И како што вели првиот човек на Макпрогрес Глигор Цветанов, „солидарноста која ја видовме деновиве, уште еднаш потврди дека Македонија знае да застане заедно кога е најтешко“.
Економија
„Тесла“ ветува историска исплата за Маск од дури 1 трилион долари
Илон Маск би можел да стане првиот човек во историјата кој ќе добие акции во вредност од еден трилион долари, доколку во следната деценија „Тесла“ ги исполни своите најамбициозни цели, соопшти Управниот одбор на компанијата.
Според новата програма за наградување, Маск нема да добива пари или класични бонуси, туку акции, чија вредност би достигнала историски рекорд доколку плановите се реализираат.
Меѓу условите се вклучени продажба на 12 милиони електрични возила, лансирање на еден милион роботи со вештачка интелигенција и осмократен раст на вредноста на компанијата.
Претседателката на Управниот одбор, Робин Денхолм, изјави дека иако задачите изгледаат скоро невозможно, токму визијата на Маск и неговата упорност се гаранција за успех.
„Задржувањето и мотивирањето на Илон е клучно за ‘Тесла’ да стане највредната компанија во историјата“, порача Денхолм.
Оваа објава доаѓа само еден месец по одлуката на американски суд, со која Маск доби 29 милијарди долари во акции, откако претходно беше поништено грандиозното доделување од 50 милијарди долари поради негова неправедност кон акционерите.
Со новата програма, „Тесла“ испраќа порака дека иднината на компанијата останува тесно врзана за најбогатиот човек на планетата и неговите визионерски планови.
Економија
Мицкоски порача дека невработеноста паѓа, а економијата оди напред
Премиерот Христијан Мицкоски денеска преку објава на „Фејсбук“ порача дека најновите податоци ја потврдуваат економската стабилизација и растот кој, според него, е резултат на одговорни владини политики.
„Ја стабилизираме економијата, создаваме услови за економија која оди напред, граѓаните имаат повеќе работа, а трговската размена е во пораст“, напиша Мицкоски.
Тој посочи дека стапката на невработеност е намалена на 11,5 проценти, што претставува пад од еден процент во однос на истиот квартал минатата година.
„Во споредба со вториот квартал од 2024 година, денес имаме околу 10.000 нови вработени и над 7.000 помалку невработени. Тоа се илјадници семејства со поголема сигурност и иднина“, нагласи премиерот.
Мицкоски се осврна и на трговската размена, посочувајќи дека во јули извозот пораснал за 4,69 проценти, а увозот за 4,35 проценти.
„Во периодот јануари–јули, извозот е зголемен за 5,41 проценти, а увозот за 4,83 проценти. Вкупната трговска размена во првите седум месеци е поголема за 5,07 проценти во однос на истиот период лани“, додаде тој.
„Ова се реални резултати од одговорни политики. Додека опозицијата шири црнила и се надева на неуспех, ние испорачуваме резултати. Додека тие блокираат и кочат, ние градиме и носиме подобар стандард за секое семејство. Македонија оди напред, со повеќе работни места, посилен извоз и стабилна економија. Ова е времето на работа, резултати и развој“, порача премиерот во својата објава.
Го запалил глисерот на својот брат, пожарот се проширил на зграда и на возило: уапсен охриѓанец
Ноќеска во 03:00 часот, полициски службеници од СВР Охрид, од слобода го лишија 52-годишниот З.С. од Охрид. Тој се сомничи...
СДСМ најави: Ќе продолжиме со објавување на „Вистината за АНБ“, што ја плаши власта па бега од декласификација?
„Што ја плаши власта толку многу па бега од декласификација на документите за случајот со АНБ“, прашува СДСМ. „Дали е...
„Дали Обвинителството штити од кривична одговорност функционери на СДС и ДУИ и во фиока го чува предметот Рекет 2“, прашува ВМРО-ДПМНЕ
„Во јавноста излезе нов скандал за криминалното владеење на СДС и ДУИ, а судско обвинителскиот систем го крие и заташкува....
Два активни пожари во државата, два се под контрола, а 29 се изгаснати
Во текот на изминатото деноноќие, на територијата на Република Северна Македонија се регистрирани вкупно 33 пожари на отворен простор, од...
„И СДС и Димовски признаваат дека во период на изборни циклуси бил следен и прислушкуван Мицкоски“, велат од ВМРО-ДПМНЕ
„Скандалот со прислушкувањето на АНБ и АР на претседателот на ВМРО-ДПМНЕ, новинари, бизнисмени добива се поголеми размери. И СДС и...
(Видео) Силен земјотрес ја погоди Грција
Земјотрес со јачина од 5,3 степени го погоди грчкиот остров Евија во текот на ноќта и беше силно почувствуван во...
Посетата на САД ќе стане поскапа за странските патници од 30 септември
Патниците кои планираат да ги посетат Соединетите Американски Држави наскоро ќе се соочат со повисоки трошоци бидејќи повисоките такси за...
Голема победа за Трамп: Врховниот суд пресуди дека може да продолжи со рациите во Лос Анџелес
Врховниот суд на САД пресуди дека федералните рации за имиграција во Лос Анџелес можат да продолжат, укинувајќи ја претходната забрана...
Медведев обвини земја членка на ЕУ дека „подготвува напад врз Русија“
Заменик-претседателот на Рускиот совет за безбедност, Дмитриј Медведев, тврди дека денешна Финска, со поддршка на НАТО, води „конфронтациска политика на...
(Видео) Расте бројот на жртви во судирот на воз и автобус во Мексико: десетици повредени
Најмалку десет лица загинаа, а 61 се повредени откако товарен воз удри во двокатен автобус северозападно од Мексико Сити, соопштија...
Израел: Моќен ураган ќе ја погоди Газа, а покривите на терористичките облакодери ќе се тресат
Израел им порача на жителите на Газа веднаш да го напуштат градот откако предупреди дека ќе ги интензивира воздушните напади...
(Видео) Падна француската влада
Францускиот премиер Франсоа Бајру го изгуби гласањето за доверба што самиот го побара за својата влада. Француското национално собрание гласаше...
(Видео) Полицискиот хеликоптер денеска фрли повеќе од 30 тони вода врз дел од пожарите
Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во...
Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата
Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што...
Се судрија четири возила и четири мотоцикли, петмина повредени: прекинат сообраќајот на патот Мавровска крстосница-Гостивар
Денеска во ОВР Гостивар во 15:56 часот пријавена е сообраќајна несреќа на магистралниот пат од Мавровска крстосница кон Гостивар, во...
Едно и полгодишно дете од Радовиш пренесено во Клиничката болница Штип, според таткото испило таблета
Вчера во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено...
Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот
Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста...
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...
Ахмети: Никаква опасност, на ниту еден Македонец, а уште помалку на нашата држава, не и се заканува од еднаквоста со Албанците
„Годишнината од прогласувањето на независноста на Северна Македонија е секогаш повод да рефлектираме за тоа како беше, како е и...
(Фото) Започна увидот во опожарената фабрика во Виница
Јавен обвинител од Основното јавно обвинителство Кочани го започна увидот по настанатиот пожар во фабриката „Макпрогрес-Винчини“ во Виница. Увидните дејствија...
