Свет
(Видео) Путин: Во добри односи сме со Дедо Мраз
Рускиот претседател, Владимир Путин, одржува традиционална годишна прес-конференција. Поради пандемијата, оваа година е значително поинаква.
Поради мерките против коронавирусот, годинава бројот на новинари е ограничен на 500, а конференцијата се одржува на поголем простор. За учество на конференцијата беа потребни три ПЦР-теста, а новинарите што присуствуваа на годишната конференција денеска беа испрскани со честички од сребро на влезот на местото на одржување.
Дополнително, сите столчиња се поставени на растојание од еден и пол метар, а сите новинари ќе добијат маски за лице на влезот.
Поставени се и средства за дезинфекција на рацете. За разлика од минатата година, обраќањето нема да биде во онлајн-формат, туку новинарите ќе може директно да му поставуваат прашања на Путин.
Рускиот претседатеел зборува за пандемијата, тензиите во врска со Украина, односите со САД и НАТО, но и за многу други меѓународни и домашни теми, како што е економијата.
‘YOU should come up with GUARANTEES’ – Putin fires back at Sky News’ provocative stance
WATCH LIVE: https://t.co/qc3vswNcfP pic.twitter.com/kpMIT26DBp
— RT (@RT_com) December 23, 2021
„Проширувањето на НАТО на исток е неприфатливо“, рече Путин одговарајќи на прашање на новинар на „Скај њуз“. Новинарот праша дали Путин може безусловно да гарантира ненапаѓање во Украина?
„Нашите акции нема да зависат од текот на преговорите, туку од безусловната безбедност на Русија. Јасно ставивме до знаење дека проширувањето на НАТО на исток е неприфатливо. САД стојат со проектили на прагот од нашата куќа. Како би реагирале Американците ако ставиме ракети на границата со Канада или Мексико“, рече Путин.
Од друга страна, говорејќи за предлозите за безбедносните гаранции на НАТО, рускиот претседател рече дека Русија, едноставно директно го поставила прашањето дека не треба да има проширување на НАТО на исток. „Топката е на нивна страна, тие мора да одговорат. Сѐ на сѐ, засега гледаме позитивна реакција“, рече рускиот лидер.
Новинарите го прашаа Путин како се објаснуваат новите бранови на Ковид-19. Колку е ефикасна вакцинацијата? Како лекарите ги објаснуваат повторливите случаи на инфекција? Зошто стапката на смртност е толку висока?
During his annual press conference, Vladimir Putin said that the current 59.4% of COVID collective immunity in Russia is not enough to beat the virus, at least 80% needed. The President noted that he hopes to reach that goal next year. pic.twitter.com/2v3Rc8GpoS
— RT (@RT_com) December 23, 2021
„Тоа е предизвикано од способноста на овој нов вирус да мутира. Многу едноставен одговор. Нови соеви се појавуваат таму каде што има проблеми со здравствените системи. Затоа зборувам за потребата од меѓусебно признавање и дистрибуција на вакцините. Во спротивно нема да може да се справиме со овој проблем на глобално ниво“, објасни Путин.
Тој забележа дека смртноста од Ковид-19 е тешко да се пресмета, а не затоа што некој се обидува да скрие нешто.
«Будем, будем, кричите!» ? pic.twitter.com/eCk1xSDceL
— Донбасс Сегодня (@DonbassSegodnya) December 23, 2021
Колективниот имунитет е низок, што ја објаснува и повисоката стапка на смртност, додаде претседателот.
Новинар му поставил на Путин полусериозно прашање за момчето што го тужел Дедо Мраз затоа што не му го донел она што го барал.
Путин рече дека како правник по образование треба да истакне дека Дедо Мраз ги дарува само добрите момчиња и девојчиња, па обвинителот (кој има 20 години) треба да размисли за неговото однесување.
Путин беше прашан и за неговиот однос со Дедо Мраз.
„Имам добри односи со Дедо Мраз. Ми донесе подароци“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Лукашенко: Неуспехот во потрагата по мир може да ескалира во глобален конфликт
Белорускиот претседател Александар Лукашенко повика на брза акција за прекин на конфликтот во Украина во интервју објавено во вторник, нагласувајќи дека САД мора да останат вклучени во дипломатските напори. Лукашенко е сојузник на рускиот претседател Владимир Путин и ѝ ја отстапи белоруската територија на Москва за инвазија на Украина во 2022 година.
„Сега многу работи зависат од ставот на Трамп и САД. Најважно е Трамп да не отстапува од овој став“, изјави Лукашенко за американската телевизиска мрежа Newsmax, а делови од интервјуто ги пренесе белоруската државна новинска агенција BelTA.
„Доколку сè зависеше исклучиво од Трамп, војната ќе беше завршена одамна… Но, ова е повеќестран процес и Трамп не може сам да го реши… Конфликтот мора да биде замрзнат од горе до долу. Откако луѓето ќе престанат да се убиваат едни со други, можете да седнете и да се договорите за што сакате“, рече белорускиот претседател.
Лукашенко рече дека неуспехот во потрагата по мир може „да заврши лошо за Европа и целиот свет“ и „да прерасне во некаков вид глобален конфликт“.
Американскиот претседател ги предводи напорите за наоѓање решение за ставање крај на конфликтот. Првичниот американски мировен предлог, критикуван од многумина во Европа како премногу проруски, претрпе измени.
Американските и украинските претставници одржаа консултации за предложениот договор заедно со европските претставници за време на дводневните разговори во Берлин оваа недела.
Трамп изрази фрустрација и од Путин и од украинскиот претседател Володимир Зеленски поради континуираниот неуспех да се стави крај на речиси четиригодишната војна. Руските сили држат околу 19 проценти од украинската територија и се обидуваат да воспостават целосна контрола врз источниот регион Донбас.
Свет
(Видео) Синот на Роб Рајнер ќе биде обвинет дека до смрт ги избол своите родители
Ник Рајнер ќе биде обвинет за двојно убиство од прв степен на неговите родители, холивудскиот режисер Роб и фотографката Мишел, изјави окружниот обвинител на округот Лос Анџелес, Натан Хочман.
Роб и Мишел Рајнер беа пронајдени мртви со очигледни убодни рани во неделата во нивниот дом во Брентвуд, Лос Анџелес.
„Денес сум тука да објавам дека нашата канцеларија ќе поднесе обвинение против Ник Рајнер, осомничениот за убиствата на неговите родители, актерот и режисер Роб Рајнер и фотографката и продуцентка Мишел Сингер Рајнер“, рече Хочман на прес-конференција во вторник.
„Тој ќе биде обвинет за две убиства од прв степен со посебна околност за повеќекратно убиство“, рече окружниот обвинител, додавајќи дека Ник Рајнер се соочува и со „специјално обвинение за лична употреба на опасно и смртоносно оружје – нож“.
Хочман рече дека Ник Рајнер се соочува со „максимална казна доживотен затвор без можност за условна слобода или смртна казна“ и во моментов е во притвор без кауција.
Рајнер, кој наполни 78 години во март, долго време е еден од најплодните режисери во Холивуд, одговорен за некои од највпечатливите филмови од 1980-тите и 1990-тите, вклучувајќи ги „This Is Spinal Tap“, „A Few Good Men“, „When Harry Met Sally“ и „The Story of Us“.
Регион
Американец загина во Словенија: се искачувал на Триглав
Американски државјанин загина во Словенија, најверојатно откако паднал од планинарска патека на Алпите, соопшти словенечката полиција.
Семејството на 33-годишникот изјави дека тој тргнал на планинарење во понеделник наутро до Триглав, највисокиот врв во Словенија, а потоа исчезнал, објави словенечката новинска агенција СТА.
Неговото тело е пронајдено вчера околу 1 часот наутро на дното од планинарска патека. Полицијата соопшти дека првичните наоди укажуваат дека паднал по стрмна падина.
Идентитетот на починатиот не е објавен.
Словенија е популарна дестинација за планинари и алпинисти поради бројните патеки во Јулиските Алпи.

