Спорт
Ѕвездата на Челси го пропушта Купот на африкански нации поради кавга
Наближува почетокот на Купот на африкански нации, кој на програмата е на почетокот на 2022 година.
Селекторот на Мароко, Вахид Халилхоџиќ, реши во националниот тим да не го повикува фудбалерот на лондонски Челси – Хаким Зијеш.
Турнирот кој годинава ќе се игра во Камерун започнува на 9 јануари, а Зијеш нема да е дел од селекцијата затоа што пред неколку месеци дошло до кавга на релација играч – селектор. Ниту во меѓувреме нивните односи не се подобриле.
„Првпат во мојата долга тренерска кариера видов однесување што ме разочара. Играч одби да игра меч, иако пријателски, со образложение дека е повреден“, рече Халилхоџиќ во септември кога првпат го изостави Зијеш од списокот.
Од тогаш веќе фудбалерот на европскиот шампион не е во неговите планови.
За Мароко ќе настапуваат сите најпознати играчи, а меѓу патниците на Купот ќе биде и младиот играч на Барселона – Абдесамед Езалзули, кој добива се повеќе доверба од тренерот Чави.
? Introducing your #AltasLions for the TotalEnergies Africa Cup of Nations, Cameroon 2021! Ready to get going! ?#DimaMaghrib ?? #AtlasLions #Morocco #AFCON2021 #Cameroon pic.twitter.com/l64H0DpcAm
— Équipe du Maroc (@EnMaroc) December 23, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.