Црна хроника
Еден загиант и пет ранети по фудбалски натпревар во скопско Коњаре

Еден мртов и уште петмина повредени е билансот од престрелкаta на фудбалското игралиште во скопското село Средно Коњаре во неделата околу 20 часот
Долгогодишното нетрпение меѓу неколку семејства започнало со расправија а продолжило со физичка пресметка заради фудбалски натпревар.Откако не можеле да го решат проблемот, Хамдија Бралиќ (58) и Насер Халити (33) извадиле пиштоли и почнале да пукаат меѓу себе. Од куршумите настрадале и Селим Бралиќ (34) и Авни Беќири (24), а од тупаниците настрадале Нусрет Бралиќ (28) и Хусеин Халити.Хамдија починал на пат кон Градската болница, а Селим е задржан на натамошно лекување. Осомничениот за убиството Насер Халити се наоѓа во Ургентниот центар а во болница е и Авни Бекири.Полицијата приведе вкупно 14 лица на разговор за да кажат што точно се случувало синоќа. Оружјето кое нелегално го поседувале и двајцата пукачи е одземено.И покрај тоа што се поголем број на убиствата се извршени со нелегално оружје, од МВР велат дека ги преземаат сите неопходни акции за одземање на ваквото оружје.„МВР ги презема сите неопходни акции за пронаоѓање на нелегално оружје и санкционирање на лицата кои нелегално поседуваат оружје. Изминатиот период МВР имаше големи акции за заплена на вакво оружје“ изјави портпаролот на МВР, Иво Котевски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.