Економија
Интервју со Славчо Таушанов – извршен директор во „Халк осигурување“ АД Скопје

Славчо Таушанов, извршен директор на Халк осигурување АД Скопје, компанија за неживотно осигурување, присутна на македонскиот пазар од 2007 година и дел од Групацијата Халкбанк, ги споделува искуствата и резултатите за работењето во 2021 година и плановите за следната година.
Господине Таушанов, како извршен директор во Халк осигурување АД Скопје, дали сте задоволни со успесите на целите што ги имавте поставено во 2021 година?
Халк осигурување АД Скопје успешно чекори кон целта за да биде една од најголемите осигурителни компании на домашниот пазар, а во 2019 година станавме дел и од Групацијата Халкбанк. Пандемијата продолжи да влијае врз економијата и врз нашиот сектор, но одредени класи осигурување бележат раст најмногу поради нивната специфичност во која се огледуваат ставот и приоритетот на осигурениците кон заштитата на нивното здравје и имот.
Господине Таушанов, од 2019 година вашата компанија напорно работи кон задоволување на потребите на своите и идни клиенти. Кои се резултатите што денес ги има постигнато Халк осигурување АД Скопје?
Како што кажавте, компанијата од 2019 година целосно се стреми кон успешно спроведување и служење на своите клиенти и многу гордо денес можам да кажам дека според последните статистики, Халк осигурување АД Скопје е трета компанија во Северна Македонија за неживотно осигурување покривајќи 31,9 % од пазарот. Тоа ја оправдува нашата напорна работа и нè прави задоволни што клиентите имаат комплетна доверба во нашата работа и во услугите што ги нудиме и што сакаме да станат помногубројни во планската програма. Со тоа нашето портфолио на производи наредната година значително би се зголемило.
Според вашето мислење, кој е клучниот момент со кој ја стекнавте довербата на вашите клиенти и се издигнавте на третото место во Република Северна Македонија за неживотно осигурување?
Халк осигурување АД Скопје е показател за работењето и потврда дека е сериозен, стабилен и лојален партнер на граѓаните, стопанството и, генерално, на целото општество во нашата земја. На 20.10.2021 година се реализираше седмата емисија на хартии од вредност на Халк осигурување АД Скопје, со вкупна вредност од 3.000.000,00 евра, односно 184.953.000,00 денари. Апсолутната вредност на основната главнина по реализацијата на емисијата на хартии од вредност е во висина од 15.500.000,00 евра, со состојба на основната главнина по реализацијата.
Осигурување од различен тип непредвидливи ризици е основа на вашето работење. Кои се плановите кон кои целите во наредната 2022 година?
Пандемијата е момент што придонесе свеста во општеството да добие еден поинаков и поделикатен изглед, а со тоа се подобри и пристапот до здравствените услуги и предноста на полисите за приватно здравствено осигурување. Во иднина, компанијата најавува уште многу други новитети што, пред сè, ќе му служат на општеството и ќе му овозможат безбеден и стабилен живот на секое поле.
Мојата желба во Новата година е секој граѓанин да се почувствува безбедно и со чувство на припадност, без оглед на тоа што моментално општеството, а и светот се соочуваат со сериозни здравствени предизвици.
Ви посакувам многу здравје и успех во Новата 2022 година.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
МЗШВ: Во четвртиот квартал од 2025 година ќе биде објавен јавниот повик за претприемачите во прехранбената индустрија

Министерството за земјоделство, шумарство и водостопанство ја информира јавноста дека во четвртиот квартал од оваа година ќе биде објавен Јавниот повик 02/2025 за користење на средства од ИПАРД Програмата 2021-2027, мерка 3 – „Инвестиции во основни средства за преработка и маркетинг на земјоделски и рибни производи”.
Оваа мерка претставува исклучителна можност за македонските претприемачи во прехранбената индустрија да ги унапредат своите капацитети и да станат поконкурентни на домашниот и меѓународниот пазар.
Мерката 3 – „Инвестиции во основни средства за преработка и маркетинг на земјоделски и рибни производи”од ИПАРД Програмата овозможува финансиска поддршка за модернизација на преработувачките капацитети, инвестиции за преработка и маркетинг на земјоделски и рибни производи, како и усогласување со европските стандарди. Преку оваа мерка се поддржува зголемувањето на конкурентноста на земјоделското производство и земјоделско-прехранбениот сектор во целина.
Средствата за оваа мерка се обезбедени преку Инструментот за претпристапна помош за рурален развој на Европската Унија (ИПАРД Програмата за периодот 2021 – 2027 година).
Министерството ги повикува сите заинтересирани да започнат со навремена подготовка на потребната документација и да ги следат официјалните објави на Агенцијата за финансиска поддршка во земјоделството и руралниот развој.
Економија
Издадени првите лиценци за батериски систем за складирање на електрична енергија од обновливи извори

Регулаторната комисија за енергетика, водни услуги и услуги за управување со комунален отпад (РКЕ) ги издаде првите лиценци за батериски систем за складирање на електрична енергија од обновливи извори на компанијата ЕНЕРГО СОЛАР СИСТЕМИ.
Станува збор за два батериски системи со вкупна инсталирана моќност од 2 600 kW, што се инсталирани во склоп на две различни фотонапонски електроцентрали кои се веќе изградени и во функција.
„Издавањето на овие лиценци во кои се вклучени батериски системи за складирање на електрична енергија, всушност го означува почетокот на еден нов инвестициски циклус во енергетиката. Воведувањето на батериите во пракса значи забрзана енергетска транзиција преку создавање на одржлив, ефикасен и еколошки енергетски систем во земјава. Во РКЕ очекуваме голем број сопственици на ФЕЦ да поднесат барање за инсталирање на “сториџи“, но исто така очекуваме интерес да појават и компании кои би биле самостојни оператори на складишта само со батериски системи. Употребата на батериите ќе придонесе за сигурно и доверливо функционирање на системите, а едновремено и за економски посигурен и поефикасен енергетски пазар. Истите можат да даваат услуги на операторот на електропреносниот систем за балансирање на истиот, како и одржување на одредени параметри на мрежата во пропишани граници. Складирањето на енергија во периоди кога има вишок и нејзино користење во периоди кога потребите од електричната енергија се зголемуваат се очекува дека ќе влијае и врз намалување на вкупните трошоци во системот.“ посочи Марко Бислимоски, претседател на РКЕ.
Условите, постапката и потребната документација за добивање на лиценца за складирање на електрична енергија се уредена во Законот за енергетика и Правилникот за лиценци, .
Економија
Владата усвои измени: Се укинува ослободувањето од ДДВ за онлајн пратки во вредност до 22 евра

Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања на Законот за данок на додадена вредност, со кои се укинува ослободувањето од ДДВ за онлајн пратки во вредност до 22 евра. Законските измени веќе се во собраниска процедура, а нивното спроведување се очекува да има директни позитивни ефекти врз економијата и работењето на домашните компании.
Со оваа мерка, околу 4 милиони денари месечно, колку што во одредени периоди изнесува прометот кон странските онлајн платформи, ќе се пренасочат кон домашното стопанство. Овие средства ќе придонесат за развој на локалните компании, отворање нови работни места и исплата на повисоки плати на вработените.
Ова претставува значаен чекор во заштита и поддршка на домашната економија, особено во услови на зголемена глобализација и дигитална трговија.
Дополнително, измените ќе помогнат во намалување на сивата економија, имајќи предвид дека досегашниот систем овозможуваше злоупотреби – односно увоз на стоки ослободени од данок кои понатаму се продаваат на домашниот пазар.
Со оваа измена, државата испраќа јасен сигнал на поддршка за домашните компании кои создаваат додадена вредност и вработуваат граѓани во земјата, велат од Министерството за финансии.