Спорт
Клоп со потценувачка изјава за квалитетот на Барнли: Па тие немаат репрезентативци
На Јирген Клоп не му се допаѓа ривалот Барнли. Ова станува уште појасно по последната изјава за тимот на Шон Дајч по малку потценувачките изјави дека тие би биле против пет замени во еден натпревар во Премиер лигата посочувајќи дека не се доволно добри да пратат играчи на интернационална пауза.
Во минатото тој го критикуваше Барнли за нивната физичка игра, а оваа година имаше еден интересен дуел со Дајч. Зошто мораше да го споменува Барнли кога со нив играат дури на 13 февруари, не е јасно.
Ливерпул е еден од клубовите што бараат враќање на петте замени што беа воведени поради коронавирусот, а кои уште се во сила во Ла Лига, Бундеслигата и во Серија А.
Klopp and Sean Dyche are having tough time ???? pic.twitter.com/o4avSaQpgM
— ?Tami’s ?? (@RedTams) January 22, 2021
„Тоа што го сфативме на состанокот на менаџерите и знаеме дека секогаш било така е дека 14 клуба прават одлука за промена. Тоа е потребно. Еве пример. Со Барнли не сум сигурен дали некој од нивните фудбалери има интернационална пауза. Кога нашите фудбалери ќе играат три натпревари, нивните фудбалери немаат натпревари. Имаат 38 меча во Премиер лигата и три или четири куп-натпревари за приближно 42 меча годишно. Тие го немаат нашиот проблем, но одлучуваат за тоа. Петте замени се вистинската одлука, особено во овој момент по ковид-кризата, и тоа е вистински проблем“, вели Клоп.
Барнли, сепак, за волја на вистината, има 9 интернационалци, кои во последната календарска година играле за своите репрезентации (иако можеби не биле стандардни во првиот тим). Меѓу нив се Максвел Корнет од Брегот на Слоновата Коска, Матеј Видра од Чешка и Јохан Берг Гудмундсон од Исланд.
? “Burnley I’m not sure how many players of them play international football, when our players have three games they have no game.”
Jurgen Klopp outlines the problems with having the rule of 14 Premier League clubs voting in favour of changes like five substitutions pic.twitter.com/OIbGeqJyLE
— Football Daily (@footballdaily) December 27, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.
Спорт
(Видео) Баер без пораз ја заврши сезоната, дебакл на Баерн Минхен, Унион Берлин се спаси од испаѓање
Заврши сезоната 2023/2024 во Бундес лигата. Последното 34. коло го даде конечниот одговор на сите непознати. Најдраматично беше во борбата за опстанок, покрај Дармштад од лигата испадна Келн, а Бохум ќе игра бараж за опстанок против Фортуна Диселдорф. Унион Берлин на волшебен начин се спаси, победи против Фрајбург со 2:1 и покрај тоа што голманот на Франјбург одбрани два пенали. На табелата зад Баер Леверкузен заврши Штутгарт, а Баерн Минхен лошата сезона ја заврши со пораз кај Хофенхајм.
Унион Берлин сезонава играше во Лигата на шампионите, а во Бундес лигата едвај се спаси од испаѓање. Со победата над Фрајбург од 2:1, Унион го избегна баражот за опстанок. Фрајбург со овој пораз остана без место во европските купови и тажно се прости од тренерот Кристијан Штрајх (тој беше тренер на првиот тим од 2011 година).
Унион промаши два пенали но по вториот (го изведе Фоланд во 90+3. минута), Јаник Хаберер налета на топката трча и го постигна голот за опстанок.
Новиот шампион Баер Леверкузен ја заврши сезоната во голем стил, без ниту еден пораз. „Фармацевтите“ го пречекааа Аугсбург и победија со 2:1. Тоа беше 28-та победа во една незаборавна сезона, со шест ремија за тимот на Чаби Алонсо.
Финалистот во Лигата на шампионите, Борусија Дортмунд, убедливо го совлада одамна отпишаниот Дармштад, а капитенот Марко Ројс го постигна прошталниот гол на „Вестфален“.
.
И Штутгарт одигра сезона за паметење. „Швабите“ убедливо славеа над Борусија Менхенгладбах (4:0). Два гола постигна фантастичниот Гираси.
Баерн и во последното коло ги разочата своите навивачи и покрај тоа што кај Хофенхајм по само шест минути водеше со 0:2.
Баерн во второто полувреме со хет-трик го нокаутира хрватскиот напаѓач Андреј Крамариќ. Два од трите гола Крамариќ постигна по лошите рекции на Мануел Ноер.
Спорт
Ферстапен изедначи рекорд на Сена – Холанѓанецот на пол-позицијата во Имола
Макс Ферстапен го задржа максималниот учинок во квалификациите оваа сезона. Актуелниот шампион во Имола ја освои седмата пол-позиција оваа сезона.
Ферстапен до пол-позицијата дојде откако Ред Бул се соочуваше со многу проблеми на тренинзите, во квалификации покажа зошто е трикратен светски првак. Холанѓанецот, сметајќи ја и последната трка од минатата сезона е во серија од осум победи во квалификациите, со што го изедначи рекордот на легендарниот Аиртон Сена.
Шампионот, во квалификациите за 74, односно 91 илјадити делови од секундата беше побрз од возачите на Мекларен, Оскар Пјастри и Ландо Норис.
Домашната публика е разочарана од резулатот на Ферари. Шарл Леклер заврши на четвртото, а Карлос Саниц на петтото место. Шпанецот за една илијадитинка беше побрз од Џорџ Разел (Мерцедес).
Следуваат Јуки Цунода (РБ), Луис Хамилтон (Мерцедес), Даниел Рикардо (РБ) и Нико Хулкенберг (Хас).
Во квалифкациите разочараа Фернандо Алонсо кој ќе стартува од 19.место и Серхио Перез кој трката ќе ја започне од 11. место.
Трката за Големата награда на Емилија Ромања, в недела ќе започне во 15 часот.