Спорт
Украински клуб казнет бидејќи фудбалерите давале интервјуа на руски јазик
Украинскиот првологаш Верес Ривне доби казна од Украинската фудбалска федерација бидејќи нивните фудбалери по неодамнешниот меч давале интервју на руски јазик.
Верес, кој доаѓа од градчето Ривне, но своите натпревари ги игра во Лутск, на сопствената веб-страница потврди дека престапот се случил на мечот со Динамо Киев овој месец кога давале интервју на „друг јазик, освен државниот“. Од клубот ветија дека отсега ќе даваат интервјуа само на украински јазик.
„За тие фудбалери или други вработени во клубот што не го зборуваат државниот јазик на доволно ниво, клубот е подготвен да организира курс за украински јазик. Оваа одлука не важи за фудбалерите што се државјани на друга држава“, се вели во објавата на клубот.
Претседателот на клубот, Иван Надеин, претходно изјави дека ја поддржува оваа одлука на Федерацијата.
„Моето лично мислење е дека ако фудбалерот има украински пасош, тогаш во јавните интервјуа мора да се обраќа на украински јазик. Сфаќам дека има фудбалери што не знаат доволно украински и знам дека се срамат од тоа“, вели Надеин.
Верес е на 9. место во украинската Премиер лига по 18 кола во прва сезона во елитата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.