Свет
(Видео) Новата година први ја дочекаа островите Самоа и Кирибати, 2022 пристигна и на Нов Зеланд
Жителите на островите Самоа и Кирибати, кои се наоѓаат во Тихиот Океан, први ја дочекаа новата 2022 година, во 11 часот по средноевропско време.
3… 2…. 1….. #HappyNewYear2022 en Kiribati??
El 2022 ha llegado y las Islas de Kiritimati son los primeros en darle la bienvenida al Año 2022 pic.twitter.com/U0oIi9fwcI
— Marco Antonio Jimenez (@antonio_206) December 31, 2021
Коралните острови Кирибати сочинуваат една република, сместена во централниот дел на Тихиот Океан, на околу 4.000 километри југозападно од Хаваите. Новата година во Кирибати ја слават жителите кои се среќаваат во традиционалните куќи „манеаба“ и излегуваат на улиците и прават здравици на полноќ.
Еден час подоцна, Новата година пристигна во Нов Зеланд, а потоа ќе пристигне и на Далечниот исток на Русија и Австралија.
Новогодишните прослави ширум светот во голема мера се откажани, бидејќи коронавирусот втора година по ред ги „затемнува“ прославите, но Австралија е решена да ужива во оваа ноќ, па дури има и сигнали дека Северна Кореја подготвува огномет.
#WATCH | New Zealand’s Auckland rings in #NewYear2022 with fireworks display
(Video: Reuters) pic.twitter.com/UuorkGHPEg
— ANI (@ANI) December 31, 2021
Австралија е подготвена да влезе во Новата година со рафален огномет, и покрај зголемувањето на бројот на заразени на рекордно ниво на некои места, јавува „Ројтерс“.
BREAKING: Midnight on Kiribati’s Christmas Island as the world’s earliest time zone ushers in 2022 pic.twitter.com/k5xVKUfp4N
— BNO News (@BNONews) December 31, 2021
Премиерот Скот Морисон им посака на граѓаните да уживаат во вечерните часови, додека Доминик Перот, премиерот на Нов Јужен Велс, ги повика сите да излезат и да уживаат во Новата година, иако бројот на заразени во таа земја речиси двојно се зголеми на рекордни 21.151. Тој рече дека е задоволен од повисокиот степен на вакцинација и од тоа што болниците успешно се справуваат со бранот заболени со омикрон.
Правилата за социјално дистанцирање се во сила и потребни се маски во затворен простор во Сиднеј, но се очекува илјадници луѓе да се соберат на пристаништето за да го гледаат новогодишниот огномет.
Исто така, се чини дека Северна Кореја се подготвува да ја дочека Новата година со полноќен огномет на плоштадот Ким Ил-сунг во Пјонгјанг, а снимките од комерцијалните сателити покажуваат дека се во тек подготовките со поставување бина на плоштадот. Државниот весник „Родонг Синмун“ објави фотографии од цвеќари во Пјонгјанг полни со клиенти кои носат маски и купуваат цвеќиња за прославата.
Во Јужна Кореја, сепак, расположението е помалку свечено, бидејќи традиционалната церемонија на ѕвонење на полноќ беше откажана, втора година по ред, откако властите најавија продолжување на построгите правила за растојание до две недели за да се справат со постојаниот пораст на инфекциите.
Во кинеските градови новогодишните настани се откажани, а властите повикуваат на воздржаност.
Властите во главниот град на Индонезија, Џакарта, ќе затворат 11 патишта кои обично привлекуваат голема толпа за Нова година, соопшти полицијата, додека Малезија забрани големи собири низ земјата и откажа спектакуларен огномет од кулите близначки Петронас во главниот град Куала Лумпур.
На својот официјален канал на „Јутјуб“ јапонскиот премиер Фумио Кишида ги повика луѓето да носат маски на забавите и да го ограничат бројот на луѓе кои присуствуваат на прославите, додека познатиот забавен кварт во Токио, Шибуја, ги забрани забавите на крајот на годината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон: Иднината на Украина не може да се одлучи без Украинците
Само неколку дена пред планираната средба меѓу рускиот претседател Владимир Путин и американскиот претседател Доналд Трамп, францускиот претседател Емануел Макрон нагласи дека Украина мора да биде вклучена во сите разговори за нејзината иднина.
„Иднината на Украина не може да се одлучи без Украинците, кои се борат за својата слобода и безбедност повеќе од три години“, напиша Макрон на X.
„Бидејќи и нивната безбедност е во прашање, Европејците исто така мора да бидат дел од решението, рече тој.
Макрон претходно разговараше по телефон со украинскиот претседател Володимир Зеленски, германскиот канцелар Фридрих Мерц и британскиот премиер Кир Стармер, напиша тој.
По разговорот со Макрон, Зеленски напиша на X: „Украина, Франција и сите наши партнери се подготвени да работат што е можно попродуктивно за вистински мир“.
Трамп треба да се сретне со Путин во Алјаска во петок. Според „Волстрит џурнал“, Путин бара целосна руска контрола врз источните региони на Украина, Донецк и Луганск, што Зеленски категорично го отфрла.
Свет
Ердоган за Газа: Одлуката на Израел е неприфатлива, поддршката за Палестина продолжува
Одлуката на Израел да преземе воена контрола врз Газа е апсолутно неприфатлива, му рекол турскиот претседател Реџеп Таип Ердоган на палестинскиот претседател Махмуд Абас во телефонски разговор, пренесува Анадолу.
Според турската Дирекција за комуникации, тие разговарале за израелските напади врз Газа и за најновите случувања во регионот.
За време на разговорот, Ердоган повторил дека Турција ќе продолжи да стои зад Палестина.
Нарекувајќи ги изјавите на Франција, Велика Британија и Канада за можното признавање на палестинска држава достојни за внимание, Ердоган го истакна растечкиот бран критики кон Израел на Западот и додаде дека Турција ќе продолжи со своите напори за мир во регионот.
Свет
Идентификувани останките од три жртви од нападите на 11 септември
Останките од три жртви од нападите на 11 септември се идентификувани благодарение на напредокот во ДНК технологијата.
Службениците во четврток објавија дека ги идентификувале останките на 26-годишниот трговец со валути Рајан Д. Фицџералд, 72-годишната пензионирана директорка на непрофитна организација Барбара А. Китинг и уште една жена, чие име се чува во тајност на барање на нејзиното семејство.
Останките се идентификувани преку подобрено ДНК тестирање на останките пронајдени во урнатините по нападите на 11 септември 2001 година, соопшти канцеларијата на медицинскиот испитувач во Њујорк. Останките на Китинг и жената, чиј идентитет не е објавен, се пронајдени во 2001 година, а останките на Фицџералд се пронајдени следната година.
Китинг се враќала дома во Калифорнија со летот на „Американ ерлајнс“ кога членови на Ал Каеда го киднапирааа и намерно го удрија во северната кула на Светскиот трговски центар. Парче од нејзината банкарска картичка било пронајдено во остатоците.
Во нападите од 11 септември, два авиона се урнаа во Кулите Близначки во Њујорк, трет се урна во Пентагон, а четвртиот се урна во Пенсилванија. Вкупно 2.977 луѓе загинаа, од кои 2.753 во Њујорк. Околу 1.100 жртви остануваат неидентификувани, соопшти канцеларијата на медицинскиот испитувач.
Во 24-те години од терористичките напади, нови останки се идентификувани благодарение на напредокот во технологијата.
Денес се навршуваат 24 години од загинувањето на бранителите кои нагазнаа на мина кај Љуботенски бачила
На повеќе локации во Скопје денеска ќе бидат одбележани 24 години од загинувањето на осуммината бранители, припадници на резервниот состав...
Пијан скопјанец преминал на спротивна лента кај Петровец, удрил во автомобил- повредени се две бебиња
Против 57-годишен жител на селото Трубарево, Основното јавно обвинителство Скопје поведе постапка за кривично дело – Загрозување на безбедноста во...
МВР се огласи по случајот со началникот во Демир Хисар: Преземаме соодветни мерки
Во однос на реакциите на јавноста поврзани со постапувањето на полициските службеници за време на претресот, Одделот за внатрешна контрола,...
Сомнежи за финансиски злоупотреби и низа неправилности во Стоматолошката комора: Здравство ги презема нејзините надлежности
Поради сомнежи за финансиски злоупотреби и низа неправилности во Стоматолошката комора, Министерството за здравство ги презема нејзините надлежности, изјави министерот...
(Видео) СДСМ повторно ќе го поднесе Законот за минимална плата од 500 евра
СДСМ повторно ќе го поднесе Законот за минимална плата од 500 евра, најави потпретседателот на СДСМ, Методија Илиевски. „Владата е...
(Видео) Началник бара Итната помош на носилка да однесе директорка на информативен разговор во станица
На социјалните мрежи е објавено видео на кое се гледа началник во домот на директорка на училиште во Демир Хисар...
Зеленски остро им одговори на Трамп и Путин: Украинците нема да му ја дадат својата земја на окупаторот
Украинскиот претседател, Володимир Зеленски, остро ја отфрли секоја можност за територијални отстапки во замена за мир, нагласувајќи дека суверенитетот на...
Пронајдени неексплодирани гранати од Првата светска војна во близина на ГП Меџитлија и во Старо Градско
Припадници на Дирекцијата за заштита и спасување (ДЗС) успешно реализираа две интервенции за отстранување на неексплодирани убојни средства (НУС) останати...
„Волстрит џурнал“ го објави планот за мир на Путин
Рускиот претседател, Владимир Путин, наводно му презентирал сеопфатен предлог за прекин на огнот на американскиот претставник Стив Виткоф, нудејќи прекин...
Путин и Трамп ќе се сретнат во Алјаска
Американскиот претседател, Доналд Трамп, објави на својата социјална мрежа Truth дека долгоочекуваната средба со неговиот руски колега, Владимир Путин, ќе...
Маск: Вештачката интелигенција ќе ги замени сите работни места, дури и моето
Илон Маск, извршен директор на „Тесла“ и еден од најбогатите луѓе во светот, издаде остро предупредување до секој што е...
Клиниките за Токсикологија, Неврологија и Кардиологија добија нови директори
Министерството за здравство информира дека се именувани нови в.д. директори во четири јавни здравствени установи. На Универзитетската клиника за токсикологија...
Објавено е што е подготвен Путин да направи
Русија и САД се обидуваат да постигнат договор што би ја запрел војната во Украина и би ја потврдил руската...
Крадци украле акумулатори и нанеле штета од над 10 милиони денари на ЈП за железничка инфрастрактура
Јавен обвинител од Основното јавно обвинителство Битола донесе наредба за спроведување истражна постапка против две лица за тешка кражба. За...
Убиство во Штип: пијан со нож ја избол мајка си во врат, па сам пријавил на 112
Основното јавно обвинителство соопшти детали за убиството во Штип што се случи утрово. Од таму велат дека против С.З. (54)...
Мицкоски: Карпалак е обврска да изградиме држава во која нема да има место за омраза и поделби
Слава за хероите од Карпалак. Нивното дело и пожртвуваност се памети, нивната храброст и одлучност се почитува, напиша на социјалните...
Одбележана 24-годишнината од загинувањето на десеттемина армиски припадници кај месноста Карпалак
Делегација од Министерството за одбрана и Генералштабот на Армијата, предводена од државниот секретар Елизабета Чуповска-Ристова и директорот на Генералштабот, бригаден...
Семејна заштеда и помал притисок за родителите: Дурмиши за поевтинувањето на училишниот прибор
Министерот за економија и труд, Бесар Дурмиши, денеска ја промовира новата владина мерка „Училишна кошничка“, насочена кон намалување на трошоците...
Надлежните со препораки до граѓаните поради најавата за температури до 39 степени во периодот до 13 август
Министерството за здравство информира дека, според најновата прогноза од Управата за хидрометеоролошки работи (УХМР), од 8 до 13 август 2025...
Четири цени за паркинг во Клинички, просторот ќе се прошири двојно
Министерот за здравство, Азир Алиу, информира дека во Клиничкиот центар ќе има четири различни влезови со различни ценовници за паркирање...
