Спорт
Надал: Ѓоковиќ е самиот одговорен за своите постапки
Рафаел Надал не чувствува големо сочувство кон својот голем ривал Новак Ѓоковиќ и неговата „сага“ околу влезот во Австралија, велејќи дека самиот си барал проблеми со тоа што не се вакцинирал и што се обидел да влезе во земјата со медицинска белешка.
Надал, кој е целосно вакциниран и во септември беше позитивен на КОВИД, веќе е во Австралија каде што се натпреварува на егзибицискиот турнир „Меблрун самер сет“ и по победата над Литванецот Рикардас Беранкис беше запрашан за коментар.
„Секако, тоа што се случува не е добро за никого, според мислење. Не можам да имам јасно мислење за ситуацијата бидејќи ги немам деталите. Но, поминав низ КОВИД, бев вакциниран двапати. Ако го направиш тоа, немаш проблеми да играш тука. Единствено што е јасно е дека ако си вакциниран можеш да играш на Австралија опен и насекаде во светот. Светот доволно страдаше“, вели 35-годишниот Шпанец.
Надал, шампионот од Австралија опен од 2009, вели дека ја сфаќа реакцијата на дел од Австралијците, кои беа бесни за првичната дозвола на Ѓоковиќ да дојде во Австралија.
„Могу семејства страдаа многу последните две години со пандемијата, и нормално е Австралијците да се фрустрирани, бидејќи издржаа долг локдаун и многу луѓе не можеа да се вратат дома. Според моето мислење вакцината е единствен начин да ја спречиме пандемијата. Ѓоковиќ си направи свои одлуки и секој е слободен да го прави тоа, но има некои последици. На некој начин ми е жал за него, но во исто време, тој ги знаеше условите пред повеќе месеци“, вели Надал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шумахер најавува пропаст на Ред Бул
Ралф Шумахер (48) смета дека заминувањето на Адријан Њуи од Ред Бул е значаен момент за Формула 1. Поранешниот Ф1 возач смета дека ова е позначајно дури и од трансферот на Луис Хамилтон од Мерцедес во Ферари.
Пред два дена Ред Бул објави дека спогодбено ќе се раздели со најдобриот дизајнер во Ф1. Шпекулациите велат дека Њуи би можел да му се придружи на сонародникот Хамилтон во Ферари следната сезона.
Дури и да не се случи тоа, Ралф Шумахер е убеден дека без врвниот дизајнер, Ред Бул ќе стане просечен тим.
Помладиот брат на еден од најголемите возачи на сите времиња, Михаел Шумахер, кој и самиот имаше солидна кариера во Формула 1 (182 трки, 27 подиуми, 6 пол-позиции, 6 победи) отиде чекор понатаму и објави дека Њуи е само првиот во низата клучни луѓе на тимот на Ред Бул кои наскоро ќе ја напуштат базата во Милтон Кејнс.
„Да, тоа е факт и повеќе луѓе ќе си заминат“, одговори Шумахер на прашањето за организациската криза во најдоминантниот тим на првенството.
„Тоа е јавна тајна, но во реалноста сè започнува од фактот дека Кристијан Хорнер верува дека не му треба ниту еден од тие луѓе и дека најдобро знае како треба да изгледа Ф1 тим. Конечно, ја има целосната поддршка од тајландските инвеститори“, изјави Германецот, а пренесува шпанска „Марка“.
Спорт
Алкараз го откажа настапот на Мастерсот во Рим
Шпанскиот тенисер Карлос Алкараз поради повреда нема да настапи на Мастерсот во Рим.
Третиот тенисер во светот има прблем со десната подлактица, но и покрај тоа реши да игра на Мастерсот во Мадрид каде не успеа да ја одбрани титулата, во четвртфиналето дожиева пораз од Андреј Рубљов.
„Почувствував болка на турнирот во Мадрид, непријатност во раката. Денеска направив прегледи и имам оток на мускулот на подлактицата, што е резултат на претходна повреда. За жал, не можам да играм во Рим, морам да почнам со рехабилитација за да играме 100 отсто без болка“, напиша Алкарас на социјалната мрежа „Икс“.
Алкарас во краток период се откажа од три турнири. За еден месец се откажа од Монте Карло, Барселона и сега од Рим.
Спорт
Фоден играч на сезоната во Премиер лигата
Фудбалерот на Манчестер сити, Фил Фоден, е избран за најдобар фудбалер во Англија за сезоната 2023/24 според гласовите на спортските новинари.
Фудбалерот на „Граѓаните“ во досегашниот дел од сезоната одигра 31 натпревар во Премиер лигата, постигна 16 гола и запиша седум асистенции.
Во ФА купот одигра четири натпревари на кои постигна два гола, додека во Лигата на шампионите одигра осум натпревари, забележа пет гола и три асистенции.
Манчестер сити го заврши учеството во Лигата на шампионите, откако беше елиминиран од Реал Мадрид, но се уште има шанса да се бори за титулата во Премиер лигата.
Арсенал моментално е прв на табелата во англиското фудбалско првенство со 80 бодови, додека Сити има бод, но и натпревар помалку, па финишот на сезоната ќе биде неизвесен.
Избраниците на Пеп Гвардиола на 25 мај ќе се борат за трофејот во ФА Купот против Манчестер Јунајтед во финалето.