Свет
Казахстанскиот претседател: Покрената е антитерористичка операција
Казахстанскиот претседател Касим Џомарт Токаев тврди дека уставниот поредок во голема мерка е повторно воспоставен во оваа централноазиска држава која неделава е погодена од немири, соопшти неговиот кабинет.
Министерството за внатрешни работи на Казахстан во посебно соопштение соопшти дека 26 вооружени криминалци се убиени, а повеќе од 3.000 се приведени, додека од почетокот на протестите биле убиени 18 полицајци и припадници на Националната гарда.
„Покрената е антитерористичка операција. Силите на редот и законот работат напорно. Уставниот поредок е во голема мерка вратен во сите региони на земјата“, порача Токаев.
„Локалните власти ја контролираат ситуацијата. Но терористите продолжуваат да користат оружје и да го оштетуваат имотот на граѓаните. Затоа, антитерористичките акции треба да продолжат сè додека милитантите не бидат целосно елиминирани“, додаде тој.
Русија вчера испрати падобранци за да помогнат во задушувањето на бунтот во една од за Москва најблиските поранешни советски членки, како дел од безбедносниот блок ОДКБ предводен од Русија.
Утрово дописници на „Ројтерс“ пренесоа за вооружени оклопни возила и војници на главниот плоштад во Аламати, најголемиот град во Казахстан, каде силите пукаа врз демонстрантите еден ден претходно.
Неколку метри подалеку, дописниците на „Ројтерс“ виделе мртво тело во тешко оштетен цивилен автомобил. Во друг дел од градот, забележале ограбена продавница во која се продавала муниција и воени возила и околу 100 луѓе во униформи на друг плоштад во Аламати.
Токаев денеска ќе ѝ се обрати на нацијата, соопшти неговата администрација, и ќе им каже на луѓето во Аламати да го ограничат своето движење низ градот додека „трае потрагата по бандитите кои се кријат“.
Вакво насилство е невидено во земјата со која од советско време цврсто владее лидерот Нурсултан Назарбаев, кој продолжи да владее и покрај тоа што се повлече од претседателската функција пред три години, со Токаев како негов наследник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Шахта во Њујорк експлодира неколку секунди откако по неа помина жена со деца
Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател
Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија
Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.
Судот ја одби гаранцијата од милион евра на Асмир Јахоски
Судот ја одби гаранцијата од еден милион евра на бизнисменот Асмир Јахоски, осомничен за перење пари, во замена да биде пуштен...
Културните работници на протест: Се надеваме дека платата за март ќе ја добиеме барем пред првомајските празници, стигнаа нови насоки
Голем број вработени во институциите од културата денес точно напладне излегоа на протест пред Министерството за култура, кое ги принуди,...
(Видео) Филипче: Ако се обединиме на патот кон ЕУ, нема пречка што нема да ја совладаме
Патот кон Европската унија трае предолго, но не смее да се откажеме, мораме да се обединиме бидејќи кога сме заедно...
Се намалува цената на мазутот, а на дизелот и на бензините не се менува
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
„Дали Зоран Заев во Дубаи гради високи згради над 50 ката и дали на тој начин ја стекнал златната виза“, прашува ВМРО-ДПМНЕ
„Времето изминува, СДС се занимава со сè и сешто, шета од тема на тема, но за темите што ги интересира...
Објавено кога ќе биде погребан папата
Погребот на папата Франциско ќе се одржи в сабота, соопшти Ватикан. Погребот на папата ќе се одржи в сабота, со...
Сообраќајна несреќа кај планинскиот превој Пресека: неколкумина повредени, меѓу нив и две деца
Вчера во 15.30 часот, на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило...
Објавени првите фотографии од телото на папата Франциско: во рацете има бројници
Ватикан утрово ги објави првите фотографии од телото на папата Франциско. Неговото тело е положено во едноставен дрвен ковчег, со...
ДУИ: Институциите го деградираат користењето на албанскиот јазик на ниво пред усвојувањето на Законот за јазиците
„ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна...
(Фото/Видео) Најпознатите градби во светот блескаат за папата Франциско
Откако вчера беше објавена веста за смртта на папата Франциско, бројни светски метрополи и верски заедници му оддадоа почит со...
„Харвард“ ја тужи администрацијата на Трамп поради замрзнување на финансирањето
Универзитетот Харвард ја тужеше администрацијата на претседателот Доналд Трамп во обид да го спречи замрзнувањето на повеќе од 2 милијарди...
На Табановце и на Богородица времето на чекање за влез во државата е околу 1 час
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини...
(Видео) Запечатена резиденција на папата, во Ватикан владее седисвакација
Ватикан ја запечати официјалната резиденција на папата Франциско, симболично започнувајќи период на жалост. На снимката објавена од Ватикан се гледа...
(Видео) Какви беа последните денови на папата Франциско: „Изгледаше како да се збогува“
Во понеделникот точно напладне црковните ѕвона ширум Италија одекнаа во жалост. Почина папата Франциско. Не поминаа ни 24 часа откако...
Верниците ширум светот го оплакуваат папата
Членовите на Католичката црква, која има 1,4 милијарди верници, денеска тагуваат за смртта на 88-годишниот папа Франциско, фалејќи го како...
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата
Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо...
Ватикан: Папата почина од мозочен удар и срцево затајување
Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со...
Шок и солзи во Ватикан: „Големиот папа нè напушти, уриваше бариери“
„Почина голем папа“, вели Фабио Малвеси, сè уште видно шокиран, како и многумина од верниците и туристите кои се собраа...
Струмичко-скопскиот епарх монсињор д-р Киро Стојанов упати писмо по повод упокојувањето на папата
Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите...
Светските лидери се збогуваа со папата: „Тој секогаш беше на страната на најранливите“
Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот...
