Спорт
Ѓоковиќ ја чека одлуката на судот – во Белград протест, поддршка и од други играчи
По повеќе од 600 дена под најстрогите мерки против ковид, австралиската јавност негодуваше поради ослободувањето од вакцинација на одредени тенисери кои ќе учествуваат на Австралија опен. Меѓу нив требаше да биде и Новак Ѓоковиќ, но тамошните власти сепак одлучија да го сместат во имиграциско прифатилиште, најверојатно до понеделник. Сега поради тоа, покрај српската јавност која излезе на протест во Белград, негодува и светската јавност, пишува „Н1“.
Првиот рекет во светот е задржан трет ден во хотел во Мелбурн – не докажал дека е ревакциниран, ниту има легитимни причини за ослободување од вакцинација, тврдат австралиските власти.
Додека тој е на другата страна на планетата, во земја која се „заклучува“ повремено и во која околу 90 отсто од населението примиле најмалку две дози вакцина против коронавирус, бурата не стивнува поради ситуација во која се наоѓа.
Претседателот на Собранието на Србија на се’ гледа како на политичкo изживување. Државата тешко може да направи нешто, бидејќи нема посебни односи со Австралија, вели тој.
„Таму ситуацијата е и политички нестабилна и сите бркаат некаков рејтинг и го злоупотребуваат за политички цели“, изјави претседателот на Народното собрание, Ивица Дачиќ.
Ѓоковиќ го поддржуваат бројни колеги, па дури и лути ривали.
„Гледате, дефинитивно верувам дека нешто треба да се преземе, се вакцинирав поради други, поради здравјето на мајка ми, но како се справуваме со ситуацијата на Новак е лошо, навистина лошо. Овие наслови, зборуваме за нашиот голем шампион, но на крајот на денот, тој е само човек. Бидете подобри“, изјави тенисерот Ник Кирјос.
„Ова низ кое што минува Новак во моментов не е во ред. Нема оправдување за третманот што го доби. Ги почитуваше правилата, му беше дозволено да влезе во Австралија, а сега го држат против негова волја. Ова е толкав срам“ додаде Џон Изнер.
Карен Ендрјус – австралиска министерка за внатрешни работи
Министерката за внатрешни работи на Австралија посочува дека се проверуваат и случаите на други тенисери кои се ослободени врз основа на слични исклучоци од обврската за вакцинација.
„Господинот Ѓоковиќ не е во заробеништво, тој може слободно да си оди кога сака и граничните власти ќе му дозволат. Што се однесува до луѓето кои се во имиграциски притвор, без разлика дали се во хотел во Мелбурн или на друго место, тие се таму затоа што немаат соодветна виза или поради некоја друга причина и со сите се однесуваме коректно и еднакво“, изјави австралиската министерка за внатрешни работи Карен Ендрјус.
Поддржувачите и дијаспората, но и противниците на имунизацијата, продолжуваат да му изразуваат поддршка на најдобриот тенисер во светот пред хотелот во кој престојува. Иако се зборуваше дека телефонот му е одземен, Новак преку својот Инстаграм профил им се заблагодари на сите за поддршката.
Неговите адвокати се обидуваат да ја оспорат забраната за влез во земјата. Многу е неизвесно дали ќе се појави на теренот на 17 јануари – Австралијците наскоро ќе излезат на избори, а тешко дека властите ќе попуштат и ќе испратат порака дека има исклучоци.
Како што пренесуваат тамошните медиуми, на Новак во хотелот му се придружилa и тенисерка од Чешка, на која поради истата причина како него и’ бил забранет влез во Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Евертон го надигра Фулам, Вест Хем го победи Барнли
Фудбалерите на Евертон и Вест Хем забележаа победи во натпреварите, во Премиер лигата, кои започнаа во 16 часот.
Евертон го победи Фулам со 2:0 во натпреварот од 11-то коло од Премиер лигата на стадионот „Фил Дикинсон“.
Интересен меч одиграа „карамелите“ против гостите од Лондон, Славеа со головите на Идриза Гана Геј во првото и Мајкл Кин во второот полувреме.
На овој натпревар ВАР-от му поништи три гола на Евертон.
Вест Хем се врти во живот со новиот тренер, Нуно Еспирито Санто. Откако во минатото коло го победија Њукасл, „чеканите“ во 11-та рунда славеа над Барнли со 3:2.
Гостите водеа од 35-та минута со голот на Ијан Флеминг. Вест Хем одговорија со три гола.
Изедначи Калум Вилсон, пресвртот го комплетира Томаш Соучек, а Кајл Вокер-Питерс удри печат на победата.
Спорт
(Видео) Унион стави крај на перфектната серија на Баерн
Ниту еден од водечките три тима во Бундес лигата не успеа да победи во 10-то коло. Најголемото изненадување се случи во Берлин, каде Баерн во 93-та минуа се спаси од пораз пртотив Унион.
Перфектната серија од 16 победи во исто толку натпревари, во сите натпреварувања, на Баерн Минхен заврши во Берлин. Во 10-то коло, Унион и Баерн одиграа 2:2.
Данило Дуки е апсолутен херој на Унион, ги постигна двата гола за својот тим. Погоди во 16-та минута за 1:0, а десетина минути подцна изедначи Луис Дијаз. Нова предност на Унион, Дуки му донесе во 83-та минута.
Сепак, Унион не успа да дојде до историската прва победа против Баварците. Во 93-та минута Кејн погоди за конечни 2:2.
Борусија Дортмунд, во Хамбирг остана без планираната победа во 98-та минута.
Единствениот стрелец за Дортмунд беше Чуквуемека во 64-та минута од натпреварот. А бодот за ХСВ го донесе Кенигсдорфер во судиското продолжение.
По поразот од Баерн во првото коло, Лајпциг влезе во серија од осум натпревари без пораз, која во саботата заврши на гостувањето кај Хофенхајм.
Лајпциг поведе со голот на Диоманде, но тимот од Зинсхајм, експресно направи пресврт.
Прво Хајдари, а потоа и Ламперл го доведоа својот тим до водство на полувремето.
Во вториот дел од натпреварот, Промел ја потпиша победата на Хофенхајм, кој сега е на петтото место со само три бода помалку од Лајпциг, кој е трет.
Баер Леверкузен го искористи киксот на водечката тројка и ја намали разликата со убедливата победа над Ханденхајм од 6:0.
Партик Шик започна сè во втората минута. Чехот беше и стрелец во 22-та минута од натпреварот, додека Јонас Хофман погоди во 16-та минута, односно Ернест Поку и Ибрахим Маза.
По оваа победа, Леверкузен е на четвртото место на табелата.
Спорт
(Видео) Спринтот во Бразил за Норис, нова катастрофа на Пјастри
Возачот на Мекларен Ландо Норис е поденик во спринт трката која се возеше во рамките на Големата награда на Бразил. На патеката Интерлагос во Сао Паоло, Норис победи пред возачите на Мерцедес, Андреа Кими Антонели и Џорџ Расел. Катастрофа доживеа Оскар Пјастри, кој излета од патеката во шестиот круг и остана без бодови.
Нов триумф за Ландо Норис, нов неуспех за Оскар Пјастри и зголемување на предноста во бодовите. И тоа за огромни осум бода, бидејќи Норис ја однесе победата во спринтот во Интерлагос за Големата награда на Сао Паоло, неговиот колега од Мекларен и главен кандидат за титулата испадна.
Стартот не го донесе очекуваното возбудување. На врвот, само Макс Ферстапен си обезбеди позиција со престигнувањето на Фернандо Алонсо на петтото место, а најдобар старт имаше Луис Хамилтон кој напредуваше за три позиции и заврши на осмото место.
Првото големо возбудување се случи во шестиот круг. Оскар Пјастри се излизга и излета од патеката. Мораше да се повлече и претрпе уште еден удар врз своите шампионски амбиции.
Покрај Пјастри, Хилкенберг и Колапинто се судрија, поради што беше истакнато црвено знаме. За разлика од Пјастри и Колапинто, Хилкенберг се врати на патеката.
Рестартот исто така не донесе ништо големо. Ландо Норис ја задржа првата позиција пред тандемот на Мерцедес, Кими Антонели и Џорџ Расел, кои се обиде да го престигне својот колега, но без успех.
На крајот, Кими Антонели покажа својата амбиција и да победи. Стигна до помалку од една секунда од Норис, но и со DRS сепак не успеа. На крајот, редоследот на подиумот беше ист како оној на рестартот: Норис, Антонели, Расел.
Третиот претендент за титулата, актуелниот шампион Макс Ферстапен, мораше да се задоволи со четвртата позиција.
Лесно можеше да ја изгуби и таа кога направи грешка по рестартот, Фернандо Алонсо жестоко го нападна, но Холанѓанецот сепак се одбрани.
Тандемот на Ферари, Шарл Леклер и Луис Хамилтон, водеше голема битка со Фернандо Алонсо и на крајот ги зазедоа петтата и седмата позиција, додека Алонсо се најде помеѓу возачите на Ферари. Пјер Гасли беше последен што освои поени.
Ландо Норис е лидер со 365 поени, Оскар Пјастри има 356, а Макс Ферстапен сега има 326. До крајот ќе се возат уште четири трки.
Утре се вози Големата награда на Бразил, по што следуваат Лас Вегас, Катар и Абу Даби.
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
Остатоци од човечко тело најдени во кавадаречко Сопот
Во ОВР – Кавадарци било пријавено дека во атар на кавадаречкото село Сопот биле пронајдени остатоци од човечко тело, информираа...
Полицијата ги најде децата кои тепаа малолетник во Струмица и го снимаа за на Тик Ток
Случајот во кој четворица малолетници насилно се однесувале кон малолетник во Струмица, а потоа настанот го објавиле на социјалната мрежа...
Таен ринг за борби со кучиња разоткриен во битолско, заработувале од мачење животни
Грчки државјанин сопственик на куче, пит бул, косовски државјанин сопственик на куче од расата американски стафорд, како и двајца македонски...
(Фото) Русите пак ја нападнаа Украина, има загинати
Украина пријави нов руски напад врз нејзината енергетска инфраструктура во текот на ноќта, во кој едно лице загина, а неколку...
Руската воздушна одбрана соборила 79 украински дронови
Руската воздушна одбрана соборила 79 украински дронови во текот на ноќта, соопшти руското Министерство за одбрана. – Во текот на...
САД ги укинаа санкциите против сирискиот претседател
САД денес ги укинаа санкциите врз сирискиот претседател Ахмед ал-Шариа, само неколку дена пред неговата средба со американскиот претседател Доналд...
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба. Таму беа...
Министрите на Трамп: Обновливите извори на енергија се бескорисни, ЕУ треба да купува наша нафта
Глобалните инвестиции во обновлива енергија се покажаа како залудни и светот треба да се фокусира на сигурно снабдување со фосилни...
Германски министер: Дроновите во Белгија се порака да не се допираат замрзнатите руски средства
Германскиот министер за одбрана Борис Писториус денес посочи врска помеѓу неодамнешните инциденти со беспилотни летала во Белгија и дебатата за...
Кривична против полициски службеник од СВР Тетово: Ја заменил урината за да спаси син на колега кој бил уапсен за дрога
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
За подарок од 50.000 евра, директорот на Платежната агенција му доделил на апликант финансиска помош од ИПАРД-програмата
Полицијата уапси пет лица, меѓу кои и директорот на Агенцијата за финансиска поддршка во земјоделството и рурален развој во најновиот коруптивен...
Скопјанец репетирал пиштол во угостителски објект во Центар, кај него била пронајдена дрога
Скопјанец извадил пиштол и го репетирал во угостителски објект во Центар, а полицијата кај него пронајде и дрога. Според информациите...
За најмногу шест месеци, од Зелениково до Центар за 25 минути ќе се патува со градскиот воз, сосе застанувања
Од Зелениково до централната железничка станица во Скопје со градскиот воз ќе се патува за 25 минути. Возот, кој ќе...
Ѓорѓиевски за акцијата за чистење: Ова што вчера го почнавме не е маркетинг
Ова што вчера го почнавме не е маркетинг, туку да покажеме дека кога се сака – сè се може, вели...
Турчин фатен со злато вредно половина милион денари на аеродром, Македонец од Лондон шверцувал уреди „епл“
Царински службеници и мобилни царински тимови запленија 92 грама златни плочки и монети, „Епл“ уреди, 37.500 евра, цигари, парфеми и...
Откриен еден од убијците во Чашка, по вториот се трага – жртвата намамена, застрелана во главата и оставена покрај патот
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство....
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да...
„Влен“: Почна вистинското чистење на Скопје од ѓубрето и старата политика
По месеци на давење на градот во лоша миризба, ѓубре, запуштеност и пропаганда, од коалицијата „Влен“ велат дека почнало вистинското...
