Спорт
Димитревски не бранеше за Рајо – Бетис со играч помалку освои бод на „Ваљекас“

Рајо Ваљекано и Бетис одиграа 1:1, во првиот меч од неделната програма, во Примера. Македонскиот репрезентативец, Столе Димитиревски, не беше во протоколот за овој натпревар. Голот на Рајо го бранеше Лука Зидан.
Бетис, освои бод на „Ваљекас“ и покрај тоа што еден час играше со фудбалер помалку. Алекс Морено, поради невнимателен старт врз Иси Паизон, во 33.минута доби црвен картон.
И со играч помалку Бетис први постигнаа гол. В втората минута од надополнувањето на времето во првото полувреме, Каналес го совлада Зидан.
Рајо Ваљекано, тргнаа во целосна офанзива во второто полувреме. Успеаја да израмнат во 70.минута со голот на десниот бек, Балиу.
Во финишот на натпреварот, голманот Руис Силва со неколку интервенции не дозволи Бетис да бидат поразени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона сака да го откачи Тер Штеген

Марк Андре тер-Штеген и Барселона полека, но сигурно влегуваат во „војната“. Германецот нема намера да ја напушти Каталонија, а и доколку го стори тоа ќе се обиде добро да го наплати.
Каталонските медуми, тврдат дека единствениот начин да се согласи на раскинување на договорот е Барселона да му ја исплати целата плата според договорот до 2028 година, што е дури 42 милиони евра.
Јасно е дека Барселона нема да прифати ваков вид уцена, а спортскиот директор Деко ќе се обиде да најде идеално решение за сите страни, што сигурно нема да биде лесно.
Огромната плата на Тер-Штеген е проблем за сите освен за клубовите од Саудиска Арабија, но Германецот одбива да ја напушти Европа бидејќи планира да се натпреварува на највисоко ниво до Светското првенство во 2026 година кога конечно ќе биде број 1 во националниот тим.
Тер-Штеген го сака Галатасарај, кој во моментов е најконкретен, Милан го контактираше, но засега тој се откажа поради превисоката плата, додека интересот на Манчестер јунајтед во моментов е нејасен.
Во случај Тер-Штеген да стане слободен, односно на крајот да се согласи да го раскине договорот, јасно е дека тогаш ќе има интерес од сите страни.
Спорт
Македонија лидер во Ј групата

Фото/ ffm.mk
Драматичната победа на Белгија во дуелот со Велс (4:3), го комплетираше јунскиот прозорец, во квалификациите за пласман на Светското првенство.
Македонија, вчера, со голот на Трајковски победи во Казахстан. Македонија ја предводи групата и веќе се јасни математиките за понатаму. Доколу сака да се пласира барем во баражот, Македонија не смее да загуби на гостувањата кај Велси и Белгија и се подразбира да ги победи Лихтенштајн и Казахстан на домашен терен.
Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.