Спорт
Пике брутално кон Унаи Емери: Уште не заборавил на тие 6:1
Жерард Пике во последно време влезе во јавна војна со повеќе личности во Шпанија, од кој псоледниот е тренерот на Вилјареал, Унаи Емери.
Откако во текот на викендот јавно ја објави својата плата за да се докаже со новинарите на каталонската телевизија, овојпат главна тема беа пеналите во шпанската Ла лига, на кои се пожалија Валенсија и Реал Бетис на своите официјални Твитер профили.
Валенсија се жалеше дека биле „ограбени“ од Реал Мадрид и дека тоа станува „нешто што се повторува“, по што дефанзивецот на Барса Пике, на Твитер одговори: „Не го кажувајте тоа гласно, ќе ве казнат“.
Во исто време Вилјареал се жалеа што им беше поништен гол за играње на рака кога Дани Парехо ја упати топката во мрежата по одбранетиот пенал. По мечот, Емери реши да го критикува Пике, откако тој играше со рака на мечот со Вилјареал оваа сезона.
„Тоа што се случи со Пике беше јасно играње со рака и пенал, но ние го загубивме тој меч. Тој потоа и демантираше. Тоа што се случи денеска, не беше игра со рака, дефинитивно. Пике вчера на Твитер протестира за други тимови. Тоа е неискрено. Наместо да замолчи, ги лаже луѓето“, изјави Емери.
Пике пак, веднаш одговори на Твитер.
„Зборуваме за личност која три години подоцна се жали на судијата за 6:1 (Барселона-ПСЖ). Премини преку тоа, Унаи“, одговори Пике, зборувајќи за славниот камбек на Барселона против францускиот клуб кога тренер беше токму Емери.
Habla una persona que 3 años más tarde seguía quejandose del árbitro en el 6-1. Supéralo ya, Unai. https://t.co/Byzv6buO3L
— Gerard Piqué (@3gerardpique) January 9, 2022
Да се потсетиме за што зборува:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.