Македонија
(Видео) Радев: За правата на македонските Бугари не може да се преговара

Бугарија го потврди својот став за почеток на преговорите за Северна Македонија со Европската Унија, Владата мора да го спроведе овој став. Ова го одлучи Советот за национална безбедност на денешниот состанок, јавува „Бгнес“.
„Давањето согласност за почеток на преговорите за членство во ЕУ на Северна Македонија не треба да биде поврзано со рокови, туку со реални резултати, вклучително и во однос на правата на македонските Бугари“, ова го изјави претседателот Румен Радев по состанокот.
„Ние никогаш не сме го негирале и не го негираме правото на граѓаните на РСМ да се определат врз основа на сопствената самосвест и да си ги чуваат јазиците во согласност со уставот. Бугарија ја одржува целосната рамноправност на македонските Бугари со другите народи во РСМ. Политиката на дискриминација на македонските Бугари, 120.000 луѓе, неодамна ескалира“, потсети Радев.
„Правата на македонските Бугари се клучна точка во копенхашките критериуми за членство во ЕУ и за кои не може да се преговара“, додаде тој.
„Потребна е сеопфатна и интензивна акција за да се врати довербата и да се засили соработката. Од особена важност се проектите за обезбедување транспортна и дигитална инфраструктура со акцент на Коридорот 8. Тоа ќе му даде поттик на преговарачкиот процес“, нагласи Радев.
Членовите на Советот ги забележаа и досегашните постигнувања. Постои можност за договор во некои области. Решавањето на политичките прашања ќе го забрза напредокот во сите други области, пренесува бугарскиот медиум.
Во новинарскиот извештај предочени се предлозите што се прифатени од страна на Советот:
– При водењето на внатрешната политика на земјата министерскиот Совет да ја запази националната позиција на Бугарија почитувајќи ги барањата од договорот во 2017 година, рамковниот став од 2019 година и декларацијата на 44. Народно собрание;
– Давањето согласност за почеток на преговорите за пристапување на РСМ во ЕУ не треба да биде врзано со рокови, туку со реални резултати, особено во однос на македонските Бугари;
– Извршната власт да продолжи да работи на известување за спроведувањето на договорот од 2017 година во преговарачкиот процес за членство на РСМ во ЕУ;
– Извршна власт да подготви и обезбеди акциски план со мерки за постигнување опиплив напредок во сите области на билатералните односи;
– Извршната власт да им предложи на партнерите на PCM формирање заеднички работни групи во области во согласност со договорот од 2017 година;
– Извршните власти да преземат мерки за забрзување на изградбата на Коридорот 8 заедно со РСМ и Албанија како единствен проект – автопат, железница, енергетско и дигитално поврзување;
– Националното собрание треба да му предложи на законодавното тело на РСМ воспоставување структуриран дијалог меѓу групите за пријателство и парламентарните комисии, со што би се зајакнела довербата и би се поддржал севкупниот процес.
„Бгнес“ потсетува дека Советодавниот совет за национална безбедност свикан од претседателот Румен Радев за прашањето за евроинтеграциите на РС Македонија траеше повеќе од пет и пол часа.
Претседателот смета дека треба да се забрза процесот на европска интеграција на РСМ, но само со почитување на националниот интерес.
Премиерот Кирил Петков сака да ја поттикне соработката меѓу двете земји, особено на полето на економијата. Бугарскиот премиер на 18 јануари ќе замине во Скопје на средба со идниот северномакедонски лидер Димитар Ковачевски, потсетува медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.
Македонија
Кривични пријави против двајца угостители од Берово и од Пехчево за бесправно градење

Полицијата поднесе кривични пријави против правно лице – угостителски објект од Пехчево и против С. П. (43) од Пехчево и против правно лице – угостителски објект од Берово и В. К. (32) од Берово поради постоење основи на сомнение за сторени кривични дела бесправно градење.
Пријавениот С.П., сопственик и управител на правното лице од Пехчево, на катастарска парцела во Пехчево во државна соспственост, без одобрение за градење издадено од надлежен орган, изградил тврд објект во кој што е сместен угостителскиот објект и вршел угостителска дејност.
Пријавениот В.К., сопственик и управител на правното лице од Берово, на катастарска парцела, сопственост на Т.К. и М.К., на земјоделско земјиште, надвор од урбанистички план за град Берово, бесправно изградил тврд објект во кој што е сместен угостителскиот објект во кој вршел угостителска дејност.
Македонија
Проектите што се реализираат не се на ВМРО-ДПМНЕ или на СДС, туку на македонските граѓани, реагира ВМРО-ДПМНЕ

СДС мора да почне да се однесува како сериозна партија, а не како мало дете на кое му ја земале играчката, велат од ВМРО-ДПМНЕ, на обвинувањата од СДСМ дека проектот за изградба на патот Охрид – Св. Наум е нивен.
„СДС мора да прифати дека проектите кои се реализираат, не се во нивна или наша сопственост, туку за граѓаните и за државата.
Исто така, многу е важно да се напомене дека проектите кои се почнуваат мораат и да се завршат. Е сега, разликата меѓу ВМРО-ДПМНЕ и СДС е во тоа што ние кога работиме и остваруваме, се е во временски рок, јавно и транспарентно, а додека пак СДС, ако отпочне некаков проект, тој проект потоа е корумпиран, со тендери договорени во 4 очи, поскапи цени двојно од набавните, класифицирани договори или пак, проекти кои остануваат така да блеат во празно, и никој за ништо да не одговара.
Проекти кои СДС ги има до крај завршено се, проектот за златната виза на Филипче, пари од ископ на јаглен на фирми на Филипче и Заев, проектите за уништување на Македонија, како што беа името, знамето, идентитетот и Уставот, потпишувањето на Преспанскиот и договорот со Бугарија, проектот Француски предлог и многу други проекти слични на овие.
За разлика од нив, ВМРО-ДПМНЕ вистински работи на реализација на проектите, без разлика која Влада ги започнала и ги решава на брз и ефективен начин во интерес на граѓаните“, велат од ВМРО-ДПМНЕ.