Спорт
Судијата што предвреме го прекинуваше мечот имал топлотен удар?
Замбискиот фудбалски судија Џани Сиказве, кој вчера приреди нешто неверојатно на Африканскиот куп на нациите кога двапати предвреме означи крај на мечот помеѓу Тунис и Мали, завршил во болница поради топлотен удар и дехидрирање за време на мечот, објавија локалните медиуми.
Тунис побара мечот, во кој загубија со 0:1 од Мали, да биде преигран откако Сиказве првин означи крај на мечот во 85. минута, а потоа, по продолжувањето, мечот го прекрати 17 секунди пред крајот на 90-тата минута.
Според Египќанецот Есам Абдел-Фатах, одговорниот за судии на АФЦОН, Сиказве имал топлотен удар и бил сериозно дехидриран по што завршил во болницата во Лимбе, Камерун. Температурата во текот на мечот беше 34 степени, со огромна влажност на воздухот.
„Судијата страдаше од топлотен удар и многу сериозна дехидрација по што го загубил фокусот и заврши во болница. Затоа се случија предвремените означувања на крајот. Кога се случи кризата, тој ја загуби контролата и требаше четвртиот судија да го преземе мечот, но една од двете репрезентации го одби тоа“, вели Абдел-Фатах.
Луд скандал на Африканскиот куп – судијата прогласи крај во 85. минута, па во 89. минута!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мбапе и официјално е играч на Реал
Килијан Мбапе и официјално е играч на Реал Мадрид. Она што се најавуваше со денови, а беше сигурно со месеци, сега е и официјално потврдено. Клубот од Мадрид на својата официјална веб-страница потврди дека француската суперѕвезда пристигна како слободен играч откако му истече договорот со ПСЖ.
Мбапе (25) дојде во ПСЖ во 2018 година за 180 милиони евра од Монако. Иако играше со Меси и Нејмар и постигна 256 и забележа 108 асистенции за ПСЖ на 308 натпревари, тој не успеа да ја освои Лигата на шампионите. Тоа не му успеа ниту годинава, ПСЖ беше елиминиран во полуфиналето од Борусија Дортмунд.
Долго време не го криеше незадоволството и беше извесно дека ќе си замине. Претседателот на клубот го задржа пред две години со еден од најголемите договори во историјата на фудбалот.
Месечно заработуваше околу 6 милиони евра бруто (2,7 милиони нето), доби бонус од 180 милиони евра само за потпишување на договорот и дополнителни 70 милиони на крајот од секоја година од договорот, кој требаше да трае до три години. Но, кога го потпишуваше договорот му била понудена опција да замине бесплатно по две сезони и тој реши да ја искористи таа опција.
Спорт
Тектонски промени во Мото ГП – Маркез во Дукати, Мартин во Априлија
Две трансфер „бомби“ експлодираа доцна поладнево во Мото ГП шампионатот. Марк Маркез од наредната сезона ќе вози во фабричкиот тим на Дукати, а Хорхе Мартин реши да ја напушти прграмата на овој тим и да се пресели во Априлија.
Пред трката за Големата награда на Италија во Муџело, сите релевантни светски медиуми ја пренесоа информацијата дека возачот на Прамак Дукати, актуелниот вице првак Хорхе Мартин од наредната сезна ќе вози за Дукати заедно со светскиот првак Пеко Бањаја.
Меѓутоа ден по трката се случи пресврт. Марк Маркез ја одбил понудата на шефовите на Дукати од Гресини да се пресели во Прамак.
Наводно Маркез рекол: „Или фабричкиот тим или ништо“.
Од друга страна Мартин лут што Дукати не си го исполни ветувањето реши да ја напушти програмата на Дукати.
Тој од наредната сезона ќе стане дел од Априлија. Шпанецот ќе го заземе местото на сонародникот Алеиш Еспаргаро кој ќе ја заврши кариерата.
Значи наредната сезона во фабричкиот Дукати ќе возат Пеко Бањаја и Марк Маркез и медиумите веќе најавуваат епски дуели меѓу нив двајца. Веќе се прават споредби дека тоа ривалство може да биде како она меѓу починатиот Аиртон Сена и Алан Прост во Формула 1, кога двајцата возеа за Мекларен.
Колега на мартин во Априлија ќе му биде сонародникот Маверик Вињалес.
Спорт
Де Минор го декласира Медведев на Ролан Гарос
Австралиецот Алекс Де Минор го победи Данил медведев во осминафиналето на Ролан Гарос. Австралија по 20 години има четвртфиналист во машка конкуренција.
Два часа и 46 минути траеше мечот меѓу 11. и 5. играч во светот и заврши по четири сета со триумф на Де Минор, 3:1 (4:6, 6:2, 6:1, 6:3).
Присуствувавме на едно од најголемите изненадувања оваа година во Париз, иако почетокот не навестуваше такво сценарио
Медведев направи брејк веќе во третиот гем и лесно ја чуваше предноста до крајот на сетот за водство од 1:0.
Рускиот тенисер направи брејк и на почетокот на вториот сет, потоа побара медицински тај-аут и од тој момент неговата игра се распадна.
Де Минор значително го рена нивото на сојата игра, до крајот на сетот освои пет гема по ред, а во исто темпо продолжи и во третиот сет во кој му препушти само еден гем на Медведев.
Во четвртиот сет Де Минор направи брејк, Медведев возврати, но потоа со уште два брејка Австралиецот го реши мечот.
Во четвртфиналето Де Минор ќе игра против Александар Зверев или Холгер Руне.