Македонија
(Видео)Талески: На ВМРО-ДПМНЕ му пречи неселективната и ефикасна борба што МВР ја води против криминалот
Сите анкети, сите анализи на меѓународни фактори за МВР покажале дека Министерството за внатрешни работи води неселективна борба против корупцијата и криминалот, тоа така беше, така и ќе биде, ќе расчистиме со сите криминалци, без разлика дали се од редовите на ВМРО-ДПМНЕ или од други редови, порача од собраниската говорница, пратеникот на СДСМ Миле Талески.
Тој при реплика на генералниот секретар на ВМРО-ДПМНЕ Ѓорѓија Сајкоски, додаде дека ВМРО-ДПМНЕ од меѓународни фактори беше прокламирана како злосторничко здружение, а неговата претходничка и поранешна министерка за внатрешни работи Гордана Јанкуловска е во затвор.
„Кога зборувате за криминал и за корупција, погледнете кои се ваши колеги пратеници, половина претходна влада ви е под обвинение, опфатени се со најразлични постапки „Титаник„, „Талир“, „Моќник“, „Империја“ и за вашиот духовен отец бегалецот Никола Груевски за плацовите што ги купувал на Водно“, рече Талески, додавајќи дека токму затоа на ВМРО-ДПМНЕ му пречи Оливер Спасовски и МВР кое покажа и докажа дека нема да води сметка кој на која позиција се наоѓа и дека за секој ќе се води постапка доколку ги прекршил законите.
Талевски истакна дека во 2020 година биле откриени 77 кривични дела во врска со корупција, а 114 во 2021, со вкупна сума на средства од 97,3 милиони денари, што во време на ВМРО-ДПМНЕ било мисловна именка а биле пресечени 16 меѓународни транспорти на дрога, само во 2021 година кога се уапсени 297 криминалци барани со потерница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.