Свет
Шведска ги менува препораките – лицата со слаби симптоми на настинка не мора ни да се тестираат
Под силен притисок од ширењето на омикрон и зголемениот број на заразени и здрави, но изолирани, кои почнаа да ги загрозуваат виталните општествени функции, како што се предучилишниот и здравствениот систем, Шведска денеска во голема мера ги промени своите препораки за тестирање и изолирање на граѓаните во случај на коронавирус во домаќинствата.
Така, периодот на изолација на лицата кои живеат во заедничко домаќинство со заразените е намален од седум на пет дена, а за некои популациони групи целосно е укинат.
„ Сведоци сме на силно влијание на Ковид-19 врз целото општество, делумно поради самата болест, но и поради отсуството на многу граѓани од нивните работни места. Оценуваме дека голем дел од населението ќе биде заразено во следните недели. Поради оптоварувањето на системот, резултатите доцнат и тоа ја намалува нивната важност. Затоа сега ги прилагодуваме препораките за тестирање и изолација“, изјави Сара Бифорс од шведскиот институт за јавно здравје.
Луѓето кои примиле три дози од вакцината, кои се заразиле со Ковид-19 во последните три месеци и кои работат во општествено витални активности, повеќе не треба да бидат изолирани или ставени во карантин доколку некој од членовите на нивното семејство се зарази. Исто така, луѓето со Ковид-19 можат да се вратат на работа или на училиште по само пет дена, под услов да немаат треска во последните два дена и да се чувствуваат добро. Ова важи и за оние кои не успеваат да се тестираат.
Се менуваат и приоритетите во ПЦР-тестирањето. Покрај пациентите од медицински причини и лицата кои згрижуваат стари и болни лица во соодветни институции, приоритет при тестирањето ќе имаат и лицата со симптоми на чие работно место е потребно лично присуство, како и основците и средношколците. Луѓето со симптоми на Ковид-19 кои биле тестирани дома не треба да се подложат на ПЦР-тестови.
Шведска спроведе речиси 500.000 ПЦР-тестови минатата недела, од кои 32 отсто беа позитивни, што укажува дека многу повеќе од 39.928 биле заразени. Поради тоа, неколку шведски лекари во последните денови ја испратија следната порака до јавноста – доколку имате симптоми на настинка, сметајте дека сте заразени со сојот омикрон.
„Оние со благи симптоми на настинка не треба ни да се тестираат. Тоа е мојата порака до сите, под услов да не работат во системот на здравствена или социјална заштита и на тој начин ризикуваат да заразат послаби и поранливи луѓе. Особено нема потреба да се се тестира повеќе пати неделно ако нема медицински индикации“, изјави Томас Бергстром, професор по клиничка микробиологија на Универзитетот во Салгрен во Гетеборг, додавајќи: Целосно е бесмислено да се тестираме и да ги добиеме наодите за само една недела. Се соочуваме со огромен бран на инфекции и јасно е дека сите заразени го имаат сојот омикрон.
Сепак, и покрај десетици илјади заразени, веќе нема сомнеж дека сојот омикрон не предизвикува посериозни симптоми кај огромното мнозинство пациенти, особено кај оние кои се вакцинирани. Шведските медиуми јавуваат дека само 57 отсто од пациентите кои биле позитивни на тестот и биле хоспитализирани во јануари имаат Ковид-19 како примарна дијагноза. Сите останати во болница завршиле од други причини, а дури по хоспитализацијата е откриено дека се заразени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски: Русија се подготвува за нова офанзива, а не за крај на војната
Украинскиот претседател Володимир Зеленски предупреди дека руската војска не се подготвува да ја заврши војната, туку презема чекори што, како што вели тој, укажуваат на подготовки за нови офанзивни операции.
Во објава на социјалните мрежи, тој им се заблагодари на лидерите на ЕУ за нивната поддршка за независноста и територијалниот интегритет на Украина и нагласи дека единството на ставовите не смее да биде загрозено, повикувајќи ги партнерите дополнително да го зголемат притисокот врз Русија.
I am grateful to the leaders of Europe for their clear support of our independence, territorial integrity, and precisely such an active approach to diplomacy that can help end this war with a dignified peace.
Indeed, we all support President Trump’s determination, and together…
— Volodymyr Zelenskyy / Володимир Зеленський (@ZelenskyyUa) August 12, 2025
„Заедно разговараме за прашања што се однесуваат на безбедноста на Украина и Европа. Секоја одлука мора да придонесе за нашите заеднички безбедносни капацитети. И ако Русија одбие да го запре убивањето, таа мора да ја сноси одговорноста за тоа“, рече Зеленски.
Тој, исто така, го поддржа планот на американскиот претседател Доналд Трамп за одржување самит со рускиот претседател Владимир Путин. „Навистина, сите ја поддржуваме решителноста на претседателот Трамп и заедно мора да формираме ставови што нема да дозволат Русија повторно да го измами светот“, рече Зеленски.
Тој додаде дека сè додека војната и окупацијата продолжуваат, сите мора да продолжат со притисокот – преку воена сила, санкции и дипломатија. „Им благодарам на сите што помагаат. Мир преку сила“, заклучи украинскиот претседател.
фото: принтскрин
Регион
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува, утрово пожарите повторно се разгореа, а над Петровац беа снимени вознемирувачки сцени, кои сведочат за обемот на катастрофата. На социјалните мрежи се појави видео од познатата плажа во Петровац, која е обвиткана во густ чад.
View this post on Instagram
Од 11 август 2025 година Црна Гора се соочува со разорни шумски пожари на неколку локации. Најкритична ситуација е забележана помеѓу Буљарица и Чањ, каде што пожарот, предизвикан од запален автомобил на автопатот во местото Куфин, зафаќа густа вегетација и се шири со голема брзина под влијание на силни северни ветрови.
View this post on Instagram
Во Чањ избувна огромен пожар, а густ чад се ширеше и кон плажите. На утринските снимки може да се видат луѓе како седат под лежалки и чадори или дури и пливаат, а во задина се издига густ облак од чад.
Пожарот се проширил во Бар, а камерите покажаа драматични сцени од гаснење на пожарот од воздух над Буљарица.
фото: принтскрин
Свет
Орбан сам против ЕУ: Не ја потпишувам изјавата за поддршка за Украина
Унгарија е единствената членка на Европската Унија што не ја потпишала заедничката изјава за поддршка на Украина. Документот беше поддржан од преостанатите 26 членки на ЕУ, а во него се наведува дека Украина мора да учествува во одлучувањето за сопствената иднина.
Долго време Унгарија има затегнати односи и со Украина и со мнозинството членки на ЕУ и се смета за најблизок сојузник на Владимир Путин во Европа. Премиерот Виктор Орбан претходно предупреди дека приемот на Украина во ЕУ „веднаш ќе ја вовлече Унијата во директен конфликт“.
Утрово, тој ги наведе причините за тоа зошто не ја потпиша изјавата: „Оваа изјава се обидува да постави услови за состанок, на кој лидерите на ЕУ, дури и не се поканети“.
„Доволно е лошо што ЕУ е тргната настрана. Единственото нешто што би било полошо е ако почнеме да даваме инструкции од клупата“, напиша Орбан.
Тој додаде дека, според него, „единствениот разумен потег на лидерите на ЕУ е да иницираат самит ЕУ – Русија, моделиран според состанокот САД – Русија“.
Ова не е првпат Орбан да се спротивстави на заедничката позиција на ЕУ за Украина. Унгарија претходно го оспори воведувањето европски санкции против Русија пред на крајот да попушти и одби да потпише некои претходни декларации за поддршка на Украина.
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
Обид за убиство во Виница: маж избоден четирипати пред угостителски објект
Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...
(Видео) Рекорден топлотен бран во Европа – во Италија почина четиригодишно дете
Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...
Штедачите на Еуростандард банка: Пет години нема ниедно обвинение, ниеден обвинет, ниедно рочиште
Пет години по затворањето на „Еуростандард банка“, оштетените штедачи повторно јавно реагираат дека истрагата на Основното јавно обвинителство за гонење...
Трамп: Ќе се обидам да вратам дел од територијата на Украина, за танго се потребни двајца
Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да...
(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито
Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното...
Сончево и многу топло, максималната температура до 40 степени
Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе...
Се’ уште гори кај Јасен, активни пожари на четири локации низ Македонија
Денес до 18 часот се регистрирани вкупно 10 пожари на отворен простор. Од нив, четири се активни и моментално се...
Најмногу туристи ни дојдоа од Турција во јуни
Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1...
Стоматолошката комора тврди – нема неправилности, Министерството за здравство ја брани одлуката за преземање на лиценцирањето
Претседателот на Стоматолошката комора, Маријан Денковски, на прес-конференција изјави дека повеќекратните контролни надзори не откриле неправилности во работењето на Комората....
Почувствуван земјотрес во Битола и околината
Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...
Се намалуваат цените на дизелот и на бензините
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Мицкоски за изјавите дека УЧК имала праведна борба: Не може убиства од заседа да се праведна борба, нека не се игра на картите на ДУИ за поделби
Претседателот на Владата, Христијан Мицкоски во текот на денешната посета на општина Петровец, на новинарско прашање беше запрашан за коментар...
(Видео) „Началникот од Демир Хисар, кој недолично се однесувал кон друго лице, веќе е разрешен, нема штитење поединци“, вели Манасиевски
„Моралот и принципите се спроведуваат на дело. Нема веќе штитење на поединци затоа што биле блиски до една, друга или...
(Фото) Пожарот во атарот на селото Долно Дупени ставен под целосна контрола
Пожарот во атарот на село Долно Дупени, во близина на Преспанско езеро, со дејство на екипи на ТППЕ Ресен и...
(Видео) Обвинителство да поведе кривична постапка за началникот на Тошковски и да ја прошири истрагата, бара СДСМ
„Пред Основното јавно обвинителство, СДСМ бара отворање на кривична постапка против началникот на ОВР Демир Хисар, Роберт Мартиноски и проширување...
Невидена партизација во тек, единствениот пат до вработување е или преку партија или преку граница, велат од СДСМ
„Во државата на ДПМНЕ, нема институција која не е подложена на груба партизација пред изборите. МНАВ, Министерството за одбрана и...
