Спорт
Шпанскиот синдикат играчи застана зад Дембеле, тој вели дека нема да подлегне на „уцени“
Синдикатот на фудбалери во Шпанија (АФЕ) ја предупреди Барселона за однесувањето кон нивниот фудбалер Усман Дембеле откако тој одбива да потпише нов договор, а му беше порачано дека веќе нема да заигра за клубот.
Договорот на Французинот завршува на крајот на сезоната и тој ќе може да замине бесплатно на крајот на сезоната и денеска фудбалскиот директор на каталонскиот клуб, Матеу Алемани му прати порака дека треба да замине „што е можно побргу“. 24-годишниот Дембеле не е во тимот кој ќе игра со Атлетик Билбао во меч од Копа дел реј вечерва и синдикатот реши да реагира.
„Иако е вистина дека било кој професионален фудбалер нема автоматско право да биде избран во првиот тим за сите натпревари, тој има право кон него да се однесуваат идентично како кон другите соиграчи. Ако ова е притисок да потпише нов договор, заедно со јавните изјави од таков тип, тоа е нелегално однесување од страна на клубот. Одбивањето да се обнови соработката не претставува прекршување на договорот“, се вели во објавата на АФЕ.
Самиот Дембеле, пак, се јави преку Инстаграм.
„Забранувам на сите да зборуваат во мое име, освен на мојот агент, во кој имам целосна доверба. Уште сум под договор и целосно сум достапен на клубот и на тренерот. Не сум човек кој мами и уште помалку човек кој се предава на уцени. Секако, љубовта е еден вид на уцена. Има преговори, мојот агент е одговорен, тоа е негово поле. Мое поле е фудбалот, играњето, споделувањето на среќни моменти со соиграчите и со навивачите. Да се фокусираме на основните работи“, се вели во објавата.
Крај на сагата – Дембеле веднаш треба да го напушти „Ноу Камп“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вардар преку баражот избори опстанок во Првата лига
Фото/ facebook.com/FKVardarSkopje
Фудбалерите на Вардар и наредната сезона ќе се натпреваруваат во Првата македонска фудбаска лига. Попладнево на стадионот „Младост“ во Струмица, славеа во баражот за опстанок против Детониот со 2:0 (2:0).
Вардар на теренот во Струмица, пред голем број свои навивачи покажа дека е поквалитетен тим од Детонит.
Во првото полувреме ги реши сите дилеми околу победникот.
Еден блиц криг во периодот од 42. до 45.минута им беше доволен на црвено-црните да ја обезбедат победата кога мрежата на Детонит ја погодија Ѓуриќ и Шушњара.
Спорт
(Видео) Саутемптон се врати во Премиер лигата
Саутемптон експресно се врати во Премиер лигата. Во финалето на плеј-офот на „Вембли“, пред повеќе од 85.000 гледачи, Саутемптон го победи Лидс јунајтед со 1:0 (1:0).
Натпреварот „вреден“ 178.000.000 фунти, беше извореден и на трибините и на теренот.
Саутемптон натпревар го доби со голот на Адам Амстронг во 24.минута. За напаѓачот на „светците“ ова беша 24. гол оваа сезона.
Тимот предводен од клупата на Шкотланѓанецот Расел Мартин реши иницијативата и поседот да му ги препушти на Лидс и шансите да ги бара преку контранападите. А „Светците“ се бранеа доста добро и организирано.
Предноста можеа да ја зголемат во 68. минута, но Ендози од 15 метри шутираше над голот на Лидс.
Лидс имаше фантастична можност за израмнување во 84. минута, кога Даниел Џејмс шутираше силно од повеќе од 20 метри, Саутемптон тогаш имаше голема среќа, топката од гредата се одби во поле.
Да потсетиме, минатата сезона од Премиер лигата испаднаа Лидс и Саутемптон, заедно со Лестер. „Лисиците“ се вратија во елитата како првопласирана екипа на Чемпионшип, покрај нив директен пласман избори Ипсвич, а Саутемптон преку плеј-офот. Од Премиер лигата испаднаа Лутон, Барнли и Шефилд јунајтед.
Спорт
Леклер прв пат во кариерата победи во Монако
Возачот на Ферари, Шарл Леклер е победник на трката во неговиот роден град, Големата награда на Монако. Второто место го освои возачот на Мекларен, Оскар Пјастри, а најниското скалило на подиумот му припадна на уште еден член на Ферари, Карлос Саинц.
Леклерк до ова неделно поладне никогаш не победил во својот град. Денес ја забележа петтата победа во кариерата, прва по пауза од речиси две години.
Трката беше многу специфична, бидејќи на почетокот имаше страшен инцидент (сосема невообичаен за Монте Карло), во кој Серхио Перез остана неповреден. Покрај него трката ја завршија возачите на Хас, Кевин Магнусен и Нико Хулкенберг, а поради дург инцидент на стартот од трката се повлече и Естебан Окон од Алпин.
Веднаш беше истакнато црвено знаме, трката беше прекината. Од оваа одлука најмногу профитираше Карлос Саинц, кој на стартот погреши, излета од патеката, ја дупна гумата, но некако успеа како 16. да дојде до боксот.
Дирекцијата на трката реши на рестарот сите да бидат на пизициите од квалифкациите.
На крајот како што стартуваа така и завршија, бидејќи црвеното знаме сите го искористија за да ја извршат задолжителната промана на пневматиците.
Бодови во Монако освоија Ландо Норис (Мекларен), Џорџ Расел (Мерцедес), Макс Ферстапен (Ред Бул), Луис Хамилтон (Мерцедес), Јуки Цнода (РБ). Алекс Албон (Вилијамс) и Пјер Гасли (Алпин).