Спорт
Килде победник на легендарниот спуст во Кицбил
Норвешкиот ас Александер Омод Килде забележа нова брзинска победа во Светскиот куп, со доминантен триумф на спустот на легендарната патека Штрајф во Кицбил, Австрија.
Ова беше шеста победа во 12 брзински трки оваа сезона и трета во спуст и сега е лидер и во супер-џи и во спуст. Тој го совлада Французинот Жоан Кларе за 0.42 секунди, додека изненадувачки на подиумот беше неговиот сонародник Блез Гезенданер со 0.63 секунди послабо време, иако стартуваше како 43-ти.
„Не знаев дека можам да бидам толку брз во Кицбил. Поубаво е да се има публика на вакви трки, но Кицбил е Кицбил и горд сум на успехот“, изјави Килде, кој претходно имаше само едно шесто место на легендарната австриска патека.
Поради коронавирусот, на трибините имаше само 1.000 гледачи, иако вообичаено оваа трка се вози пред 40-тина илјади фанови.
Швајцарецот Марко Одермат беше петти за да остане лидер во генерален пласман со 335 поени предност пред Килде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити му нуди нов договор на Де Брујне
Челниците Манчестер сити планира да му понуди продолжување на договорот на белгискиот фудбалски репрезентативец Кевин де Брујне до јуни 2026 година, пренесуваат британските медиуми.
Де Брујне (32) има договор со Манчестер сити до 30 јуни 2025 година.
Некои британски медиуми неодамна објавија дека челниците на „Граѓаните“ би можеле да го продат белгискиот фудбалер на крајот на сезоната, а интерес за Брујне покажаа клубови од МЛС лигата и Саудиска Арабија.
Сепак, британски „Мирор“, пренесува дека Де Брујне не е подготвен да го напушти Манчестер сити, смета дека на 32-годишна возрат се уште е подготвен да игра на највисоко ниво.
Де Брујне пристигна во Манчестер во 2015 година од Волфсбург за 75 милиони евра.
Белгискиот репрезентативец сезонава имаше проблеми со повредите, поради што за Манчестер сити одигра само 26 натпревари во сите натпреварувања и постигна шест гола.
Спорт
Вардар преку баражот избори опстанок во Првата лига
Фото/ facebook.com/FKVardarSkopje
Фудбалерите на Вардар и наредната сезона ќе се натпреваруваат во Првата македонска фудбаска лига. Попладнево на стадионот „Младост“ во Струмица, славеа во баражот за опстанок против Детониот со 2:0 (2:0).
Вардар на теренот во Струмица, пред голем број свои навивачи покажа дека е поквалитетен тим од Детонит.
Во првото полувреме ги реши сите дилеми околу победникот.
Еден блиц криг во периодот од 42. до 45.минута им беше доволен на црвено-црните да ја обезбедат победата кога мрежата на Детонит ја погодија Ѓуриќ и Шушњара.
Спорт
(Видео) Саутемптон се врати во Премиер лигата
Саутемптон експресно се врати во Премиер лигата. Во финалето на плеј-офот на „Вембли“, пред повеќе од 85.000 гледачи, Саутемптон го победи Лидс јунајтед со 1:0 (1:0).
Натпреварот „вреден“ 178.000.000 фунти, беше извореден и на трибините и на теренот.
Саутемптон натпревар го доби со голот на Адам Амстронг во 24.минута. За напаѓачот на „светците“ ова беша 24. гол оваа сезона.
Тимот предводен од клупата на Шкотланѓанецот Расел Мартин реши иницијативата и поседот да му ги препушти на Лидс и шансите да ги бара преку контранападите. А „Светците“ се бранеа доста добро и организирано.
Предноста можеа да ја зголемат во 68. минута, но Ендози од 15 метри шутираше над голот на Лидс.
Лидс имаше фантастична можност за израмнување во 84. минута, кога Даниел Џејмс шутираше силно од повеќе од 20 метри, Саутемптон тогаш имаше голема среќа, топката од гредата се одби во поле.
Да потсетиме, минатата сезона од Премиер лигата испаднаа Лидс и Саутемптон, заедно со Лестер. „Лисиците“ се вратија во елитата како првопласирана екипа на Чемпионшип, покрај нив директен пласман избори Ипсвич, а Саутемптон преку плеј-офот. Од Премиер лигата испаднаа Лутон, Барнли и Шефилд јунајтед.