Спорт
Усик: Поради политиката загубив милиони во спонзорства во Украина
ВБА, ИБФ, ИБО и ВБФ шампионот во тешка категорија, Олександер Усик, тврди дека загубил вредни спонзорски договори во неговата татковина Украина, поради неговите политички ставови и поради тоа што не ја критикувал Русија.
Усик стана светски шампион кога го победи на поени Ентони Џошуа во септември во Лондон, откако претходно беше апсолутен шампион во крузер категорија, а освои и злато за Украина на Олимпијадата во Лондон во 2012 година. И покрај ова, тој не е многу сакана личност во Украина, најмногу поради тоа што е роден во Крим и не ја критикуваше Русија за преземањето на полуостровот во 2014 година.
Усик одговараше дека Крим е „божји“ кога го прашуваа украинските новинари, а иако живее во Киев, неговото семејство уште е таму. Покрај тоа, тој е голем верник на православната црква која уште е поврзана со Московската Патријаршија и беше поставен на неславната листа „непријатели на државата“ од страна на една невладина организација.
„Дали имам договори? Не во Украина. Ситуацијата е таква со целата омраза, поделбите и недоразбирањата, што многу повеќемилионски договори ги загубив. Едноставно беа одбиени. Ќе ми кажат: ‘Си зборувал за политика таму?’. Ќе ги прашам: ‘Каде, покажете ми!?’. Тие ќе речат: ‘Па, тие зборуваат за тебе’. И толку. Би сакале да ме спонзорираат, но им е страв. Но, не жалам за парите, тие најлесно се надополнуваат“, вели 35-годишниот Усик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Келаифи полуде на прашањрто за тренерот: Дали вие го разбирате фудбалот?
ПСЖ не успеа да се пласира во финалето на Лигата на шампионите. Среќата ги напушти „светците“ во натпреварите со Борусија Дортмунд. Во реваншот упатија 31 удар кон голот на Кобел, четири пати ја погодија стативата.
Сезоната, ПСЖ ќе ја заврши само со титулата во домашното првенство, која по доаѓањето на катарските газди се подразбира.
Сепак, со доаѓањето на Луис Енрике, клубот ја смени трансфер политиката. ПСЖ повеќе не ги купува најскапите суперѕвезди, туку се фокусире на собирање супер таленти. Така на реваншот со Борусија имаше тим со просечна старост од 24 години и 157 дена. Тоа е најмладиот тим во полуфиналето на Лигата на шампионите во последните 10 години.
Поради сето горенаведено, претседателот на клубот Насер Ал-Хелаифи полуде на новинарско прашање по испаѓањето од Борусија, каква е иднината на Енрике во клубот.
„Чекај, сериозно ме праша ли тоа? Навистина, дали знаеш нешто за фудбалот и дали воопшто го разбираш? Градиме долгорочен проект со најмладиот тим во Европа. Ни претстои светла иднина. ”
Спорт
Орсато означи крај во Париз и се расплака
Еден од најдобрите судии во светот, Даниеле Орсато, синоќа без грешка го водеше полуфиналниот реванш меѓу ПСЖ и Борусија Дортмунд. Натпреварот заврши со победа на германскиот тим 0:1, а Орсато откако означи крај на натпреварот се расплака.
Орсато (48) повеќе од една деценија суди натпревари од Лигата на шампионите, а во 2020 година го судеше финалето Баерн – ПСЖ. Истата година Институтот за фудбалска историја и статистика го прогласи за најдобар судија во светот. Следната година го водеше полуфиналето на Лигата на шампионите помеѓу Челзи и Реал Мадрид.
Италијанските медиуми открија зошто Орсато плачел.
Натпреварот ПСЖ-Борусија Дортмунд беше негов последен натпревар во европските купови. Тој ќе суди на претстојното евро, а потоа ќе се пензионира.
Спорт
Реал богато ќе ги награди фудбалерите доколку ја освојат ЛШ
Реал и Баерн од 21 часот во Мадрид ќе го одиграат реваншот од полуфиналето на Лигата на шампионите. Првиот натпревар во Минхен заврши 2:2. Вечерва ќе го дознаеме вториот финалист на Вембли откако синоќа место во финалето обезбеди Борусија Дортмунд која со вкупен резултат 2:0 го елиминира ПСЖ.
„Марка“, денеска ја објави сумата што секој играч на Реал Мадрид ќе ја добие од клубот како награда доколку ја освои Лигата на шампионите. Тоа е дури 1,4 милиони евра по фудбалер, што е за 500.000 евра по фудбалер повеќе отколку што за истиот успех беа наградени фудбалерите на Реал во 2022 година.
Со богата сума ќе бидат наградени и членовите на штабот, па се проценува дека Реал во случај на освојувањето на трофејот во Лигата на шампионите ќе плати издвои околу 40 милиони евра за да ги награди фудбалерите и стручниот штаб.