Спорт
Со лев бек од 170 сантиметри како голман и со 10 играчи, Комори немаа шанси против Камерун
Домаќинот Камерун е четвртиот четврт-финалист на Африканскиот куп на нации, откако во невообичаен меч со 2:1 ги совладаа аутсајдерите Комори, кои навистина немаа среќа во својот историски настап на континенталното натпреварување.
Комори поради пандемијата меѓу своите фудбалери останаа без голман пред стартот на мечот – нивниот прв голман Салим Бен Боина се повреди на мечот со Мароко, а Мојад Усеини и Али Ахамада имаа позитивни тестови. Ахмада врати негативен тест пред вечерашниот натпревар, но Конфедерацијата на африкански фудбал (ЦАФ) ги смени правилата и не му дозволи да игра поради протоколите.
Поради ова, Коморите мораа да играат против петкратниот шампион на натпреварувањето без вкупно 12 позитивни фудбалери и со левиот бек Чакер Аладур на позицијата на голман. Аладур инаку е висок само 170 сантиметри.
За ситуацијата да стане полоша за малата островска држава од Индискиот Океан, по само седум минути игра Наџим Абду доби црвен картон, оставајќи ги со 10 играчи. Камерун дојде во водство преку Карл Токо Екамби во 29. минута, пред Винсен Абубакар да го постигне својот четврти гол на турнирот во 70. минута. Сепак, аутсајдерите не се предадоа, и во 81. минута намалија на 2:1 преку Јусуф М’Чангама, иако за сензација немаа сили до крајот.
ОСМИНАФИНАЛЕ, АФЦОН 2022
Камерун – Комори 2:1
ЧЕТВРТ-ФИНАЛЕ, АФЦОН 2022
Буркина Фасо – Тунис
Гамбија – Камерун
Сенегал/Кабо Верде – Мали/Екваторска Гвинеја
Брег на Слонова Коска/Египет – Мароко/Малави
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал победи на „Хил Дикинсон“, Лидс го растури Кристал Палас
Фудбалерите на Арсенал и Лидс забележаа победи во 17-то коло од Премиер лигата, во натпреварите одиграни во саботата навечер.
Арсенал го победи Евертон со 1:0 во Ливерпул и ја забележа својата 17-та победа во последните 21 натпревари во сите натпреварувања.
Првиот и, како што се покажа, единствен гол на натпреварот беше постигнат во 27-та минута, од пенал.
О’Брајан, аматерси реагираше по корнерот на Рајс, играше со двете раце, како да е голман. Судијата досуди пенал откако го гледаше ВАР, а Ѓекереш ја затресе мрежата на домашниот тим.
Тоа беше неговиот прв гол од 1 ноември.
Во вториот дел, ситуација која ќе се анализира, впечаток е дека Евертон беше оштетен за пенал и две стативи на играчите на Арсенал.
„Карамелите“ го заземаат десеттото место на табелата, додека Арсенал се врати на првото место со два бода повеќе од Манчестер Сити.
Во вториот натпревар од вечерта, Лидс неочекувано лесно го победи Кристал Палас со 4:1.
Веќе по првите 45 минути, прашањето за победникот практично беше решено, бидејќи домашниот тим водеше со головите на Доминик Калверт-Луин со 2:0. Напаѓачот стана четвртиот играч на Лидс кој во пет последовни натпревари, во Прмиер лигата постигнал најмалку еден гол.
Во 60-та минута, Ампаду го зголеми резултатот на 3:0, а Девени го постигна почесниот гол за гостите во 92-та минута од пенал.
Натпреварот беше продолжен повеќе од десет минути, а во 11-та минута од судиското продолжение, Стах го постави конечниот резултат од 4:1.
За Лидс, ова е четврти натпревар без пораз, односно втора победа во тој период, а сега е веќе далеку од зоната за испаѓање, додека Палас го претрпе вториот пораз по ред и дополнително се оддалечи од местото што води кон Европа.
Foto/ Depositphotos
Спорт
(Видео) Мбапе го израмни рекордот на Роналдо, Реал со победа ја заврши 2025 година
Фудбалерите на Реал ја победија Севилја со 2:0 во 18-то коло од Ла Лига, а Килијан Мбапе успеа да го израмни рекордот на Кристијано Роналдо во дресот на „Кралскиот клуб“ во една календарска година.
Французинот, во финишот на натпреварот постигна гол од пенал, го постигна 59-от гол во 2025 година.
Хуанлу претходно направи прекршок врз Родриго. Мбапе постигна гол од пенал, а го прослави во стилот на својот идол Кристијано Роналдо.
Екипата на Чаби Алонсо поведе во 38-та минута преку Белингам, потоа ја презеде иницијативата, и откако Маркао мораше да го онапушти теренот, поради втроиот жолт картон, вратата кон победата на Реал му беше широко отворена.
Реал со натпревар повеќе ома бод помалку од Барселона, додека Севилја е девета со 20 поени.
Foto/ Depositphotos
Спорт
(Видео) Јувентус го доби дербито против Рома
Фудбалерите на Јувентус ја победија Рома во Торино со 2:1, во дербито на 16-то коло од италијанската Серија А.
„Старата дама“ го забележа вториот важен триумф во првенството, по оној во Болоња, значително го подигна нивото на игра во два овие натпревари и сега има 29 бода на петтата позиција, само еден помалку од четвртопласираната Рома.
„Волчицата“ сè уште не знае за нерешен резултат сезона, ова е нејзин шести пораз, со 10 триумфи, а она што станува карактеристично за тимот на Џанпјеро Гасперини е тоа што е немоќен во дуелите со најсилните италијански тимови.
Рома имаше целосна контрола врз играта во првото полувреме, но и во таква ситуација му доволи на Јувентус две шанси во финишот на полувреме. Консеисао не успеа во првиот обид во 43-та минута, но една минута подцна тој го совлада Свилар.
Јувентус во вториот дел ја имаше инцијативата, а предноста ја удвои во 70-та минута. Првиот обид на Мекени, Свилар успеа да го одбрани, топката се врати до Американецот кој му асиситираше на Опенда. Белгиецот од пет метри само ја испрати топката во празната мрежа. Ова е прв гол за Опенда во Серија А оваа сезона.
Шест минути подоцна, Рома се врати во мечот, со голот на Балданци. Јилдиз во 80-та минута, можеше да го реши мечот, но топката по негвиот удар заврши во стативата.

