Спорт
Марсијал се пресели на „Рамон Санчез Писхуан“
Ентони Марсијал, до крајот на сезоната, ќе игра како позајмен играч од Манчестер јунајтед во Севилја. Повремениот репрезентативец на Франција, на дресот ќе го носи бројот 22.
Марсијал, во 2015 година, стана најскапиот играч до 20 години, во историјата на фудбалот. Манчестер јунајтед за неговиот трансфер од Монако издвоија фиксни 50.000.000 евра. Монако заработи и две третини од предвидениот бонус од 30.000.000 евра, то значи дека досега Јунајтед за Марсијал платиле 70.000.000 евра.
Марсијал на „Олд Традфорд“ не ги оправда очекувањата. Низ годините се мачеше со повредите и во ниту еден момент не ја „најде“ формата од Монако која им го препорача на „црвените ѓаволи“.
Реши да се пресели во Севилја, со цел да ја оживее кариерата. Клубот од „Рамон Санчез Писхуан“, нема да издвои ниту цент за позајмицата. Клубовите се договориле, Севилја во целост да ја преземе плата на Марсијал. До крајот на сезоната тој треба да инкасира помеѓу 6.000.000 и 8.000.000 евра.
Во договорот на Марсијал не постои откупна клаузула, што значи дека тој по завршувањето на сезоната мора да се врати во Манчестер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа, но нема да брани во Лигата на шампионите
Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.
Реал игра против Кадиз во шпанската лига и тоа треба да биде првиот натпревар на Куртоа за „кралскиот клуб“ оваа сезона.
Анчелоти изјави дека Куртоа нема да брани во Лигата на шампионите.
Андриј Лунин е првиот избор на тренрот во среда, кога Реал во Мадрид ќе го одигра полуфиналниот реванш против Баерн.
Украинецот беше одличен за Реал во елитното европско натпреварување и Анчелоти не сака да го користи Куртоа кој штотуку се врати по тешката повреда.
На прашањето кој ќе брани доколку Реал влезе во финалето на Лигата на шампионите, Анчелоти одговори: „Не знам“.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.