Свет
Британците во страв – седум клучни земји стојат покрај Путин доколку почне војната во Украина
Како што растат тензиите во источна Украина, си поверојатно е дека рускиот претседател Владимир Путин ќе предизвика војна со НАТО, пишува британскиот таблоид „Дејли експрес“, повикувајќи се на земјите кои ќе бидат на страната на Русија во случај на вооружен конфликт.
Ако Русија одлучи да ја нападне Украина, зад себе ќе има солидна група сојузници, оценува и објаснува британскиот таблоид. Имено, Организацијата на Договорот за колективна безбедност (ОДКБ) се однесува како НАТО, оценуваат британските. Таа е формирана од поранешните советски држави и всушност е безбедносен пакт.
Шесте земји на ОДКБ – Русија, Ерменија, Белорусија, Казахстан, Киргистан и Таџикистан – ќе се бранат меѓусебно во случај на напад, а некои, или сите нејзини сојузници, најверојатно ќе му помогнат на претседателот Путин во случај на војна од големи размери.
„Дејли експрес“ потсетува дека Русија неодамна испрати војници во Казахстан за да ѝ помогнат на владата на Казахстан во задушувањето на масовните народни протести поради корупцијата и поскапувањето на горивото.
Затоа, се чини веројатно дека земји како Казахстан на сличен начин ќе и пружат воена помош на нивниот сојузник Русија, доколку биде побарано.
Тоа секако би се очекувало, но има друга земја. Таа не е ниту во Азија ниту во Европа, а Западот е особено загрижен поради тоа. Владимир Путин и кубанскиот претседател Мигел Дијаз-Канел неодамна разговараа за „стратешко партнерство“ и вети дека ќе ги „зајакне билатералните односи“.
Ова ги зголеми стравувањата дека Куба би можела да застане на страната на Русија во конфликтот, дозволувајќи ѝ на Русија да ги распореди своите нуклеарни проектили за да се „олади“ и да ги смири Соединетите Држави доколку тензиите околу Украина ескалираат.
Рускиот заменик-министер за надворешни работи Сергеј Рјабков изјави за рускиот канал RTVI дека „ниту може да ја потврди, ниту да ја отфрли“ можноста Русија да испрати воена опрема на Куба.
Веќе подолго време Русија ја избегнува можноста за напад и секаков вид инвазија на Украина од највисоките државни инстанци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.