Македонија
Обезбедени пристапни рампи во градските институции за лицата со попреченост

„Исполнето уште едно ветување на градоначалничката Арсовска за 82 дена од градоначалничкиот мандат, пристапност на лицата со попреченост до сите градски институции, но ова е само почетокот на стратегијата за институциите под надлежност на Град Скопје да биде достапен и пристапен за сите граѓани“, велат од оваа институција.
Појаснуваат дека е приспособен пристапот за лицата со попреченост во 9 јавни претпријатија, 7 јавни и културни установи и во 23 средни училишта во град Скопје.
„Во изминатите два месеца овозможено е адаптирање во средните училишта во Скопје, и тоа во:
– СУГС „Кочо Рацин“ (надворешна рампа и обележано паркинг-место);
– СУГС „Михајло Пупин“ (две надворешни рампи, лифтовска платформа, лифт, адаптиран тоалет, обележано паркинг-место и опремена фискултурна сала со сите потребни реквизити);
– СУГС „Јосип Броз Тито“ (надворешна рампа и адаптиран тоалет);
– СУГС „Панче Арсовски“ (надворешна рампа);
– СУГС „Васил Антевски-Дрен“ (надворешна рампа и обележано паркинг-место);
– СУГС „Димитар Влахов“ (надворешна рампа);
– СУГС „Никола Карев“ (надворешна рампа);
– СУГС „Марија Кири Склодовска“ (надворешна рампа и обележано паркинг-место);
– СУГС „Владо Тасевски“ (надворешна рампа, адаптиран тоалет и обележано паркинг-место);
– СУГС „Георги Димитров“ (две надворешни рампи, адаптиран тоалет и обележано паркинг-место);
– СУГС „Д-р Панче Караѓозов“ (надворешна рампа, адаптиран тоалет и обележано паркинг-место);
– СУГС „Браќа Миладиновци“ (надворешна рампа, две внатрешни рампи, адаптиран тоалет и обележано паркинг-место);
– СУГС „Орце Николов“ (надворешна рампа, две внатрешни рампи и обележано паркинг-место);
– СУГС „Цветан Димов“ (две надворешни рампи и обележано паркинг-место);
– СУГС „Зеф Љуш Марку“ (надворешна рампа и обележано паркинг-место);
– СУГС „Шаип Јусуф“ (надворешна рампа, обележан паркинг-простор и четири адаптирани тоалети);
– СУГС „Раде Јовчевски Корчагин“ (надворешна рампа и обележано паркинг-место);
– СУГС „Арсени Јовков“ (надворешна рампа, поставен лифт и лифтовска платформа, обележано паркинг-место);
– СУГС „Осми септември“ (надворешна рампа и обележано паркинг-место);
– СУГС „Сарај“ (надворешна рампа, адаптиран тоалет и обележано паркинг-место);
– СУГС „Боро Петрушевски“ (надворешна рампа, адаптиран тоалет и обележано паркинг-место);
– СУГС „Лазар Танев“ (надворешна и внатрешна пристапна рампа, адаптиран тоалет и обележано паркинг-место);
– СУГС „Здравко Цветковски“ (адаптиран тоалет за лица со попреченост, опремена фискултурна сала со сите потребни реквизити и справи за лица со попреченост).
Пристапни рампи/лифт за лицата со попреченост овозможени се во јавните културни установи во град Скопје, и тоа:
– Културно-информативен центар – Скопје;
– Дом на културата „Кочо Рацин“ – Скопје;
– Младински културен центар – Скопје;
– Музеј на Град Скопје;
– Зоолошка градина – Скопје;
– Детски културен центар „Карпош“;
– Градска библиотека „Браќа Миладиновци“.
Поставени се пристапни рампи за лицата со попреченост во сите јавни претпријатија во град Скопје, и тоа во:
– ЈП „Паркови и зеленило“ – Скопје
– ЈП „Градски паркинг“ – Скопје
– ЈП „Улици и патишта“ – Скопје
– Јавно сообраќајно претпријатие „Скопје“
– ЈП „Комунална хигиена“ – Скопје
– ЈП „Водовод и канализација“ – Скопје
– Депонија „Дрисла“ – Скопје
– ЈП за благосостојба на животни скитници „Лајка“ – Скопје
– ГЕС СКОПЈЕ ГАС ДООЕЛ – Скопје“, е наведено во писмениот допис од Град Скопје.
Од таму додаваат дека ќе продолжат да ги исполнуваат барањата на граѓаните и организациите, со цел целосна пристапност и отвореност на сите градски институции за сите скопјани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ

„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува да се луксузира со народните пари. Не било доволно папаја, манго, аспарагус и други егзотични и прескапи овошја, Министерството за одбрана на Мисајловски склучило договори со пет компании за набавка на кафе, вино, ракија, мастика и други алкохолни пијалоци во вредност од 31.000 евра“, соопшти СДСМ.
„Во реалноста, народот не може да си дозволи ниту основни работи. Последните податоци покажуваат дека синдикалната потрошувачка кошничка достигна 65.507 денари, на граѓаните им се потребни речиси 3 минималнни плати за да ги покријат само основните трошоци. Многу производи се недостижни за голем број семејства во државата.
ВМРО-ДПМНЕ ја држи Македонија со најниската минимална плата во целиот регионот и упорно одбива да ги покачи платите и да ги намали цените кои се превисоки. Просечната плата е само една третина од европскиот просек, додека цените на основните производи достигнуваат до 60% од просекот во Европа.
Ваквата расипничка политика на власта е доказ дека Мицкоски и неговите министри се грижат единствено за сопствената удобност, а не за народот кој секој ден тоне во сиромаштија и едвај врзува крај со крај“, се наведува во соопштението на СДСМ.
Македонија
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ

„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема. Народот денес е побогат од времето на СДС. Единствена разлика е што нема милиони за него и Заев од државниот буџет“, реагира ВМРО-ДПМНЕ на изјавите на Венко Филипче.
„Бројките се секогаш тврдоглави, а тие го говорат следното:
Растот на просечната нето-плата во период од последната година кога ВМРО-ДПМНЕ е на власт е 10.3%, за разлика од периодот кога СДС беше на власт, кога просечната плата порасна за 8.3%.
Уште поголем удар за СДС е фактот што реалниот пораст на просечната плата во период на ВМРО-ДПМНЕ е двојно поголем од периодот на СДС. Имено порастот на реалната плата во време на ВМРО-ДПМНЕ е 6.7%, за разлика од 3.5% во време на СДС. Тоа значи дека стандардот на граѓаните сега, е поголем од времето кога СДС беше власт.
Кога сме кај инфлацијата, и таму бројките се лоши за СДС. Имено во време на СДС инфлацијата во просек изнесувала 4.8%, за разлика од сега кога во просек е 3.6%.
СДС и Филипче може да лажат колку сакаат, но едно не можат да сменат, а тоа е реалноста“, се додава во реакцијата на ВМРО-ДПМНЕ.
Македонија
Муцунски – Кос: реформите поврзани со евроинтеграциите остануваат високо на домашната политичка агенда

Во рамки на дводневната работна посета на Брисел, министерот за надворешни работи и надворешна трговија, Тимчо Муцунски, денеска оствари средба со еврокомесарката за проширување на Европската Унија, Марта Кос.
Соговорниците ја нагласија силната поддршка за проширувањето на Унијата, и од страна на земјите членки и од страна на граѓаните на Северна Македонија – што го потврдуваат и наодите од последниот „Евробарометар“.
На средбата беше поздравен реформскиот пристап на Владата, особено исполнувањето на обврските од реформскиот процес и имплементацијата на Планот за раст. Муцунски нагласи дека реформите поврзани со евроинтеграциите остануваат високо на домашната политичка агенда, со силен фокус на владеењето на правото и борбата против корупцијата.
Изрази благодарност за личниот ангажман на еврокомесарката Кос во пристапниот процес, особено во контекст на нејзиното учество и поддршка на Самитот за Планот за раст, што неодамна се одржа во Скопје.
Соговорниците разменија мислења и за неодамнешното приклучување на државата кон СЕПА, како и за иницијативата за постепено укинување на роаминг трошоците помеѓу земјите од Западен Балкан и Европската Унија. Одлуката за оваа иницијатива се очекува на почетокот на 2026 година, како дел од бенефитите на постепената интеграција во Унијата.
На средбата се дискутираше и за актуелните регионални и глобални случувања, при што беше потврдена заедничката поддршка за Украина и заложбата за што побрзо постигнување на праведен и одржлив мир.