Спорт
Обамејанг на крајот бесплатно во Барса, Дембеле останува на „Ноу Камп“
Во најдраматичното случување во последниот ден од јануарскиот преоден рок, главна улога имаше Барселона и нивните обиди да донесат засилувања и да се ослободат од „вишокот“ играчи.
На крајот а денот, тие го добија Пјер-Емерик Обамејанг на неверојатен бесплатен трансфер од Арсенал, но не успеаја да го продадат Усман Дембеле, кој ќе остане на „Ноу Камп“ до крајот на договорот ова лето.
32-годишниот Обамејанг денеска пристигна во Барселона, но откако сите веруваа во брз договор, се појавија вести дека Барса воопшто не сака да потпише со него и дека тој е на „семеен одмор“ во градот. Меѓутоа, потоа, претседателот на Барселона, Жоан Лапорта потврди дека се преговара за договор.
Арсенал решија да се ослободат бесплатно од својот поранешен капитен, во обид да се ослободат од неговата плата од 250.000 фунти неделно откако тој немаше играно за клубот од 6 декември по конфликтот со менаџерот Микел Артета поради дисциплински прекршоци. На крајот, се дојде до компромис, кој одговараше на двата клуба – „топчиите“ се ослободија од проблематичниот фудбалер, а Барса не мораа да платат ништо за неговите услуги.
Од друга страна, Дембеле, кој неодамна доби порака од првите луѓе на каталонскиот клуб дека мора да си најде нов клуб ако не потпише нов договор, ги одби сите понуди за трансфер, иако се веруваше до вечерта дека Челси може да успее во обидот да го донесе. На крајот, Французинот ќе може на крајот на сезоната да си замине како слободен играч.
Обамејанг бил во Барселона на „семејно патување“, преговорите пропаднаа?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.