Спорт
Кари го растури Хјустон, Морент ја промаши победата на Мемфис
Голден стејт ја продолжија победничката низа, Филаделфија го доби дербито со Мемфис, а Торонто стави крај на серијата во која беа играчите на Атланта. Индивидуално блеснаа Стеф Кари, Тајрис Мекси и Џа Морент.
Голден стејт Вориорс ја забележаа шестата победа по ред. Пред Вориорс падна Хјустон 122:108. Стеф Кари блесна со 40 поени, пет скока и девет асистенции. Бекот на Вориорс постигна седум тројки, имаше процент на реализиција од 57 отсто.
Вориорс до скор 38-13 се втори во НБА лигата.
Филаделфија и Мемфис играа продолженија, Севентисиксерси славеа со 122:119. Трагичар во регуларниот дел беше Џа Морент, на седум секунди до крајот израмни на 111:111, но не успеа да го реализира дополнителното слободно фрлање.
Филаделфија ја предводеше Австралецот Тајрис Мекси со 33 поени, Андре Драмонд доминираше под обрачите со 16 поени и 23 скока, кај Мемфис трагичарот Морент постигна 37 поени, три повеќе од Дезмонд Бејн.
Резултати: Кливленд-Њу Орлеанс 93:90, Индијана-ЛА Клиперс 122:116, Атланта-Торонто 100:106, Бостон-Мајами 122:92, Њујорк-Сакраменто 116:96, Оклахома-Портланд 98:81.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен изедначи рекорд на Сена – Холанѓанецот на пол-позицијата во Имола
Макс Ферстапен го задржа максималниот учинок во квалификациите оваа сезона. Актуелниот шампион во Имола ја освои седмата пол-позиција оваа сезона.
Ферстапен до пол-позицијата дојде откако Ред Бул се соочуваше со многу проблеми на тренинзите, во квалификации покажа зошто е трикратен светски првак. Холанѓанецот, сметајќи ја и последната трка од минатата сезона е во серија од осум победи во квалификациите, со што го изедначи рекордот на легендарниот Аиртон Сена.
Шампионот, во квалификациите за 74, односно 91 илјадити делови од секундата беше побрз од возачите на Мекларен, Оскар Пјастри и Ландо Норис.
Домашната публика е разочарана од резулатот на Ферари. Шарл Леклер заврши на четвртото, а Карлос Саниц на петтото место. Шпанецот за една илијадитинка беше побрз од Џорџ Разел (Мерцедес).
Следуваат Јуки Цунода (РБ), Луис Хамилтон (Мерцедес), Даниел Рикардо (РБ) и Нико Хулкенберг (Хас).
Во квалифкациите разочараа Фернандо Алонсо кој ќе стартува од 19.место и Серхио Перез кој трката ќе ја започне од 11. место.
Трката за Големата награда на Емилија Ромања, в недела ќе започне во 15 часот.
Спорт
Чави демантира дека ќе добие отказ
Тренерот на Барселона, Чави Ернандез ги демантираше пишувањата на шпанските медиуми дека раководството на клубот размислува да го отпушти.
„Клубот ми кажа дека треба да останам смирен и да продолжам да работам со истата мотивација и посветеност. Ништо не се смени“, изјави Чави на прес-конференцијата во пресрет на утрешниот натпревар со Рајо Ваљекано.
Речиси сите прашања се однесуваа на шпекулациите на шпанските медиуми дека претседателот Џоан Лапорта бил изнервиран од изјавата на Чави, кој рече дека ситуацијата е многу тешка, пред се на економски план, за да може екипата рамноправно да се борат против Реал и други. европски тимови.
По таа изјава медиумите објавија дека Лапорта ја разгледува можноста летово да го отпушти Чави.
„Не знам и не ми е грижа од каде доаѓаат тие информации. Имам поддршка од претседателот и Деко, нашиот спортски директор“, изјави тренерот.
Чави во јануари изјави дека ќе го напушти клубот на крајот на сезоната, но претседателот Лапорта го убедил да остане до крајот на договорот, во јуни 2025 година.
Во 2021 година Лапорта по вторпат се врати на чело на Барселона и наследи долг од повеќе од 1,3 милијарди евра.
Спорт
Три репрезентации му нудат државјанство на Французинот Олисе
Михаел Олисе се надеваше но не доби повик од францускиот селектор Дидие Дешам за ЕУРо 2024.
Овој 22-годишен крилен напаѓач зад себе има одлична сезона во Кристал Палас. Во Премиер лигата постигна 10 гола.
Сепак, Дешам за ЕУРо 2024 се реши за проверени имиња, па шанса пред Олисе добија Коман, Дембеле, Турам и Коло Муани.
Прашање е дали Олисе ќе има трпение да чека на повикот од Дешам.
Интересно во оој момент на него сметаат уште три репрезентации: Англија, Нигерија и Алжир.
Олисе играше за младинските селекции на француската репрезентација, а гореспоменатите репрезентации се подобни бидејќи е роден во Лондон од татко Нигериец и мајка која е Французинка со алжирско потекло.