Црна хроника
Апелација ги укина првостепените пресуди за Бучковски и Тупурковски
Се укинуваат првостепените пресуди за поранешниот министерот за одбрана Владо Бучковски и Васил Тупурковски. Апелациониот суд донесе решение предметите да се укинат и да се вратат на повторно одлучување во првостепениот суд
„И во двата предмета заради суштествени повреди на одредниците на кривичната постапка првостепените пресуди се укинуваат и се враќаат на повторно одлучување во првостепените судови“, изјави Јордан Митриновски, претседател на Апелацискиот суд во Скопје.Васил Тупурковски беше осуден на три години затвор и од него се бара да врати два милиона евра на државата. Пред околу една година Основниот суд го осуди ексминистерот и премиер Владо Бучковски на три и пол години затвор за набавка на прекумерно количество резервни делови за тенкови. И двајцата ги сметаа пресудите за политички мотивирани и без докази.На средината од јуни, Владо Бучковски ја демантираше информацијата дека Апелациониот суд Скопје расправал за неговата жалба по пресудата на Основниот суд Скопје 2, за случајот „тенковски делови“ со која е осуден на затворска казна од 3,5 години.„Пласирањето на информацијата е груба лага и невистина. Со злоупотребата на новинарот, се открива синџиротна рекетарство кој функционира во политички монтираните судски процеси со што се врши притисок врз Апелациониот суд пред одржување на јавна седница наесен. Со ваквата гнасна конструкција се манипулира и декуражира јавноста, која е мојот најсилен сојузник во битката за победа пред Апелациониот суд во Скопје, оваа есен“, изјави Бучковски по информациите дека скопска апелација ги потврдила казните за него и за некогашниот началник на Генералштабот на АРМ, Методи Стамболиски, на 3,5 години, додека поранешниот раководител на Секторот за логистика Нелко Менкиновски, поранешниот советник во МО, Ацо Ѓурчевски, и Митре Петковски, директор во МЗТ ФОП, на по три години затвор. Обвинителството ги товареше дека со набавките на резервни делови за армиските тенкови го оштетиле Буџетот за повеќе од два милиона евра, кои осудените покрај трошоците на постапката треба солидарно да ги надоместат.Тупурковски, пак, во септември покрена постапка за смена и иземање на Јани Нича како судија и Вилма Русковска како обвинител поради судскиот процес против Васил Тупурковски. Нича е судијата кој го осуди Тупурковски на три години затвор за злоупотреба на тајванските кредити како директор на Агенцијата за развој и инвестиции, додека Јован Андонов Реган беше осуден на две години затвор и обврска да ја надокнадат штетата од 2.5 милиони евра.И во жалбената постапка и во јавната кампања што ја презеде Тупурковски низ македонските градови обајснувајќи ја својата невиност, тој ги оспоруваше наводите во обвинението и пресудата за тоа како можел да злоупотреби средства од сметка на Стопанска банка за која не бил овластен да располага како и поради фактот што Агенцијата не била правно лице.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
44-годишна жена од Валандовско смртно прегазена во Струмичко
Вчера во 23.55 часот во СВР Струмица било пријавено дека на регионален пат Струмица – Валандово, пред село Костурино, струмичко, патничко возило „фолксваген пасат“ со струмички регистарски ознаки, управувано од К.М.(46) од село Куклиш, струмичко, удрило во пешакот Р.С.(44) од село Јосифово, валандовско.
По несреќата Р.С. била пренесена во Медицински центар Струмица, каде што од лекар била констатирана смрт.
Увид на местото на несреќата извршила екипа на Полициската станица Струмица.
Црна хроника
Пешак удрен во Битола, со тешки повреди пренесен на клиника
Вчера во 10.43 часот во СВР Битола било пријавено дека на крстосницата од булевар „1 Мај“ и ул.„Столарска“ во Битола, патничко моторно возило „опел корса“ со битолски регистарски ознаки, управувано од Н.Д.(77) од Битола, удрило во пешакот Д.Ј.(53) од Битола.
Во несреќата Д.Ј. се здобила со тешки телесни повреди констатирани во Клиничка болница Битола.
Увид на местото на настанот извршила увидна екипа на СВР Битола.
Топ
Бонови за точење гориво, оштетени банери, поткуп и мито: пријавени нерегуларности за време на предизборниот молк
Министерството за внатрешни работи информира дека за време на предизборниот молк регистрира настани за повреда на слободата на определување на избирачите, делење бонови. Во сите наведени случаи се преземени и соодветни мерки од страна на полициски службеници.
На 7.5.2024, Е. Д. од Крњево, пријавил дека во домот дошле три лица од ДИК со цел дедо му да оствари право на глас од избирачкото место бр. 2828. Е. Д. се сомневал дека лицата се од ДИК бидејќи не биле претходно известени и требало да присуствуваат пет лица. СВР Скопје презема мерки и активности за расчистување на настанот.
На 7.5.2024, во координација со ОЈО Куманово, преземени се активности во врска со настан дека лице од Крива Паланка на повеќе граѓани од Крива Паланка им делело бонови за точење гориво на бензинска пумпа. Извршен е претрес на просториите во бензинската пумпа, каде што во присуство на Ј. Ј. и М. Ѓ. биле пронајдени пет бона за гориво во вредност од 1.000 денари со втиснат датум од 8.5.2024 и еден бон за гориво во вредност од 2.000 денари, шест фискални сметки, а во торбата што ја носел вработениот пронајдени се два бона за гориво во вредност од 1.000 денари и фискална сметка. Во просториите на ПС ОН Крива Паланка повикани се Б. С., С. М., М. Ѓ. и М. Д., сите од Крива Паланка, за извршување службен разговор и се преземаат мерки за расчистување на случајот.
На 7.5.2024, во 18.25 часот, на улицата Маршал Тито во Тетово, А. К. (24) од село Стримница пријавил дека се оштетени два банера со рекламен материјал од политичка партија, кои биле поставени на кружен тек од улицата В. С. Бато со улицата Маршал Тито во Тетово. Се преземаат мерки за расчистување на случајот.
На 7.5.2024, во 22.10 часот, Ц. Т. од Неготино пријaвила кривично дело повреда на слободата на определување на избирачите, извршено од Л. Р. од Неготино. Имено, според пријавеното, околу 20.17 часот, Ц. Т. добила телефонски повик од Л. Р. за поддршка за гласање, на што Ц. Т. одговорила негативно. Потоа Л. Р. ѝ нагласила на Ц. Т. дека имала земено ИПАРД-поддршка по што го прекинала повикот. За настанот известен е надлежен јавен обвинител и ќе се преземат дополнителни проверки.
Во непосредна близина на избирачкото место 1180 во ОУ „Христијан Т. Карпош“ во с. Драгоманце, општина Старо Нагоричане, забележани биле расфрлани летоци од политичка партија. Летоците се отстранети.
Од МВР информираат дека во текот на изборниот молк пријавени се и неколку случаи за наводно агитирање и нудење поткуп, но по преземените мерки од страна на полициските службеници, тие наводи до сега не се потврдени.