Наглиот пораст на цените на енергијата на пазарот ги крена европските влади на нозе обидувајќи се да ги заштитат граѓаните од ценовниот шок и да им помогнат да ги платат вртоглаво високите сметки.

Австриската влада најави финансиска помош за домаќинствата кон крајот на јануари и го суспендира паушалот за зелена струја оваа година проценувајќи ја вредноста на мерките на 1,7 милијарда евра.

Белгиската влада на почетокот на февруари објави дека ќе го намали данокот на додадена вредност на електричната енергија како дел од пакет-мерките за заштита на потрошувачите од поскапувањето на енергијата.

Британскиот енергетски регулатор во четвртокот објави дека поради рекордно високите цени на бензинот во светот, од 1 април ќе ја зголеми регулираната цена на енергијата за најшироката категорија домаќинства за 54 отсто. За да го ублажи шокот, владата истовремено откри пакет-мерки, што вклучува попуст од 200 фунти на сметките за електрична енергија за сите домаќинства, со период на враќање од пет години и попуст од 150 фунти за надданоците за речиси 80 отсто од домаќинствата во Англија.

Бугарската влада ги замрзна регулираните цени на струјата и парното за домаќинствата до крајот на март.

Долниот дом на чешкиот парламент го усвои владиниот нацрт-закон, со кој им олеснува на домаќинствата да стекнат право на социјална помош за домување, што треба да им помогне на најранливите на зголемените цени на енергијата.

Франција вети дека ќе го ограничи растот на регулираните цени на електричната енергија на четири отсто преку владина наредба до 80 отсто државната електроенергетска компанија ЕДФ да продава поевтина електрична енергија произведена во нуклеарните централи на конкуренцијата.

Германската влада соопшти дека оваа година би можела да ја укине таксата за обновлива енергија во сметките за електрична енергија за да го намали притисокот од зголемените трошоци за енергија врз милиони домаќинства.

Грција најави зголемување од два отсто на минималната плата и дополнително намалување на даноците на имот за 13 отсто за да им помогне на домаќинствата што се борат со зголемената инфлација и повисоките трошоци за енергија, изјави премиерот Киријакос Мицотакис.

Италијанската влада од јули потроши повеќе од осум милијарди евра за да го спречи поскапувањето на струјата за домаќинствата. Минатиот месец Рим објави уште еден пакет-мерки во вредност од 1,7 милијарда евра, чија цел е да ги намалат огромните сметки за енергија и да им помогнат на компаниите да се справат со последниот бран инфекција со коронавирусот.

Норвешка ги субвенционира сметките за електрична енергија за домаќинствата во декември покривајќи нешто повеќе од половина од износот над одреден праг. Потоа го зголеми тој удел на 80 проценти помеѓу јануари и март.

Полска најави намалување на даноците за енергија, бензин и основни прехранбени производи и финансиска помош за домаќинствата.

Земјите од ЕУ во голема мера се независни во креирањето на сопствената енергетска политика, а според регулативите на ЕУ, дозволено им е да преземат итни мерки за заштита на потрошувачите од повисоки трошоци.

Во октомври ЕК објави список на мерки на членките на ЕУ што им е дозволено да ги воведат без да ги прекршуваат правилата за конкуренција, вклучително и помагање на посиромашните домаќинства, финансирање реконструкција за заштеда на енергија и ослободување на ранливите домаќинства од повисоки даноци за енергија.