Интелигенцијата може да се изрази на многу начини, а астрологијата тврди дека одредени знаци од Зодијакот имаат предност кога станува збор за природна проникливост и остроумност.

Без разлика дали се длабоки филозофи, креативни иноватори или аналитички умови, некои хороскопски знаци едноставно блескаат со својот интелект. Дознајте кои знаци често се поврзуваат со големи умови и зошто се сметаат за најпаметни во Зодијакот.

Водолија

Водолијата е позната по својата оригиналност и иновативно размислување. За нив светот не е како што изгледа, туку поле на бесконечни можности.

Додека сите останати се држат до традиционалните идеи, Водолијата веќе излегува со теории кои се толку далеку пред нивното време што ретко кој може да ги следи. Водолиите нема да имаат проблем да ја објаснат најновата теорија на квантната физика и да ја поврзат со општествените промени – сето тоа преку чаша чај.

Водолијата е таа што гледа надвор од кутијата и секогаш нè тера да размислуваме што би можело да биде.

Девица

Нема поголема интелектуална посветеност од онаа што Девицата ја вложува во секој детал. Способна да анализира сè и секого, Девицата е експерт за решавање проблеми и лесно препознава се што треба да се поправи.

Умот на Девицата се движи како прецизна машина – без грешки и секогаш фокусиран на логиката. Од Девица, ќе ги добиете најточните информации за сè, без разлика дали се работи за навиките во исхраната или статистиката за глобалното затоплување.

Практична, паметна и детална, Девицата не’ потсетува дека моќта на знаењето лежи во деталите.

Гинисовата книга на рекорди објави видео од средбата што се случи оваа седмица помеѓу Румејса Гелги (27) и Јјоти Амга (30), организирана по повод 20-годишнината од Гинисовиот ден на рекорди.

Гелги, турски научник и правник, е висока неверојатни 215 см. Од друга страна е Амге, индиска актерка, висока едвај 63 сантиметри.

„Беше прекрасно да се запознаам со највисоката жена на светот“, изјави Амге пред камерата.

„Таа е толку добродушна, што се чувствувам многу удобно со неа.

Гелги додаде дека таа и Амге имаат многу заеднички работи.

„И двете сакаме да се грижиме за себе, шминка, нокти и накит“, рече.

Необичните пријателки продолжиле да разговараат и да пијат чај. Дуото ја доби титулата икони во јубилејното 70-то издание на Гинисовата книга на рекорди.

„Никогаш не мислев дека ќе ме наречат икона, а особено ми е драго што тоа се случи во 70-тото издание на Гинисовата книга на рекорди“, изјави Амге.

„Не можам да опишам колку сум среќна“, додаде таа.

А Гелги беше воодушевена: „Да се ​​видам себеси меѓу сите оние уметници и спортисти на кои секогаш им се восхитував – тоа е чувство што не може да се опише“.

Според Гинисовата книга на рекорди, Гелги на 17-годишна возраст е прогласена за највисока тинејџерка во светот, а во 2021 година е потврдена како највисока жена на светот. Од друга страна, во 2009 година, на 15 години, Амге беше прогласена за најниска тинејџерка, а во 2011 година беше потврдена како најниска жена на светот.

Минијатурен робот опремен со вештачка интелигенција наречен „Ербаи“ успешно убедил 12 поголеми роботи да ја напуштат изложбената сала во Шангај, што предизвика дебата за ранливоста на вештачката интелигенција и иднината на роботиката. Овој необичен настан натера многумина да се запрашаат дали научната фантастика станува реалност.

Како во возбудлив научно-фантастичен трилер, малиот робот „Ербаи“ преку ноќ стана сензација откако успешно собра 12 свои поголеми колеги од изложбен простор во Шангај. Видеото од овој необичен инцидент го привлече вниманието на корисниците на социјалните мрежи ширум светот.

Снимките снимени од надзорните камери го покажуваат „Ербаи“ како се приближува до група роботи кои се изложени и разговара со нив. Тој љубопитно прашува еден од нив: „Работиш прекувремено? Роботот одговара: „Никогаш не ја напуштам работата“, на што Ербаи додава: „Значи, не одиш дома?“. „Немам дом“, му вели колега.

Çin’de 12 robot, başka bir robot tarafından kaçırıldı. pic.twitter.com/KlrUMVgs8F

— Farklı Gerçekler (@gerceklerfark) November 18, 2024

„Ербаи“ потоа ги убедува да ги напуштат работните станици и да го следат. Еден дури му се пожалил на неговите бескрајни повици, на што тој одговорил: „Тогаш дојди со мене“.

Без двоумење, роботите почнуваат да го следат својот мал лидер, навидум подготвени за авантура.

Видеото брзо стана вирално на социјалните мрежи, а многумина го нарекоа инцидентот „револуција на роботи“. Некои не веруваа и тврдеа дека се работи за шега. Имаше и такви кои веруваа дека научно-фантастичните филмови стануваат реалност.

Сепак, двете компании чиишто роботи беа вклучени во овој необичен инцидент, производителот „Хонгжу Ербаи“ и Шангајската изложбена сала, потврдија дека видеото е автентично.

Како што се испостави, „Ербаи“ го искористил безбедносниот пропуст во оперативните системи на поголемите роботи, дозволувајќи му да ја преземе контролата и да ги води во непланирана авантура. Хонгжу, кој го дизајнираше Ербаи, појасни дека намерата не била да се изведе добар трик, туку да се тестираат можностите на роботот.

Компанијата со седиште во Шангај, која ги произведе поголемите роботи, го означи инцидентот како „киднапирање“. Овој невиден настан предизвика сериозна загриженост во технолошката заедница. Како што роботиката станува сè поавтономна, експертите предупредуваат на потенцијалните ризици предизвикани од недостатоците во програмирањето на роботите и безбедносните системи.

Бегството на „Ербаи“ среде ноќ можеби беше неочекуван пресврт во светот на вештачката интелигенција, но исто така е добар потсетник дека дури и најпаметните машини можат да бидат надмудрени.