Економија
Хрватска проверува дали сликата од куна на евро-монетата е украдено авторско дело
Паричната комисија при Хрватската народна банка (ХНБ) денеска објави дека проверува дали еден од наградените автори користел неовластени фотографии за неговото решение за хрватската монета од едно евро, откако изгледот на новите евро монети беше претставен во петокот во Загреб, јави ХРТ.
Хрватската влада соопшти дека конкурсот го води Паричната комисија при ХНБ и дека сите натпреварувачи морале да поднесат изјава со која гарантираат дека се сопственици на авторските права.
„Паричната комисија итно почна да го проверува идејното решение на евро-монетата со мотив на куна. По завршувањето на проверката, комисијата ќе ја информира јавноста за својата одлука“, соопшти ХНБ.
Авторот на победничкото решение Стјепан Прањковиќ сè уште не се огласил, но се огласил извесен шкотски фотограф, кој како што пренесува Индекс.хр, рекол дека никој не го контактирал во врска со таа негова фотографија и дека очигледно станува збор за куната од неговата фотографија.
Имено, доколку во „Гугл“ се внесе поимот „pine marten side view“ (златна куна страничен приказ), меѓу првите фотографии што се отвораат е и онаа со куната на дрвото, која е горе-долу идентична со куната на хрватското евро.
It is the same. Hope you got credit or gave a licence. pic.twitter.com/2VVx9jVChO
— Marko (@mlinka) February 4, 2022
На седницата на Националниот совет за воведување на еврото како официјална валута во Хрватска, одржана во петокот, беше претставено како ќе изгледаат евро-монетите.
На монетите од 50, 20 и 10 центи е ликот на Никола Тесла што, пак, предизвика реакции во Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
(Фото) Во министерството за финансии се крои ребалансот на буџетот, работата тече и викендов
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани и непродуктивни трошења за она кое е попотребно и неопходно. Една од тие ставки е зголемувањето на пензиите од 2.500 денари од септември. Пари требаат и за капиталните проекти за општините. Според информациите, планирано е да бидат пренаменети 200 до 300 милиони евра.
„И овој викенд повторно работно во Министерството за финансии. Се работи на ребалансот на Буџетот. Секогаш во интерес на граѓаните на Македонија!“, напиша на Фејсбук министерката за финансии Гордана Димитреска Кочоска.
Економија
(Видео) Трипуновски: Земјоделските задруги се важни за решавање на проблемот со пласманот на производи
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги.
– Мораме да работиме да го развиваме задругарството, во моментов се наоѓаме во еден правен вакуум бидејќи законот за земјоделски задруги е укинат и се формираше еден посебен закон за задруги меѓутоа делот на земјоделските задруги остана недефиниран. – изјави Трипуновски.
На панел дискусијата се споделија неколку идеи за во која насока треба да се движат земјоделските задруги, а министерот Трипуновски ги презентираше мерките и проектите од владината програма за земјоделски задруги.
Преземавме обврска да веќе во наредниве месеци да го измениме законот за земјоделство и рурален развој каде што ќе ги дефинираме земјоделските задруги и нивното здружување. Ние во нашата владина програма имаме ставено фокус на задругарството преку разни мерки и проекти се со цел да овој начин на здружување биде еден од алките на решавање со пласманот на нашите земјоделски производи – заврши Трипуновски.
Економија
Димитриеска-Кочоска – Гир: Континуитет во поддршката од ЕУ, МФ ќе го искористи искуството за спроведување на реформскиот план
Министерката за финансии, Гордана Димитриеска-Кочоска, денеска оствари средба со евроамбасадорот Дејвид Гир, на која соговорниците се осврнаа на реформите што ѝ претстојат на земјата во нејзиниот евроинтегративен процес.
На средбата беа разменети мислења за активностите што ги презема Министерството за финансии како институција, која е координатор во рамките на економско-финансискиот дијалог со ЕУ, како и за реформската агенда на земјата поврзана со новиот план за раст на Западен Балкан, активност што ја реализира Министерството за финансии заедно со Министерството за европски прашања.
„Министерството за финансии ги координира активностите во рамките на Економско-финансискиот дијалог веќе 10 години и во тој процес има континуитет. Тоа искуство ќе се искористи и во рамките на реформскиот процес поврзан со планот за раст на Западен Балкан“, рече министерката.
Таа изрази уверување дека реформите што се поврзани со Министерството за финансии во рамките на тој евроинтеграциски процес ќе бидат во фокусот на работата бидејќи тие значат и унапредување на процесите и приближување на земјата до ЕУ-стандардите.
Како што беше посочено, ЕУ е значаен поддржувач на земјата од нејзината независност и дека таквата поддршка ќе продолжи и во наредниот период.