Свет
(Видео) Маж со тешка повреда на ‘рбетот повторно прооде благодарение на имплант
Швајцарски научници развија имплант со кој маж со тешка повреда на ‘рбетниот столб повторно прооде. Ова е прв случај човек со целосно пресечен ‘рбетен столб повторно да успее да оди.
Мајкл Рокати останал парализиран по сообраќајна несреќа со мотор. ‘Рбетниот столб му бил целосно отсечен и воопшто не ги чувствувал нозете. Но, по поставувањето на електричниот имплант повторно ги направил своите „први чекори“.
Експертите нагласуваат дека ова не е универзален третман за повреди на ‘рбетот и дека технологијата сè уште е премногу комплицирана за да се користи во секојдневниот живот.
„ Можам да станам, да одам каде сакам, можам да се качувам по скали – тоа е речиси нормален живот. Порано се занимавав со бокс, трчање и вежбање во вежбалница. По несреќата повеќе не можев да ги правам работите што ги сакам, но не сакав да се откажам. Никогаш не ја прекинав рехабилитацијата. Сакав да го решам овој проблем“ – додаде тој.
Брзината на закрепнувањето на Мајкл го воодушевила и неврохирургот кој ја извршил оваа операција, односно вградил имплант и поврзал електроди на одделни нервни влакна.
„Бев крајно изненаден. Мајкл е апсолутно неверојатен. Со оваа нова технологија треба да напредува сè повеќе и повеќе“, изјави Џоселин Блок од Институтот ЛНТМ.
Д-р Рам Харихаран од Северната општа болница во Шефилд истакна дека вакво нешто досега не е направено.
„Не сум слушнал за никакво истражување во кое на пациент со целосно исечен ‘рбетниот мозок му бил вграден имплант и на кој потоа можел да ги движи мускулите доволно за да застане и да оди “, рече Харихаран, додавајќи дека се потребни повеќе клинички испитувања пред да се покаже дека тоа е навистина ефикасен третман.
Нервите во ‘рбетниот мозок испраќаат сигнали од мозокот до нозете. Кога овие нерви се оштетени, некои луѓе остануваат парализирани. Во случајот на Мајкл, неговите нозе воопшто не добивале сигнали бидејќи ’рбетниот столб му бил целосно отсечен. Се покажа дека имплантот може успешно да ги испрати овие сигнали, кои му овозможија повторно да оди – но само кога ќе се вклучи имплантот, наведе Index.hr.
Би-би-си јавува дека досега девет лица примиле имплант и си ја вратиле способноста за одење. Никој од нив не ги користи како помош за одење во секојдневниот живот, бидејќи во оваа фаза е премногу комплицирано – наместо тоа, тие ги користат за вежбање одење кое ги зајакнува нивните мускули, го подобрува здравјето и често враќа малку движења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Марин Ле Пен и 26 лица обвинети за финансиска измама
На француската политичарка и екстремно десничарка Марин Ле Пен, заедно со уште 26 лица, ќе и се суди под обвинение за финансиска измама, која наводно траела од 2004 до 2016 година.
Според обвинителството, Марин Ле Пен и нејзините колеги од партиите Национален фронт и Национален собир користеле пари наменети за плаќање помошници на претставниците во Европскиот парламент за да им платат на луѓето кои работеле за партијата во Франција.
Поранешниот кандидат за претседател на Франција демантираше се. Според неа, станува збор за „политички прогон“, додека од Европскиот парламент велат дека се оштетени финансиски, но и дека им е уништен угледот.
Доколку биде прогласена за виновна, максималната казна за овие кривични дела е 10 години зад решетки. Сепак, поголем проблем за Марин Ле Пен е фактот што може да биде осудена и на долгорочна забрана за политичка активност.
Ле Пен особено сака да го избегне овој дел од реченицата, бидејќи според сегашните анкети, веројатно има најголеми шанси да стане шефица на Франција на изборите што ќе се одржат во 2027 година, имајќи предвид дека сегашните анкети велат дека таа има поддршката на 40 отсто од граѓаните на оваа земја.
Се очекува дека Ле Пен ќе се обиде да направи политичко прашање од нејзиното судење, по примерот на Доналд Трамп и дека нејзината популарност ќе се зголеми доколку биде осудена. Не се знае кога ќе заврши судењето.
Свет
Зеленски: Никој не знае што му е на ум на Путин
Украинскиот претседател Володимир Зеленски денеска изјави дека не е прв пат рускиот лидер Владимир Путин да му се заканува на светот со можна употреба на нуклеарно оружје и дека „никој не знае што му е на ум“.
„Никој не знае што навистина има Путин на ум. Тој може да користи нуклеарно оружје во која било земја, во секое време, или не. Не сум сигурен дека ќе го стори тоа“, рече Зеленски во интервју за Фокс њуз.
Тој нагласи дека не може точно да знае кои се намерите на рускиот претседател.
Свет
Пентагон: Подготвени сме во краток рок да испратиме дополнителна војска на Блискиот Исток
Aмериканскиот секретар за одбрана Лојд Остин ја овласти американската војска да го зајакне своето присуство на Блискиот Исток.
„Остин ја зголеми подготвеноста за дополнителни американски сили да се распоредат, за да можеме подобро да одговориме на различни непредвидени ситуации“, објави портпаролот на Пентагон, генерал-мајор Патрик Рајдер во соопштението.
„Остин јасно стави до знаење дека ако Иран или неговите сојузници го искористат овој момент за да го таргетираат американскиот персонал или интересите во регионот, САД ќе ги преземат сите неопходни мерки за одбрана на нашиот народ“, додаде тој.
Во соопштението на Пентагон се вели дека може да распореди сили на краток рок и дека САД се уште се фокусирани на заштита на американските граѓани и сили во регионот, одбрана на Израел и деескалација на ситуацијата.