Европа
Шведска ги укина мерките, ги прекина тестирањата и ги отвори границите
Тoчно на полноќ, приближно две години по почетокот на пандемијата, Шведска ги укина сите епидемиолошки мерки, го прекина масовното и бесплатно тестирање за Ковид-19 и целосно ги отвори границите за сите граѓани на Европската Унија.
Дури и бројките на заразени и починати исчезнаа од ударните позиции во шведските медиуми. Покрај пандемијата, која и натаму е во ек (Шведска забележа десетици илјади позитивни тестови во последните денови), од утрово властите само потсетуваат на советите до невакцинираните да избегнуваат метеж во затворени простории и им препорачуваат на сите да останат дома доколку имаат симптоми на Ковид-19.
„Пандемијата не е завршена, но ограничувањата и рестркциите се. Сè уште има посебни совети за невакцинираните лица. Важно е сите граѓани да останат дома доколку имаат симптоми. Тие не мора да се тестираат освен ако не работат во сферата на здравството и социјалната заштита. За нив постојат посебни правила на однесување“, изјави шведската министерка за здравство, Лена Халенгрен, додавајќи:
„Сè уште има потреба луѓето да се вакцинираат. Доколку сте примиле две дози од вакцината, треба да земете и трета. За да продолжи заштитата од ширење на инфекцијата, но и од сериозна болест, потребни се три дози“.
Врз основа на одлуката на властите од денеска (среда), веќе не важат следните епидемиолошки мерки: задолжителна контрола за ковид-сертификат за сите јавни собири во затворени простории со повеќе од 50 луѓе, сите јавни собири во затворен простор мора да имаат места за седење, ограничување на јавните собири во затворени простории на 500 луѓе (во спортот 500 луѓе по трибина) и најмалку 10 квадратни метри простор по учесник.
Укинато е и затворањето на рестораните и баровите во 23 часот, ограничувањето од осум лица на маса во рестораните со најмалку еден метар растојание меѓу масите, како и тоа дека јавните простори како што се вежбалници, музеи, галерии, забавни паркови и базени мора да обезбедат најмалку 10 квадратни метри простор по посетител.
Укинати се и препораките за работа од дома, за избегнување на возрасните да учествуваат на масовни спортски натпревари и кампови, делумно да се одржува настава од далечина на универзитетите и да се носи маска во случај на метеж во јавниот превоз.
Исто така граѓаните на ЕУ/ЕЕА и Швајцарија повеќе не мора да докажуваат дека се вакцинирани или негативни на тестовите за ковид при влез во Шведска. Вратата е ширум отворена како и пред пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Европа
Пристигна првата реакција на Русија на планот за победа на Зеленски
Русија го отфрли планот за победа на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените провокативни активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот една Кина и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.