Спорт
Промени во ЛШ – Нов формат на натпреварувањето од 2024
УЕФА подготвува големи промени во форматот на Лигата на шампионите. Сегашниот натпреварувачки систем ќе замине во историјата во 2024 година.
Планот на УЕФА е лига во која ќе учествуваат 36 клубови. Секој учесник ќе одигра најмалку десет натпревари. Нема да се игра по принципот дома-гости, туку секој тим пет пати ќе биде домаќин и пет пати гостин против различни екипи.
УЕФА, двојките ќе г одредува според рејтингот на нејзината листа.
На крајот најдобрите осум екипи ќе изборат директен пласман во осмина-финалето, тимовите од 9. до 24.место ќе играат плејоф. Носители ќе бидат клубовите кои ќе бидат пласирани од 9. до 16.место.
Најдобрите осум потоа ќе им се приклучат на победниците во плејофот со што ќе започне нокаут фазата и борбата за трофејот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.
Спорт
(Видео) Брејк на Минесота во Денвер
Актуелните шампиони Денвер Нагетс, со пораз ја започнаа полуфиналната серија во Западната конференција. Во „Бол арена“, Дебевер доживеа пораз од Минесота Тимбервулвс 99:106.
Денвер одигра далеку под просекот, со лоши проценти на реализиција и Вулвс апсолутно заслужено победија.
Јокиќ постигна 32 поени, имаше осум скока и девет асистенции, но загуби и седум топки, притоа шутираше 11/25 од поле.
Ниту Џамал Мареј не се прослави во шутот со 6/14 и 17 поени, додека Портер Јуниор натпреварот го заврши со 20 поени, со реализација 6/13.
Кај гостите од Минесота се истакна Ентони Едвардс со 43 поени, Таунс постигна 20, но многу важна улога имаше Наз Рид со 16 поени, од кои 14 во последниот дел, како и Руди Гобер со два многу важни коша во клучните моменти од натпреварот.
Едвардс стана вториот играч на 22-годишна возраст или помлад, по Коби Брајант, кој има два последователни натпревари во плејофот со повеќе од 40 поени.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024