Свет
Пицула: Групирањето руски сили на границата со Украина е глобална безбедносна закана
Групирањето руски сили на украинско-руската граница одамна не е локален проблем и денес претставува глобална безбедносна закана, изјави за Би-Би-Си хрватскиот европратеник Тонино Пицула.
„Украина влезе во осмата годишнина од војната со проруските сепаратисти кои со поддршка на Русија отцепија дури три источни украински региони – Доњецк, Луганск и Крим“, изјави Пицула за BBC World и BBC One.
Координаторот за надворешна политика на ЕУ од групата социјалисти и демократи во Европскиот парламент групирањето на руските сили на границата со Украина го оцени како глобална безбедносна закана, односно дека тоа одамна престанало да биде локален проблем. Сепак, тој ги пофали Украинците, односно нивниот разумен пристап.
– Можеби звучи парадоксално, но додека околу Украина се развива вистинска драма, граѓаните, но и државниот врв не се склони да драматизираат. Граѓаните секако се загрижени, но не оставаат впечаток дека се во паника – рече Пицула, кој ја пренесе оценката на своите украински соговорници дека нема потреба да се провоцира вонредна состојба со прикажување воена опрема на улиците за дестабилизација на банкарскиот систем и економијата.
– Дури и без директна воена агресија, Русија со години активно го поткопува демократскиот и социо-економскиот развој на Украина, дезинформациите и другите средства – рече тој.
Пицула ја коментираше и посетата на премиерот на Обединетото Кралство Борис Џонсон (Брисел) на Брисел и неговата изјава „дека Европа е во најголема безбедносна криза во последните неколку децении“.
Пицула рече дека војната во моментов е поблиску од кога и да е во последните дваесет години, но оти верува оти има шанси се да се реши со силна дипломатија и оти верува дека единството на Западот е клучно.
– Мора да бидеме многу фокусирани на зачувување на единството на западните земји ако сакаме на најефикасен начин да ја одвратиме оваа потенцијална руска агресија – рече Пицула.
Според него, Украинците најмногу се грижат да слушнат јасна порака за поддршката на НАТО и ЕУ во евентуален конфликт со Москва.
– Не верувам дека меѓу европските лидери има такви кои би биле подготвени да ја игнорираат Украина, но мора да им овозможиме на Украинците да ја бранат својата слобода и начин на живот.
Оваа криза е голем стрес-тест за нас во Европската унија, најголем од војните по распадот на Југославија – рече Пицула.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.