Спорт
Ериксен: Сакам кон мене да се однесувате како кон било кој фудбалер
Кристијан Ериксен едвај чека да се врати во акција со Брентфорд и се надева дека нема да добива поинаков третман од соиграчите и ривалите откако минатото лето имаше срцев напад на Европското првенство.
29-годишниот Данец доби срцев удар на првиот меч на Данска против Финска во Копенхаген, кога беше клинички мртов, но се опорави и се враќа во фудбалот со вграден ИЦД дефибрилатор. Тој се договори за раскин на договорот со Интер, бидејќи не смееше да игра во Италија, и потпиша шестмесечен договор со Брентфорд, каде што менаџер е неговиот сонародник Томас Франк.
„Ми беше потребно време да бидам надвор од фудбалот и затоа не давав интервјуа. Се фокусирав на моето семејство. Првото нешто што го кажав на кардиологот беше дека цела е да бидам подготвен за Светското првенство. Има време. Првата цел со Брентфорд е да останеме во Премиерлигата и да помогнам. Дефибрилаторот не ми пречи, освен на аеродромите со безбедносните системи. Се надевам дека ќе зборуваме за фудбалот и помалку за човекот кој имаше нешто што му се случи минатото лето. Се надевам дека ќе бидам третиран како сите други. Не мора да се грижат за мене како личност и како фудбалер. Да постоеја грижи немаше да се вратам на фудбалот“, вели Ериксен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024