Свет
Швајцарија на реферндум одлучува дали ќе забрани тестирање врз животни

Гласачите во Швајцарија денеска на референдум ќе одлучат дали ќе станат првата земја што ќе забрани тестирање врз животни.
На референдумот ќе се разгледа и заострување на контролата на рекламирањето на цигарите.
Кампањата, која се обидува да стави крај на сите експерименти врз глувци, стаорци и други животни, собра доволно потписи за организирање на гласање според швајцарскиот систем на директна демократија, но наиде на силно противење од огромниот фармацевтски сектор во земјата.
Индустријата, која ги вклучува фармацевтските гиганти, вели дека таквите истражувања се потребни за да се развијат нови лекови.
Поддржувачите на забраната за тестирање на животни, за кои владините бројки покажуваат дека предизвикале смрт на повеќе од 500.000 животни во швајцарските лаборатории само во 2020 година, велат дека практиката е етички погрешна и непотребна.
Последното истражување на јавното мислење покажа дека 68 отсто од испитаниците се спротивставиле на предложената забрана, што укажува на тоа дека веројатно нема да биде одобрена.
Но, затоа предлогот за дополнително ограничување на рекламирањето на тутунот најверојатно ќе помине, бидејќи 63 отсто од испитаниците се за мерката. Кампањата против тутунот, за која е потребна поддршка од повеќето кантони и гласачи за да помине, се стреми да ги прошири сегашните граници секаде каде што младите можат да ги видат рекламите. Ова би вклучувало забрана за рекламирање во весници, кина, интернет, на спортски и други настани и на билборди.
Швајцарија, исто така, одлучува за владиниот предлог за укинување на данокот од 1 процент на капиталот на компаниите, мерка која се вели дека ги намалува инвестициските трошоци и го поддржува економскиот раст. Противниците велат дека од укинувањето на даноците, со што се собираат околу 250 милиони швајцарски франци годишно, корист најмногу имаат големите компании, а поединечните даночни обврзници треба да го надополнат недостатокот.
Финансиската поддршка за швајцарските медиуми е последното прашање што ќе го разгледаат гласачите во недела, а владата сака да спречи затворање на неколку локални весници и радио станици со доделување пакет помош од 151 милион франци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.
Регион
Млад човек уапсен во Далмација за силување и детска порнографија

Окружното државно обвинителство во Сплит отвори истрага против 25-годишен хрватски државјанин под сомнение за силување и повеќе кривични дела на детска порнографија.
Според соопштението од државното обвинителство, мажот е осомничен дека ги сторил овие кривични дела во 2024 и почетокот на 2025 година во Сплитско-далматинската жупанија. Тој е обвинет за силување согласно член 153 став 1 од Кривичниот законик и повеќе кривични дела детска порнографија согласно член 163 став 1 и 2.
По сослушувањето на осомничениот, Окружното државно обвинителство му предложи на истражниот судија да му биде одреден притвор поради можноста за влијание врз сведоците и ризикот од повторување на кривичното дело. Судијата го прифати предлогот и му одреди притвор врз основа на законски основи согласно член 123 од Законот за кривична постапка.
Свет
108 камиони со храна и брашно влегоа во Газа

Израелската агенција за координација на активностите на палестинските територии (COGAT) денес објави дека 108 камиони со хуманитарна помош што превезуваат брашно и храна влегоа во Појасот Газа.
Некои од камионите беа транспортирани до нови места за дистрибуција на помош управувани од Хуманитарната фондација Газа (GHF), која е поддржана од Израел и САД.
Помошта поминала инспекција од страна на израелските власти пред да влезе во Газа преку преминот Керем Шалом, каде што голем број камиони сè уште чекаат, објавува „Тајмс оф Израел“.
Израел ја продолжи испораката на помош за Газа на 19 мај, по пауза од повеќе од два месеци, и оттогаш 1.459 камиони влегле во палестинската енклава.
Обединетите нации и другите хуманитарни агенции наведуваат дека ова не е доволна количина помош за 2,1 милиони жители, предупредувајќи на ширењето на гладот во окупираната енклава и критикувајќи ја новата фондација за помош бидејќи е под контрола на Израел, објавува „Танјуг“.