Свет
Лондон објави можен план за руски напад на Украина
Британското Министерство за одбрана објави видео на кое, меѓу другото, е прикажана мапа со распоредот на воените сили на Руската Федерација, како и можен план на Кремљ за наводна инвазија на Украина.
„Не видовме докази дека руските трупи се повлекуваат од пограничните области на Украина“, наведува британското Министерство во видеото објавено на својот официјален профил на „Твитер“.
INTELLIGENCE UPDATE: We have seen no evidence that Russian forces are withdrawing from Ukrainian border regions.
Russia retains a significant military presence that can conduct an invasion without further warning. pic.twitter.com/qTYrItLxCf
— Ministry of Defence ?? (@DefenceHQ) February 17, 2022
Во видеото се оценува дека Русија задржува значително воено присуство, со кое, како што се тврди, може да ја изврши инвазијата без дополнително предупредување.
На прашањето „Зошто претседателот Путин сака војна?“, беше кажано дека шефот на руската држава ја гледа Украина како зона на одвојување во однос на НАТО и дека смета оти земјата е културен и историски дел од Русија.
„Не се прифаќа Украина како независна држава, но таа е независна држава“, се вели во видеото.
Путин, како што се додава, исто така не е среќен поради аспирацијата на Украина за влез во НАТО и сака да ја врати под руска контрола. Понатаму, се наведува дека Русија дистрибуирала огромен број војници по должината на границата со Украина, а британски разузнавачки извори тврдат дека Русија продолжува бргу да ја зголемува својата воена моќ.
Во видеото се додава и дека британските разузнавачки извори укажуваат на ненормална активност на руската морнарица – од вежби во северен Атлантик, Балтичкото Море и Средоземното Море.
Во видеото Министерството ја презентира анализата дека северната украинска граница е во центарот во однос на позициите на руските воени сили, што е, како што беше оценето, директна закана за главниот град Киев.
Инвазијата, како што беше заклучено, може да почне за неколку дена, а графикот го покажува можното движење на руските воени сили.
На крајот од видеото се заклучува дека доколку претседателот Путин избере војна, значителен број луѓе ќе загинат за да го добијат тоа што го сака.
„Но, претседателот Путин сепак може да избере мир. Тој може да избере дипломатија и да ги деескалира тензиите. Тој може да избере превенција од конфликти“, соопшти британското Министерство за одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.