Спорт
Збогум од Пекинг – „најбезбедните“ Олимписки игри свечено затворени
Игрите на 24. Зимска Олимпијада денеска завршија во Пекинг, на славниот стар стадион „Птичје гнездо“, ставајќи крај на една од најстудените Олимпијади (по температурите и по политичките односи), одбележана со спортски моменти за сеќавање и со неверојатна изолација и карантин во услови на пандемијата на КОВИД-19 во земјата од каде што вирусот потекна.
Пекинг стана првиот град во историјата кој бил домаќин на Летна и Зимска Олимпијада, и го предава олимпискиот оган на Милано и Кортина Д’Ампецо во Италија, каде што ќе се оддржат Зимските Игри во 2026.Пред тоа, ни следува и Летната Олимпијада во Париз, Франција во 2024 година.
Жанг Јимоу, познатиот кинески режисер, повторно беше задолжен за Свеченото затворање на Игрите, откако го режираше и свеченото отварање, но и двете церемонии на Летната Олимпијада во 2008 година.
Пред Игрите, САД предводеа бојкот на Игрите поради човековите права на етничките Ујгури во покраината Синџанг, на што Кинезите одговорија така што олимпискиот оган на стадионот беше запален од двајца млади спортисти – скијачката Динџир Џиламуџијанг, која потекнува токму од Синџанг и 21-годишниот Жао Џијавен во знак на единство.
Како што започнаа спортските натпреварувања, дел од спортистите се жалеа на стриктните ограничувања поради коронавирусот, како и на смрзнувачките температури на планините во близина на Пекинг, каде што се оддржуваа натпреварите во нордиско скијање и биатлон.
Во спортските арени, повторно беа доминантни Норвежаните со 37 освоени медали, од кои 16 златни, со своите ѕвезди биатлонецот Јоханес Тингнес Бое со 4 златни медали и едно сребро, како и крос-кантри „кралицата“ Терезе Јохауг, која заврши со три злата. Финска го прослави своето прво злато во хокејот на мраз во отсуство на НХЛ играчи, додека Швајцарците доминираа во алпското скијање.
Не недостасуваа и скандали. Уметничкото лизгање, грациозниот класичен спорт беше потресен по позитивниот допинг-тест на 15-годишната Русинка Камила Валиева и одлуката да и се дозволи настап. Таа не успеа да стигне до златото, предавајќи го тронот на нејзината сонародничка Ана Шчербакова. Американците пак, беа „навредени“ од Ајлин Гу, девојката родена во Калифорнија која освои две злата за Кина во фристајл скијањето и стана вистинска ѕвезда во земјата домаќин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.